Nkunga 33:1-22
33 Beno bantu ya lunungu, beno tula milolo ya kiese sambu na Yehowa.+
Yo me fwana nde bantu ya mbote kukumisa yandi.
2 Beno pesa Yehowa matondo na kidare;Beno yimba bankunga* sambu na kukumisa yandi ti kima ya kubudila miziki ya kele ti bansinga kumi.
3 Beno yimbila yandi nkunga ya mpa;+Beno bula mbote-mbote kima ya kubudila miziki ya kele ti bansinga, kumosi ti milolo ya kiese.
4 Sambu ndinga ya Yehowa kele mbote,+Mpi bima yonso ya yandi ke salaka, yo me fwana na kutudila yo ntima.
5 Yandi ke zolaka lunungu mpi ke sambisaka kukonda kupona-pona.+
Ntoto me fuluka ti zola ya kwikama ya Yehowa.+
6 Zulu salamaka na nzila ya ndinga ya Yehowa,+Bima yonso yina kele na kati na yo* salamaka na nzila ya mpeve* ya munoko na yandi.
7 Yandi ke vukisa bamasa ya nzadi-mungwa bonso kibaka;*+Yandi ke tula bamasa ya ke dasukaka na banzo ya kubumbila bima.
8 Bika nde ntoto ya mvimba kuwa Yehowa boma.+
Bika nde bantu yina ke zingaka na ntoto ya ke butaka kuwa yandi boma.
9 Sambu yandi tubaka, mpi yo salamaka;+Yandi pesaka nsiku, mpi yo telamaka ngolo.+
10 Yehowa me bebisa balukanu* ya makanda;+Yandi me bebisa bangindu ya bantu.+
11 Kansi balukanu ya Yehowa ta bikala kimakulu;+Bangindu ya ntima na yandi kele tii na bandonga yonso ya bantu yina ta kwisa.
12 Kiese na dikanda yina Yehowa kele Nzambi na yo,+Bantu yina yandi me solaka na kuvanda bantu na yandi.+
13 Yehowa ke talaka na nsi katuka na zulu;Yandi ke monaka bana yonso ya bantu.+
14 Katuka na kisika yina yandi ke zingakaYandi ke talaka bantu yina ke zingaka na ntoto.
15 Yandi muntu ke salaka bantima ya bantu yonso;Yandi ke talaka bisalu na bo yonso.+
16 Ntotila mosi ve me gulukaka sambu na kimvuka ya nene ya basoda;+Ngolo ya nene yina muntu ya ngolo kele na yo ke gulusaka yandi ve.+
17 Mpunda kele kivuvu ya luvunu sambu na luguluku;*+Ngolo na yo ya mingi ke sadisaka ve na kutina.
18 Tala! Meso ya Yehowa ke talaka bantu yina ke waka yandi boma,+Bantu yina ke vingilaka zola na yandi ya kwikama,
19 Sambu na kugulusa bo* na lufwaMpi sambu na kutanina bo na luzingu na ntangu ya nzala.+
20 Beto* ke vingila Yehowa.
Yandi kele nsadisi na beto mpi kitaninu na beto.+
21 Bantima na beto ke vandaka na kiese sambu na yandi,Sambu beto ke tulaka ntima na zina na yandi ya santu.+
22 Bika zola na nge ya kwikama kuvanda na zulu na beto, O Yehowa,+Ntangu beto ke landa kuvingila nge.+
Banoti na nsi ya lutiti
^ To “bula miziki.”
^ Na kisina, “Makesa na yo yonso.”
^ To “mpema.”
^ Na kisina, “mukinzi.”
^ To “bandongisila.”
^ To “sambu na kununga.”
^ To “moyo na bo.”
^ To “Moyo na beto.”
