Nkunga 39:1-13
Na ntwadisi; ya Yedutuni.*+ Nkunga ya Davidi.
39 Mono tubaka nde: “Mono ta keba bitambi na monoSambu mono sumuka ve ti ludimi na mono.+
Mono ta keba munoko na mono ti kima ya kukangila munoko+Konso ntangu yina muntu ya mbi ta vanda na ntwala na mono.”
2 Mono vandaka baba mpi pima;+Mono vandaka kutuba kima ve ata sambu na mambu ya mbote,Kansi mpasi na mono vandaka ngolo.
3 Ntima na mono piaka tiya* na kati na mono.
Ntangu mono vandaka kuyindula,* tiya landaka kupela.
Ebuna ludimi na mono tubaka nde:
4 “O Yehowa, sadisa mono na kuzaba mutindu nsuka na mono ta vanda,Mpi nda ya bilumbu na mono,+Sambu mono zaba mutindu luzingu na mono kele nkufi.*
5 Ya kieleka, nge me kumisaka bilumbu na mono fioti kibeni;*+Mpi nda ya luzingu na mono kele kima ya mpamba na ntwala na nge.+
Ya kieleka, konso muntu, ata yo ke monana nde yandi kele na lutaninu, yandi kele kaka mupepe ya mpamba.+ (Sela)
6 Ya kieleka konso muntu ke tambulaka bonso kivudi.
Yandi ke salaka bisalu mingi* kaka sambu na mpamba.
Yandi ke fulusaka kimvwama, kansi yandi ke zabaka ve nani ta baka yo.+
7 Ebuna mono lenda tula kivuvu ya kubaka inki, O Yehowa?
Nge kele kivuvu na mono mosi kaka.
8 Gulusa mono na mambu na mono yonso ya mbi.+
Kubika ve nde zoba kukumisa mono kima ya kuvweza.
9 Mono bikalaka pima;Mono lendaka ve kukangula munoko na mono+Sambu nge muntu vandaka kusala yo.+
10 Katula mpasi na nge na mono.
Mono me lemba sambu diboko na nge ke bula mono.
11 Nge ke pesaka muntu ndola sambu na kusungika yandi sambu na kifu na yandi;+Nge ke diaka bima ya yandi ke zolaka kaka mutindu diniama ke salaka.
Ya kieleka konso muntu kele kaka mupepe ya mpamba.+ (Sela)
12 O Yehowa, wa kisambu na mono,Wa kudila na mono sambu na kulomba lusadisu.+
Kumona ve mpamba mansanga na mono.
Sambu mono kele kaka munzenza sambu na nge,+Muntu ya ke sala nzietelo yina ke luta,* kaka bonso ba-nkaka na mono yonso.+
13 Kutala mono ve na disu na nge ya nku sambu mono wa kieseNa ntwala nde mono fwa mpi mono kwenda.”
Banoti na nsi ya lutiti
^ Tala Bantendula ya Bangogo.
^ Na kisina, “kumaka tiya.”
^ To “kudila na ntima.”
^ To “kele ya ntangu fioti.”
^ Na kisina, “nene bonso kipala-pala ya diboko.”
^ Na kisina, “ke tulaka makelele.”
^ To “Muntu ya me katuka na insi ya nkaka.”
