Nkunga 41:1-13
Na ntwadisi. Nkunga ya Davidi.
41 Kiese na muntu yina ke tudilaka muntu ya kukonda mfunu dikebi;+Yehowa ta gulusa yandi na kilumbu ya mpasi.
2 Yehowa ta keba yandi mpi ta bikisa yandi na luzingu.
Bo ta tuba nde yandi kele muntu ya kiese na ntoto;+Nge ta pesa yandi ve ata fioti na maboko* ya bambeni na yandi.+
3 Yehowa ta sadisa yandi na mbeto na yandi ya maladi;+Na ntangu ya maladi na yandi nge ta soba kibeni mbeto na yandi.
4 Sambu mono tubaka nde: “O Yehowa. Wila mono mawa.+
Belula mono,*+ sambu mono me sala disumu na ntwala na nge.”+
5 Kansi bambeni na mono ke tuba mambu ya mbi sambu na mono nde:
“Inki ntangu yandi ta fwa mpi zina na yandi ta vila?”
6 Kana muntu mosi na kati na bo kukwisa kutala mono, ntima na yandi ke tuba mambu ya luvunu.
Yandi ke sosa kima ya mbi ya kutuba;Na nima yandi ke basika mpi ke panza yo na bantu ya nkaka.
7 Bantu yonso yina ke mengaka mono ke tuba bo na bo na nsi-nsi;Bo ke kana diambu mosi ya mbi sambu na mono nde:
8 “Diambu ya ke pesa boma me simba yandi;Awa ya yandi me bwa, yandi ta telama diaka ve.”+
9 Ata muntu yina vandaka na ngemba ti mono, yina mono tudilaka ntima,+Yina vandaka kudia dimpa na mono, yandi me balukila mono.*+
10 Kansi nge, O Yehowa, wila mono mawa mpi tedimisa mono,Sambu mono pesa bo ndola sambu na mambu yina bo salaka.
11 Na diambu yai mono ta zaba nde nge ke wa kiese sambu na mono:
Kana mbeni na mono kutula ve milolo ya kununga sambu na mpasi na mono.+
12 Kansi mono, nge ke sadisa mono sambu na kwikama na mono;+Nge ta tula mono na ntwala na nge kimakulu.+
13 Bika nde bo kumisa Yehowa, Nzambi ya Izraele,Mvula na mvula.*+
Amen mpi Amen.
Banoti na nsi ya lutiti
^ To “luzolo; moyo.” Tala Bantendula ya Bangogo.
^ To “moyo na mono.”
^ Na kisina, “me tombudila mono dikulu na yandi.”
^ To “Katuka mvula na mvula tii mvula na mvula.”
