Nkunga 50:1-23
Nkunga ya Asafi.+
50 Nzambi ya banzambi, Yehowa,*+ me tuba;Yandi ke binga ntotoKatuka na kubasika ya ntangu tii na kudinda na yo.*
2 Katuka na Sioni, kitoko ya kukuka,+ Nzambi ke sema.
3 Nzambi na beto ta kwisa mpi yandi lenda bikala ve pima.+
Tiya yina ke yokaka+ kele na ntwala na yandi,Mpi mupepe ya ngolo ke bula na nziunga na yandi.+
4 Yandi ke binga zulu mpi ntoto,+Sambu na kusambisa bantu na yandi:+
5 “Beno vukisila mono bantu na mono ya kwikama,Bantu yina ke sala kuwakana ti mono na nsadisa ya kimenga.”+
6 Zulu ke zabisaka lunungu na yandi,Sambu Nzambi yandi mosi kele Zuzi.+ (Sela)
7 “O bantu na mono, beno wa mpi mono ta tuba;Izraele, mono ta monisa mambi na nge.+
Mono kele Nzambi, Nzambi na nge.+
8 Mono ke nganina nge ve sambu na bimenga na nge,To sambu na makabu na nge ya mvimba ya kuyoka yina kele ntangu yonso na ntwala na mono.+
9 Mono kele ve na mfunu ya kubaka ngombe na nzo na nge,To bankombo* na balupangu na nge ya bankombo.+
10 Sambu konso mbisi ya mfinda kele ya mono,+Ata bambisi yina kele na mafunda ya bangumba.
11 Mono me zaba konso ndeke ya bangumba;+Bambisi ya nseke yina bo lenda tanga ve ntalu kele ya mono.
12 Kana mono vandaka na nzala, mono zolaka kuzabisa nge ve,Sambu ntoto yina ke butaka mpi bima yonso yina kele na kati na yo kele ya mono.+
13 Keti mono ta dia misuni ya bangombeMpi ta nwa menga ya bankombo?+
14 Pesa matondo na Nzambi bonso kimenga na nge,+Mpi lungisa balusilu na nge na Muntu ya Kuluta Zulu;+
15 Binga mono na ntangu ya mpasi.+
Mono ta gulusa nge, mpi nge ta pesa mono nkembo.”+
16 Kansi Nzambi ta tubila muntu ya mbi nde:
“Inki nswa nge kele na yo ya kuzabisa bansiku na mono+To ya kutubila kuwakana na mono?+
17 Sambu nge ke mengaka nde bo longa nge,Mpi nge ke landa kupesa bangogo na mono mukongo.*+
18 Ntangu nge ke mona muyibi, nge ke ndima yandi,*+Mpi nge ke sala kinduku ti bantu yina ke taka bizumba.
19 Nge ke sadila munoko na nge sambu na kupanza mambu ya mbi,Mpi luvunu me kangama na ludimi na nge.+
20 Nge ke vanda mpi ke tuba mambu ya mbi sambu na mpangi na nge;+Nge ke basisa bifu* ya mwana ya mama na nge.
21 Ntangu nge salaka mambu yai, mono bikalaka pima,Yo yina nge yindulaka nde mono ta vanda kaka bonso nge.
Kansi ntangu yai mono ta nganina nge,Mpi mono ta yidika mambu ya kufunda nge.+
22 Pardo beno tadila diambu yai, beno bantu yina ke vilaka Nzambi,+Sambu mono pasula beno ve bitini-bitini mpi muntu ya kugulusa beno kuvanda ve.
23 Muntu yina ke pesa matondo bonso kimenga na yandi, ke pesa mono nkembo,+Mpi muntu yina ke landa nzila yina me tulamaka,Mono ta sala nde yandi mona luguluku ya Nzambi.”+
Banoti na nsi ya lutiti
^ To “Nzambi, Yehowa.”
^ To “Katuka na esti tii na westi.”
^ Na kisina, “bankombo ya babakala.”
^ Na kisina, “kulosa bangogo na mono na mukongo na nge.”
^ To mbala ya nkaka, “nge ke vukana ti yandi.”
^ To “ke bebisa lukumu.”
