Nkunga 61:1-8
-
Nzambi, nzo-zulu ya ngolo sambu na kuditanina na bambeni
-
“Mono ta vanda munzenza na tenta na nge” (4)
-
Na ntwadisi; ya kuyimba ti bima ya kubudila miziki ya kele ti bansinga. Ya Davidi.
61 O Nzambi, wa kudila na mono sambu na kulomba lusadisu.
Tula dikebi na kisambu na mono.+
2 Katuka na nsuka ya ntoto, mono ta didila ngeNtangu ntima na mono me konda kivuvu.*+
Nata mono na ditadi yina kele ya nda kuluta mono.+
3 Sambu nge kele kitininu na mono,Nzo-zulu ya ngolo yina ke taninaka mono na mbeni.+
4 Mono ta vanda munzenza na tenta na nge kimakulu;+Mono ta tina na kisika ya lutaninu ya mapapu na nge.+ (Sela)
5 Sambu nge, O Nzambi, nge me wa balusilu na mono.
Nge me pesa mono dikabu ya bantu yina ke waka zina na nge boma.+
6 Nge ta yika bilumbu na luzingu* ya ntotila,+Mpi bamvula na yandi ta vanda tii na bandonga yonso ya bantu yina ta kwisa.
7 Yandi ta vanda na kiti ya kimfumu* kimakulu na ntwala ya Nzambi;+Pesa yandi zola ya kwikama mpi kwikama, sambu yo tanina yandi.+
8 Ebuna mono ta yimba bankunga* sambu na kukumisa zina na nge kimakulu,+Ntangu mono ke lungisa balusilu na mono konso kilumbu.+
Banoti na nsi ya lutiti
^ To “me lemba.”
^ Na kisina, “bilumbu.”
^ To “ta zinga.”
^ To “ta bula miziki.”
