Nkunga 62:1-12
Na ntwadisi; ya Yedutuni.* Nkunga ya Davidi.
62 Ya kieleka, mono ke vingila* Nzambi na pima yonso.
Luguluku na mono ke katuka na yandi.+
2 Ya kieleka, yandi kele ditadi na mono mpi luguluku na mono, kisika na mono ya mbote ya kubumbana;*+Mono ta nikana ve ngolo ata fioti.+
3 Tii nki ntangu beno ta nwanisa muntu sambu na kufwa yandi?+
Beno yonso beno kele kigonsa bonso kibaka yina me kwenda na lukalu, kibaka ya matadi yina ke zola kubwa.*
4 Sambu bo ke pesana ndongisila sambu na kukatula yandi na kisika na yandi ya lukumu;*Bo ke wa kiese na kukusa.
Bo ke sakumuna ti munoko na bo, kansi bo ke singa na ntima na bo.+ (Sela)
5 Ya kieleka, mono ke vingila Nzambi na pima yonso,*+Sambu kivuvu na mono ke katukaka na yandi.+
6 Ya kieleka, yandi kele ditadi na mono mpi luguluku na mono, kisika na mono ya mbote ya kubumbana;Mono ta nikana ve ata fioti.+
7 Luguluku na mono mpi nkembo na mono kele na maboko ya Nzambi.
Ditadi na mono ya ngolo, kitininu na mono, kele Nzambi.+
8 Beno tudila yandi ntima ntangu yonso, O beno bantu.
Beno kangula bantima na beno na ntwala na yandi.+
Nzambi kele kitininu na beto.+ (Sela)
9 Bana ya bantu kele mupepe ya mpamba,Bana ya bantu kele luvunu.+
Kana nge tula bo na kilo, bo kele pepele kuluta mupepe ya mpamba.+
10 Beno tula ve ntima na kubotula bimaMpi beno tula ve bivuvu ya luvunu na kuyiba.
Kana kimvwama na beno kukuma mingi, beno tudila yo ve ntima.+
11 Nzambi me tuba mbala mosi, mono me wa mbala zole diambu yai:
Nde ngolo kele ya Nzambi.+
12 Diaka, zola ya kwikama kele ya nge, O Yehowa,+Sambu nge ke futaka konso muntu na kutadila bisalu na yandi.+
Banoti na nsi ya lutiti
^ Tala Bantendula ya Bangogo.
^ To “moyo na mono ke vingila.”
^ To “kisika na mono ya kutinina ya kunanguka.”
^ To mbala ya nkaka, “Beno yonso, bonso nde yandi kele kibaka yina me kwenda na lukalu, kibaka ya matadi yina ke zola kubwa.”
^ To “na nkembo na yandi.”
^ To “vingila Nzambi na pima yonso, O moyo na mono.”
