Nkunga 64:1-10
-
Lutaninu na bigonsa ya kubumbana
-
“Nzambi ta losila bo batolo-tolo” (7)
-
Na ntwadisi. Nkunga ya Davidi.
64 Wa ndinga na mono, O Nzambi, ntangu mono ke bondila.+
Tanina luzingu na mono na boma ya ngolo ya mbeni.
2 Tanina mono na bakomplo ya kinsweki ya bantu ya mbi,+Na kimvuka ya bantu ya ke salaka mambu ya mbi.
3 Bo ke tula ludimi na bo makasi kaka bonso mbele ya bitumba;Bo ke yidika bangogo na bo ya nku bonso batolo-tolo,
4 Sambu na kulosila yo muntu ya me sala kima ve katuka na bisika ya bo me bumbana;Bo ke losila yandi yo na kintulumukina, kukonda boma.
5 Bo ke kangama ngolo na ngindu na bo ya mbi;*Bo ke tubila mutindu ya kubumba mitambu na bo.
Bo ke tuba nde: “Nani ta mona yo?”+
6 Bo ke sosa mitindu ya mpa ya kusala mambu ya mbi;Bo ke yidika bapula na bo ya mayele na kinsweki;+Bangindu yina ke vandaka na ntima ya konso muntu, mpila ya kubakisa yo kele ve.
7 Kansi Nzambi ta losila bo batolo-tolo;+Na kintulumukina yo ta lwadisa bo.
8 Ludimi na bo mosi ta bwisa bo;+Bantu yonso yina ke tala ta nikisa ba-ntu na bo.
9 Ebuna bantu yonso ta wa boma,Bo ta zabisa mambu yina Nzambi me sala,Mpi bo ta vanda ti mayele ya kubakisa mbote-mbote bisalu na yandi.+
10 Muntu ya lunungu ta wa kiese na Yehowa mpi ta tina na yandi;+Bantu yonso ya ntima ya kusungama ta yangalala.*
