Nkunga 66:1-20
Na ntwadisi. Nkunga. Miziki.
66 Ntoto ya mvimba, beno tula milolo ya kununga sambu na Nzambi.+
2 Beno yimba bankunga* sambu na kukumisa zina na yandi ya nkembo.
Beno sala nde lukumu na yandi kukuma nkembo.+
3 Beno tubila Nzambi nde: “Bisalu na nge ke pesa kibeni boma!+
Sambu na ngolo na nge ya nene,Bambeni na nge ta fukimina nge na boma.+
4 Bantu ya ntoto ya mvimba ta fukimina nge;+Bo ta yimbila nge bankunga ya lukumu;Bo ta yimbila zina na nge bankunga ya lukumu.”+ (Sela)
5 Beno kwisa kumona bisalu ya Nzambi.
Bisalu na yandi sambu na bana ya bantu ke pesa boma.+
6 Yandi kumisaka nzadi-mungwa ntoto ya kuyuma;+Bo sabukaka nzadi na makulu.+
Kuna beto waka kiese sambu na yandi.+
7 Yandi ke yala kimakulu+ na ngolo na yandi.
Meso na yandi ke landa kukengila makanda.+
Bantu yina kele ntu-ngolo fwete kudinangula ve.+ (Sela)
8 Beno bantu, beno kumisa Nzambi na beto,+Mpi bika nde makelele ya lukumu na yandi kuwakana.
9 Yandi ke taninaka beto na luzingu;*+Yandi ke pesaka ve nzila nde makulu na beto kubula sakuba.*+
10 Sambu nge me fimpa beto, O Nzambi;+Nge me katula beto mvindu mutindu bo ke katulaka arza mvindu.
11 Nge kotisaka beto na bukondi ya kuzomba;Nge tulaka kizitu ya nene na zulu na beto.*
12 Nge pesaka muntu nzila ya kutambula na zulu na beto;*Beto lutaka na kati ya tiya mpi na kati ya masa;Ebuna nge nataka beto na kisika ya kupema.
13 Mono ta kwisa kukota na nzo na nge ti makabu ya mvimba ya kuyoka;+Mono ta lungisa balusilu na mono na nge,+
14 Balusilu yina bikobo na mono silaka+Mpi yina munoko na mono tubaka ntangu mono vandaka na mpasi.
15 Mono ta tambikila nge makabu ya kuyoka ya bambisi ya mafuta,Ti midinga ya bimenga ya mameme ya babakala.
Mono ta tambika bangombe ya babakala ti bankombo ya babakala. (Sela)
16 Beno kwisa mpi beno wa, beno yonso yina ke waka Nzambi boma,Mpi mono ta zabisa beno mambu yina yandi me sala sambu na mono.*+
17 Mono bingaka yandi ti munoko na mono,Mpi mono pesaka yandi nkembo ti ludimi na mono.
18 Kana mono bumbaka na ntima na mono konso kima ya ke pesaka mpasi,Yehowa zolaka kuwa mono ve.+
19 Kansi Nzambi waka;+Yandi tulaka dikebi na kisambu na mono.+
20 Lukumu na Nzambi, yina buyaka ve kisambu na mono,Mpi yiminaka mono ve zola na yandi ya kwikama.
Banoti na nsi ya lutiti
^ To “bula miziki.”
^ To “ke tulaka moyo na beto na luzingu.”
^ To “kutambula na lunziungu.”
^ Na kisina, “na baluketo na beto.”
^ Na kisina, “na zulu ya ntu na beto.”
^ To “moyo na mono.”
