Nkunga 96:1-13
96 Beno yimbila Yehowa nkunga ya mpa.+
Ntoto ya mvimba, beno yimbila Yehowa!+
2 Beno yimbila Yehowa; beno kumisa zina na yandi.
Beno zabisa nsangu ya mbote ya luguluku na yandi konso kilumbu.+
3 Beno zabisa nkembo na yandi na makanda,Beno zabisa bisalu na yandi ya kuyituka na bantu yonso.+
4 Yehowa kele nene mpi yo me fwana kibeni na kukumisa yandi.
Yandi ke pesaka boma mingi kuluta banzambi yonso ya nkaka.
5 Banzambi yonso ya bantu kele banzambi ya kukonda mfunu,+Kansi Yehowa muntu salaka zulu.+
6 Bunene* ti lukumu kele na ntwala na yandi;+Ngolo ti kitoko kele na kisika na yandi ya santu.+
7 Beno mabuta ya bantu, beno pesa Yehowa yina me fwana na yandi,Beno pesa Yehowa yina me fwana na yandi sambu na nkembo mpi ngolo na yandi.+
8 Beno pesa Yehowa nkembo yina me fwana na zina na yandi;+Beno nata dikabu mpi beno kota na bibansala na yandi.
9 Beno fukama na ntwala ya* Yehowa ti bilele ya santu;*Ntoto ya mvimba, beno tekita na ntwala na yandi!
10 Beno zabisa na kati ya makanda nde: “Yehowa me kuma Ntotila.+
Ntoto* kele ya kutulama ngolo, yo lenda nikana ve.
Yandi ta sambisa* bantu na lunungu.”+
11 Bika zulu kuyangalala, mpi bika ntoto kuvanda na kiese;Bika nzadi-mungwa ti bima yonso yina kele na kati na yo kutula makelele;+
12 Bika banseke ti bima yonso yina kele na kati na yo kuvanda na kiese.+
Na ntangu yina mosi, bika banti yonso ya mfinda kutula milolo ya kiese+
13 Na ntwala ya Yehowa, sambu yandi ke kwisa,*Yandi ke kwisa kusambisa ntoto.
Yandi ta sambisa ntoto ya mvimba* ti lunungu+Mpi yandi ta sambisa bantu na kwikama na yandi.+
Banoti na nsi ya lutiti
^ To “Nkembo.”
^ To “Beno sambila.”
^ To mbala ya nkaka, “sambu na lukumu ya busantu na yandi.”
^ To “Ntoto ya ke butaka.”
^ To “ta samba diambu ya.”
^ To “me kwisa.”
^ To “ntoto ya ke butaka.”
