Nkunga 97:1-12
97 Yehowa me kuma Ntotila!+
Bika ntoto kuvanda na kiese.+
Bika bisanga mingi kuyangalala.+
2 Matuti ti mpimpa ya ngolo kele na nziunga na yandi;+Kusungama ti lunungu kele fondasio ya kiti na yandi ya kimfumu.+
3 Tiya ke basika na ntwala na yandi+Mpi yo ke yoka bambeni na yandi na bandambu yonso.+
4 Banzasi na yandi ke pesa nsemo na insi;Ntoto ke mona yo mpi ke tekita.+
5 Bangumba ke kuma masa-masa bonso mafuta na ntwala ya Yehowa,+Na ntwala ya Mfumu ya ntoto ya mvimba.
6 Zulu ke zabisaka lunungu na yandi,Mpi bantu yonso ke monaka nkembo na yandi.+
7 Bika bantu yonso yina ke sadilaka konso kiteki yina kuwa nsoni,+Bantu yina ke kudikumisaka sambu na banzambi na bo ya kukonda mfunu.+
Beno fukimina* yandi, beno yonso banzambi.+
8 Sioni ke widikila mpi ke wa kiese;+Babwala* ya Yuda kele na kieseSambu na balusambisu na nge, O Yehowa.+
9 Sambu nge, O Yehowa, nge kele Muntu ya Kuluta Zulu na ntoto ya mvimba;Nge kele na zulu kibeni ya banzambi yonso ya nkaka.+
10 O beno bantu yina ke zolaka Yehowa, beno menga mambu ya mbi.+
Yandi ke taninaka luzingu* ya bantu na yandi ya kwikama;+Yandi ke gulusaka bo na maboko* ya bantu ya mbi.+
11 Nsemo me basika sambu na muntu ya lunungu+Mpi kiese sambu na bantu yina kele na ntima ya kusungama.
12 Beno wa kiese na Yeho- wa, beno bantu ya lunungu,Beno pesa matondo na zina na yandi ya santu.*
Banoti na nsi ya lutiti
^ To “sambila.”
^ Na kisina, “Bana-bankento.”
^ To “mioyo.”
^ To “ngolo.”
^ Na kisina, “Beno yibuka busantu na yandi mpi beno pesa matondo na zina na yandi.”
