Nkunga 99:1-9
99 Yehowa me kuma Ntotila.+ Bika bantu kutekita.
Yandi me vanda na kiti ya kimfumu na zulu* ya basherube.+ Bika ntoto kunikana.
2 Yehowa kele nene na Sioni,Mpi yandi kele na zulu kuluta bantu yonso.+
3 Bika bo kumisa zina na nge ya nene+Sambu yo ke pesa boma mpi yo kele santu.
4 Yandi kele ntotila ya ngolo yina ke zolaka lunungu.+
Nge me tulaka ngolo mambu yina kele ya kusu- ngama.
Nge me tula lunungu mpi kusungama+ na Yakobi.
5 Beno kumisa Yehowa Nzambi na beto+ mpi beno fukama* na ntwala ya kazune na yandi;+Yandi kele santu.+
6 Moize ti Aroni vandaka na kati ya banganga-nzambi na yandi,+Mpi Samuele vandaka na kati ya bantu yina vandaka kubinga zina na yandi.+
Bo vandaka kubinga Yehowa,Mpi yandi vandaka kundima.+
7 Yandi vandaka kusolula ti bo katuka na dikunzi ya dituti.+
Bo zitisaka bangibusa na yandi mpi nsiku yina yandi pesaka bo.+
8 O Yehowa Nzambi na beto, nge pesaka bo mvutu.+
Nge vandaka Nzambi yina vandaka kulolu- la bo,+Kansi nge pesaka bo ndola* sambu na masumu na bo.+
9 Beno kumisa Yehowa Nzambi na beto+Mpi beno fukama* na ntwala ya ngumba na yandi ya santu,+Sambu Yehowa Nzambi na beto kele santu.+
Banoti na nsi ya lutiti
^ To mbala ya nkaka, “na kati-kati.”
^ To “sambila.”
^ Na kisina, “nge vutudilaka bo mbi.”
^ To “sambila.”
