Bingana 2:1-22
2 Mwana na mono, kana nge ndima mambu ya mono ke tubaMpi nge bumba mbote-mbote bansiku na mono,+
2 Kana nge sala nde dikutu na nge kutudila mayele dikebi+Mpi nge balula ntima na nge na ndambu ya luswasukusu;+
3 Diaka, kana nge tuba na ndinga ya ngolo sambu na kubaka mayele ya kubakisa mambu+Mpi nge tombula ndinga na nge sambu na kubaka luswasukusu;+
4 Kana nge landa kusosa yo mutindu bo ke sosaka arza,+Mpi nge landa kusosa yo mutindu bo ke sosaka bimvwama yina me bumbanaka;+
5 Nge ta bakisa boma ya Yehowa,+Mpi nge ta zwa nzayilu ya Nzambi.+
6 Sambu Yehowa yandi mosi ke pesaka mayele;+Nzayilu ti luswasukusu ke katukaka na munoko na yandi.
7 Yandi ke bumbaka mbote-mbote mayele sambu na bantu ya mbote;Yandi kele kitaninu sambu na bantu yina ke tambulaka na kwikama.+
8 Yandi ke kebaka banzila ya lunungu,Mpi yandi ta tanina nzila ya bantu na yandi ya kwikama.+
9 Ebuna nge ta bakisa mambu ya lunungu, ya mbote, mpi ya me fwana,Nzila ya mvimba ya mambu ya mbote.+
10 Ntangu mayele ke kota na ntima na nge+Mpi nzayilu ke kuma kitoko na moyo* na nge,+
11 Mayele ya kuyindula ta landa kukeba nge,+Mpi luswasukusu ta tanina nge,
12 Sambu na kugulusa nge na nzila ya mbi,Na muntu yina ke tubaka mambu ya luvunu,+
13 Na bantu yina ke yambulaka banzila ya kusungamaSambu na kutambula na banzila ya mpimpa,+
14 Na bantu yina ke yangalalaka na kusala mambi,Yina ke waka kiese na mambu ya mbi kibeni,
15 Bantu yina banzila na bo kele nioka-niokaMpi yina nzila na bo ya mvimba kele ya kutengama.
16 Yo ta gulusa nge na nkento ya ntu-ngolo,*Na bangogo ya sukadi* ya nkento ya mansoni,*+
17 Yina ke yambulaka nduku na yandi ya ngolo* ya ki- leke+Mpi ke vilaka kuwakana ya Nzambi na yandi;
18 Sambu nzo na yandi ke kulumuka na lufwa,Mpi banzila na yandi ke nata na bantu yina me konda ngolo na lufwa.+
19 Muntu mosi ve na kati ya bantu yina ke vukisa nitu ti yandi* ta vutuka,Bo ta mona diaka ve banzila ya luzingu.+
20 Yo yina, landa nzila ya bantu ya mboteMpi bikala na banzila ya bantu ya lunungu,+
21 Sambu bantu ya mbote mpamba bantu ta zinga na ntoto,Mpi bantu ya kukonda kifu bantu ta bikala na kati na yo.+
22 Kansi bantu ya mbi, bo ta katula bo na ntoto,+Mpi bo ta tumuna bayekudi na ntoto.+
Banoti na nsi ya lutiti
^ Tala Bantendula ya Bangogo.
^ Na kisina, “ya munzenza.” Yo ke monana nde yo kele nkento yina me kabwanaka ti Nzambi na bikalulu.
^ To “ya ke pukumunaka.”
^ Na kisina, “ya munzenza.” Yo ke monana nde yo kele nkento yina me kabwanaka ti Nzambi na bikalulu.
^ To “bakala na yandi.”
^ Na kisina, “ke kota kisika yandi kele.”
