Bingana 3:1-35
3 Mwana na mono, kuvila ve malongi* na mono,Mpi bika ntima na nge kuzitisa bansiku na mono,
2 Sambu yo ta yikila nge bilumbu mingi,Bamvula ya luzingu, mpi ngemba.+
3 Kubika ve nde zola ya kwikama mpi kwikama* kuyambula nge.+
Kangisa yo na nkingu na nge;Sonika yo na ntima na nge;+
4 Ebuna nge ta ndimama mpi ta zwa mayele ya mbote ya kubakisa mambuNa meso ya Nzambi mpi ya bantu.+
5 Tula ntima na nge ya mvimba na Yehowa,+Mpi kutula ve ntima* na mayele na nge mosi ya kubakisa mambu.+
6 Na banzila na nge yonso, yindula yandi,+Ebuna yandi ta katula basakuba na banzi- la na nge.+
7 Kukuma ve mayele na meso na nge mosi.+
Wa Yehowa boma mpi tina mambu ya mbi.
8 Yo ta vanda nkisi ya ke belula nitu* na ngeMpi yo ta pesa mikwa na nge ngolo.
9 Kumisa Yehowa ti bima na nge ya ntalu,+Ti bambuma ya ntete* ya bima* na nge yonso;+
10 Ebuna banzo na nge ya kubumbila bima ta fuluka kibeni,+Mpi bikamuninu* na nge ta fuluka kibeni ti vinu ya mpa.
11 Mwana na mono, kubuya ve ndola ya Yehowa,+Mpi kumenga ve kunganina na yandi,+
12 Sambu Yehowa ke nganinaka bantu yina yandi ke zolaka,+Kaka mutindu tata ke nganinaka mwana yina yandi ke zolaka.+
13 Kiese na muntu yina me zwa mayele+Mpi na muntu yina me zwa luswasukusu;
14 Kuzwa yo kele mbote kuluta kuzwa arza,Mpi kuvanda ti yo bonso luta kele mbote kuluta kuvanda ti wolo.+
15 Yo kele ntalu mingi kuluta bakorayi;*Kima mosi ve ya nge ke zola lenda fwanana ti yo.
16 Luzingu ya nda kele na diboko na yo ya kitata;Bimvwama ti nkembo kele na diboko na yo ya kimama.
17 Banzila na yo kele kitoko,Mpi banzila na yo yonso kele ngemba.+
18 Yo kele nti ya luzingu sambu na bantu yina ke simbaka yo,Mpi bantu yina ke kangaka yo ngolo, bo ta binga bo bantu ya kiese.+
19 Yehowa salaka ntoto na mayele.+
Yandi tedimisaka zulu ngolo na luswasukusu.+
20 Na nzayilu na yandi, masa ya mudindu kabwanakaMpi zulu ya kele na matuti nokisaka malulu.+
21 Mwana na mono, kuvila yo* ve.
Tanina mayele mpi mayele ya kuyindula;
22 Yo ta pesa nge* luzinguMpi yo ta vanda mayaka sambu na nkingu na nge;
23 Ebuna nge ta tambula na lutaninu na nzila na nge,Mpi dikulu na nge ta bula ve sakuba ata fioti.*+
24 Ntangu nge ta lala, nge ta vanda ve na boma;+Nge ta lala, mpi mpongi na nge ta vanda kitoko.+
25 Nge ta wa ve boma ya konso diambu ya kintulumukina yina ke pesaka boma ya ngolo+To mupepe ya ngolo yina ke kwisila bantu ya mbi.+
26 Sambu Yehowa ta vanda nto na nge ya kutudila ntima;+Yandi ta keba dikulu na nge sambu yo kangama ve na mutambu.+
27 Kubuya ve kusala mambu ya mbote na bantu yina nge fwete sadila yo*+Kana nge kele ti kiyeka* ya kusadisa.+
28 Kutubila ve nkweno na nge nde, “Kwenda; kwisa kuvutuka na nima! Mono ta pesa nge yo mbasi,”
Kana nge lenda pesa yo na ntangu yina.
29 Kukana ve kusadila nkweno na nge mambu ya mbi,+Ntangu yandi ke zinga ti nge mpi ke kudiwa na lutaninu.
30 Kuswana ve ti muntu kukonda kikuma+Kana yandi me sala nge ve kima ya mbi.+
31 Kulula ve muntu ya mubulu+Kusola mpi ve ata nzila na yandi mosi,
32 Sambu Yehowa ke mengaka muntu ya luvunu,+Kansi yandi ke taka kinduku ya ngolo ti bantu ya mbote.+
33 Yehowa ke singaka nzo ya muntu ya mbi,+Kansi yandi ke sakumunaka nzo ya bantu ya lunungu.+
34 Sambu yandi ke vwezaka bantu yina ke sekaka bantu,+Kansi yandi ke monisilaka bantu ya kudikulumusa ntima ya mbote.+
35 Bantu ya mayele ta baka* lukumu,Kansi bazoba ke kumisaka mambu ya ke pesaka nsoni.+
Banoti na nsi ya lutiti
^ To “nsiku.”
^ To “kieleka.”
^ Na kisina, “kuyekama ve.”
^ Na kisina, “mutolo.”
^ To “bima ya kuluta kitoko.”
^ To “lufutu.”
^ To “bikamuninu ya vinu.”
^ Tala Bantendula ya Bangogo.
^ Yo ke monana bonso nde yo ke tubila bikalulu ya Nzambi yina bo ke tubila na baverse yina me luta.
^ To “moyo na nge.”
^ To “ta tutana ve ata na kima mosi.”
^ To “na bantu yina fwete baka yo.”
^ To “Kana diboko na nge kele ti kiyeka.”
^ Na kisina, “ta baka dikabu ya.”
