Bingana 31:1-31
31 Bangogo ya ntotila Lemuele, nsangu ya mfunu yina mama na yandi pesaka sambu na kulonga yandi:+
2 Mono fwete songa nge inki, O mwana na mono,Mono songa nge inki, O mwana ya divumu na mono,Mpi mono songa nge inki, O mwana ya balusilu na mono?+
3 Kupesa ve ngolo na nge na bankento,+Mpi kulanda ve banzila yina ke fwaka bantotila.+
4 Yo kele ve mbote na bantotila, O Lemuele,Yo kele ve mbote nde bantotila kunwa vinuTo nde bamfumu kutuba nde, “Malafu na mono kele na wapi?”+
5 Kana ve bo ta nwa malafu mpi bo ta vila nsikuMpi bo ta soba banswa ya bantu ya kukonda mfunu.
6 Beno pesa malafu yina ke lawusaka na bantu yina ke fwa+Mpi beno pesa vinu na bantu yina kele na mpasi ya ngolo.*+
7 Bika bo nwa mpi bo vila kinsukami na bo;Bika bo yibuka diaka ve mpasi na bo.
8 Tuba sambu na bababa;Nwanina banswa ya bantu yonso yina ke fwa.+
9 Tuba mpi sambisa na lunungu;Nwanina banswa* ya muntu ya kukonda mfunu mpi ya nsukami.+
א [Aleph]
10 Nani lenda zwa nkento yina me fwana?*+
Ntalu na yandi me luta ntama kibeni ntalu ya bakorayi.*
ב [Beth]
11 Bakala na yandi ke tudilaka yandi ntima kibeni,Mpi bakala na yandi ke kondaka ve kima ya ntalu.
ג [Gimel]
12 Yandi ke pesaka bakala na yandi lufutu ya mbote, kansi ya mbi ve,Bilumbu yonso ya luzingu na yandi.
ד [Daleth]
13 Yandi ke bakaka lene mpi lino;Yandi ke waka kiese na kusala ti maboko na yandi.+
ה [He]
14 Yandi kele bonso maswa ya muntu ya mumbongo,+Yandi ke kwendaka kubaka madia na yandi ntama.
ו [Waw]
15 Yandi ke telamaka ntangu mpimpa kele ntete,Yandi ke pesaka bantu ya nzo na yandi madiaMpi ke pesaka bansadi na yandi ya bankento madia.+
ז [Zayin]
16 Yandi kele ti lukanu ya kuzwa kilanga mpi yandi ke sumba yo;Yandi ke kuna kilanga ya vinu na ngolo na yandi.*
ח [Heth]
17 Yandi ke yilama sambu na kisalu ya ngolo,*+Mpi yandi ke kumisa maboko na yandi ngolo.
ט [Teth]
18 Yandi ke mona nde mumbongo na yandi ke pesa luta;Mwinda na yandi ke fwa ve na mpimpa.
י [Yod]
19 Maboko na yandi me simba ntunga ya nda ya kutungila,Mpi maboko na yandi me simba muntunga.*+
כ [Kaph]
20 Yandi ke tandula diboko sambu na kusadisa muntu ya kukonda mfunu,Mpi yandi ke kangudila nsukami maboko na yandi.+
ל [Lamed]
21 Yandi ke kudiyangisaka ve sambu na bantu ya nzo na yandi na nsungi ya madidi,Sambu bantu yonso ya nzo na yandi me lwata bilele ya madidi.*
מ [Mem]
22 Yandi mosi ke salaka babulanketi na yandi.
Bilele na yandi me salama na lino mpi na lene ya mbwaki-ble.
נ [Nun]
23 Bakala na yandi me zabana mbote na bakielo ya mbanza,+Kisika yandi ke vandaka na kati ya bankuluntu ya insi.
ס [Samekh]
24 Yandi ke salaka mpi ke tekaka bilele ya lino*Mpi yandi ke pesaka bantu ya mumbongo mikaba.
ע [Ayin]
25 Yandi me lwata ngolo mpi lukumu,Mpi yandi ke tala bilumbu yina ke kwisa ti kivuvu.*
פ [Pe]
26 Yandi ke kangula munoko na yandi na mayele;+Nsiku ya ntima ya mbote* kele na ludimi na yandi.
צ [Tsade]
27 Yandi ke talaka kisalu ya bantu ya nzo na yandi,Mpi yandi ke diaka ve dimpa ya bumolo.+
ק [Qoph]
28 Bana na yandi ke telama mpi ke tuba nde yandi kele muntu ya kiese;Bakala na yandi ke telama mpi ke kumisa yandi.
ר [Resh]
29 Bankento ya me fwana* kele mingi,Kansi nge—nge me luta bo yonso.
ש [Shin]
30 Kitoko lenda kusa, mpi yo lenda vila nswalu,*+Kansi nkento yina ke waka Yehowa boma, bo ta pesa yandi lukumu.+
ת [Taw]
31 Beno pesa yandi matabisi sambu na mambu yina yandi me sala,*+Mpi bika nde bisalu na yandi kukumisa yandi na bakielo ya mbanza.+
Banoti na nsi ya lutiti
^ To “na bantu yina kele ti moyo ya bululu.”
^ To “samba diambu.”
^ To “ya mbote kibeni.”
^ Tala Bantendula ya Bangogo.
^ To “ti mbongo na yandi.” Na kisina, “na mbuma ya maboko na yandi.”
^ Na kisina, “Yandi me kanga ngolo na yandi na luketo na yandi.”
^ Ntunga ya nda ya kutungila mpi muntunga vandaka banti ya bo vandaka kusadila sambu na kukangisa nsinga to kuziungisa nsinga na zulu na yo.
^ Na kisina, “bilele zole.”
^ To “bilele ya kati.”
^ To “ke seka kilumbu yina ke kwisa.”
^ To “Kuzola malongi; Nsiku ya zola ya kwikama.”
^ To “ya mbote kibeni.”
^ To “lenda vanda mpamba.”
^ Na kisina, “Beno pesa yandi mbuma ya maboko na yandi.”
