Bingana 7:1-27
7 Mwana na mono, zitisa mambu ya mono ke tuba,Mpi bumba mbote-mbote bansiku na mono.+
2 Zitisa bansiku na mono mpi zinga;+Tanina malongi* na mono bonso mbuma ya disu na nge.
3 Kanga yo na misapi na nge;Sonika yo na ntima na nge.+
4 Tubila mayele nde, “Nge kele mpangi na mono ya nkento,”
Mpi binga mayele ya kubakisa mambu “mpangi na mono ya dibuta,”
5 Sambu na kutanina nge na nkento ya ntu-ngolo,*+Na nkento ya mansoni* mpi na bangogo na yandi ya sukadi.*+
6 Na nela ya nzo na mono,Katuka na muyungulu ya nela na mono, mono talaka na nsi,
7 Mpi ntangu mono vandaka kutala bantu ya kukonda mayele,Mono monaka na kati ya baleke, leke mosi ya bakala ya me konda mabanza ya mbote.*+
8 Yandi lutaka na bala-bala pene-pene ya kinkonko ya nkento yina,Mpi yandi lutaka na ndambu ya nzo ya nkento yina
9 Na nkokila,*+Ntangu mpimpa mpi mudidi zolaka kukota.
10 Ebuna mono monaka nkento mosi ke kutana ti yandi,Yandi me lwata bonso* nkento ya ndumba,+ ti ntima yina kele na mayele ya mbi.
11 Nkento yina kele makelele mingi mpi nkolami.+
Yandi ke vandaka ve na nzo.*
12 Na ntangu mosi yandi kele na nganda, na nima yandi kele na babala-bala ya nene,Yandi ke vingila pene-pene ya konso kinkonko.+
13 Yandi me simba leke yina mpi me pesa yandi beze;Yandi ke tubila leke yina kukonda nsoni nde:
14 “Yo lombaka nde mono pesa bimenga ya kinduku.+
Bubu mono lungisaka balusilu na mono.
15 Yo yina mono me basika sambu na kukutana ti nge,Sambu na kusosa nge, mpi mono me mona nge!
16 Mono me fika mbeto na mono bilele ya kitoko,Lino ya mikubu mingi yina me katuka na Ezipte.+
17 Mono me mwanga mire, aloesi, mpi sinamome na mbeto na mono.+
18 Kwisa, beto lawuka zola tii na suka;Beto yangalala na zola ya ngolo kumosi,
19 Sambu bakala na mono kele ve na nzo;Yandi me sala nzietelo mosi ya nda.
20 Yandi bakaka saki ya mbongo,Mpi yandi ta vutuka ve tii na kilumbu yina ngonda ta kuma ya mvimba.”
21 Yandi ke kusa leke yina ti kundimisa ya ngolo.+
Yandi ke kusa yandi ti bangogo ya sukadi.
22 Na mbala mosi yandi me landa nkento yina, bonso ngombe ya bo ke kwenda kufwa,Bonso zoba yina fwete baka ndola na mabaya.*+
23 Tii kuna tolo-tolo ta tobula dizafu* na yandi;Bonso ndeke yina ke kwenda ntinu na mutambu, yandi ke zaba ve nde yo ke tula luzingu* na yandi na kigonsa.+
24 Ntangu yai mwana na mono, wa mono;Tula dikebi na mambu ya mono ke tuba.
25 Kubika ve nde ntima na nge kubaluka sambu na kulanda banzila na yandi.
Kuyungana ve na banzila na yandi,+
26 Sambu yandi me salaka nde bantu mingi kufwa,+Mpi bantu yina yandi me fwaka kele mingi.+
27 Nzo na yandi ke nata na Maziamu;*Yo ke kulumuka na basuku ya kati ya lufwa.
Banoti na nsi ya lutiti
^ To “nsiku.”
^ To “ya ke pukumunaka.”
^ Na kisina, “me konda ntima.”
^ Na kisina, “Na kati-kati ya bankokila zole.”
^ To “me lwata bilele ya.”
^ Na kisina, “Makulu na yandi ke vandaka ve kisika mosi.”
^ To “miniololo.”
^ To “foie.”
^ To “moyo.”
^ To “Sheole,” disongidila, maziamu ya bantu yonso. Tala Bantendula ya Bangogo.
