Esdrasi 9:1-15
9 Kaka na ntangu mambu yai salamaka, bamfumu pusanaka na mono mpi tubaka nde: “Bantu ya Izraele ti banganga-nzambi mpi Balevi me kabwana ve ti bantu ya bansi mpi mambu na bo ya mbi,+ disongidila bantu ya Kanana, bantu ya Heti, bantu ya Perizi, bantu ya Yebusi, bantu ya Amoni, bantu ya Moabi, bantu ya Ezipte,+ mpi bantu ya Amore.+
2 Bo me baka bana na bo ya nkaka ya bankento sambu bo kuma bankento na bo mpi ya bana na bo ya babakala.+ Ntangu yai bo, bana* ya santu,+ bo me vukana ti bantu ya bansi yina.+ Bamfumu ti bilandi ya bamfumu kele bantu ya ntete ya me sala diambu yai ya kukonda kwikama.”
3 Ntangu mono waka mambu yai, mono pasulaka lele na mono ti kazaka na mono ya kukonda maboko, mono tumunaka ndambu ya nsuki ya ntu na mono ti mandefo na mono, mpi mono vandaka na ntoto ti mpasi ya ngolo.
4 Ebuna konso muntu yina vandaka kuzitisa* bangogo ya Nzambi ya Izraele vukanaka pene-pene na mono sambu na kukonda kwikama ya bantu yina katukaka na kimpika, kansi mono vandaka ya kuvanda ti mpasi ya ngolo tii na ntangu ya dikabu ya mbuma ya nkokila.+
5 Ebuna na ntangu ya dikabu ya mbuma ya nkokila,+ mono telamaka na kisika yina mono vandaka sambu na nsoni, ti lele na mono mpi kazaka na mono ya kukonda maboko ya kupasuka, ebuna mono fukamaka mpi tandulaka maboko na mono na Yehowa Nzambi na mono.
6 Mpi mono tubaka nde: “O Nzambi na mono, mono ke wa nsoni mingi sambu na kunangula luse na mono na nge, O Nzambi na mono, sambu bifu na beto me kuma mingi na zulu ya ba-ntu na beto mpi mbi na beto me tombuka tii na zulu.+
7 Yantika na bilumbu ya ba-nkaka na beto tii bubu yai, mbi na beto kele nene kibeni;+ mpi sambu na bifu na beto, nge me pesaka beto, bantotila na beto, mpi banganga-nzambi na beto na maboko ya bantotila ya bansi, na mbele ya bitumba,+ na kimpika,+ na kuvanda bima ya kubotula na bitumba,+ mpi na nsoni, mutindu yo kele bubu yai.+
8 Kansi ntangu yai, sambu na mwa ntangu fioti, Yehowa Nzambi na beto me ndima beto na mutindu yandi me sala nde ndambu ya bantu yina bikalaka kuguluka mpi na mutindu yandi me pesa beto kisika ya lutaninu* na kisika na yandi ya santu,+ sambu na kusala nde meso na beto kusema, O Nzambi na beto, mpi sambu na kupesa beto diaka mwa kikesa na kimpika na beto.
9 Sambu ata beto kele bampika,+ Nzambi na beto me yambulaka beto ve na kimpika na beto; kansi yandi me monisilaka beto zola na yandi ya kwikama na ntwala ya bantotila ya Persia,+ sambu na kupesa beto diaka kikesa ya kutedimisa nzo ya Nzambi na beto+ mpi ya kuyidika diaka bisika na yo yina bebaka, mpi sambu na kupesa beto kibaka ya matadi* na Yuda mpi na Yeruzalemi.
10 “Kansi ntangu yai, O Nzambi na beto, inki beto lenda tuba na nima ya mambu yai? Sambu beto me yambula bansiku na nge,
11 yina nge pesaka beto na nzila ya bansadi na nge bambikudi, ntangu nge tubaka nde: ‘Insi yina beno ke kota sambu na kubaka kele insi mosi ya kukonda bunkete sambu na kukonda bunkete ya bantu ya bansi yina, sambu na mambu na bo ya mbi yina bo me fulusa na kati yantika na ndambu mosi tii na ndambu ya nkaka mpi mambu na bo ya mvindu.+
12 Yo yina, beno pesa ve bana na beno ya bankento na bana na bo ya babakala, beno ndima mpi ve bana na bo ya bankento sambu na bana na beno ya babakala;+ mpi beno fwete sala ve ata kima mosi yina ta sala nde bo vanda na ngemba mpi bo vanda mbote,+ sambu beno kuma ngolo, beno dia bima ya mbote ya insi yina mpi beno baka yo kimakulu sambu na bana na beno.’
13 Ebuna, na nima ya mambu yina yonso ya me kumina beto sambu na bisalu na beto ya mbi mpi mbi na beto ya nene—sambu nge, O Nzambi na beto, nge me sadila beto ve mambu na kutadila kifu na beto,+ mpi nge me pesa bantu ya nkaka na kati na beto awa nzila ya kuguluka+—
14 keti beto fwete fwa diaka bansiku na nge mpi kusala kuwakana ya makwela* ti bantu yina ke salaka mambu yai ya nzanzi?+ Keti nge ta wila beto ve makasi mingi na mpila nde nge ta fwa beto kimakulu, kukonda kubika ata muntu mosi na luzingu to yina ta guluka?
15 O Yehowa Nzambi ya Izraele, nge kele muntu ya lunungu,+ sambu beto kele ndambu ya bantu yina me bikala na luzingu tii bubu yai. Awa beto kele na ntwala na nge na mbi na beto, sambu beto lenda telama ve na ntwala na nge sambu na mbi yai.”+
Banoti na nsi ya lutiti
^ Na kisina, “nkuna.”
^ Na kisina, “yina vandaka kutekita kana yandi wa.”
^ Na kisina, “pike.”
^ To “kibaka ya lutaninu.”
^ To “mpi kukwelana.”
