Ezekiele 27:1-36
-
Nkunga ya mawa sambu na maswa ya Tire yina ke dinda (1-36)
27 Ndinga ya Yehowa kwisilaka mono diaka nde:
2 “Kansi nge, mwana ya muntu, yimba nkunga ya mawa* sambu na Tire,+
3 mpi tubila Tire nde,‘Nge ya ke zingaka na bakielo ya nzadi-mungwa,Muntu ya mumbongo sambu na bantu ya bisanga mingi,Yehowa Mfumu ya Kuluta Nene me tuba nde:
“O Tire, nge me tuba nde, ‘Mono kele ti kitoko ya kukuka.’+
4 Bateritware na nge kele na kati-kati ya nzadi-mungwa,Mpi bantu yina tungaka nge me kumisa kitoko na nge ya kukuka.
5 Bo salaka mabaya na nge yonso ti banti ya yenevriye ya Senire,+Mpi bo bakaka nti ya sedre na Libani sambu na kusadila nge dikunzi ya bo ke kangisaka lele ya maswa.
6 Bo salaka bankayi na nge ti banti ya shene ya Bashani,Mpi bo salaka ntwala na nge ti nti ya sipre ya bo me yidika ti meno ya nzioko ya me katuka na bisanga ya Kitimi.+
7 Lino ya mikubu mingi yina katukaka na Ezipte vandaka lele na nge ya maswa,Mpi lele na nge ya ke fikaka maswa na zulu, bo salaka yo na nsinga ya ble mpi na lene ya mbwaki-ble yina katukaka na bisanga ya Elishah.+
8 Bantu ya Sidoni ti ya Arvadi+ vandaka bantu na nge ya ke lukaka bankayi.
O Tire, bantu na nge mosi ya me zaba kisalu mbote vandaka bamatelo na nge.+
9 Bantu ya Gebale+ ya me salaka mingi* mpi bayina me zaba kisalu mbote kangaka mabulu na nge.+
Bamaswa yonso ya nzadi- mungwa ti bantu ya ke salaka na maswa kwisaka na nge sambu na kusala mumbongo.
10 Bantu ya Persia, ya Ludi, mpi ya Puti+ vandaka na kati ya basoda na nge, bantu na nge ya bitumba.
Bo kangisaka bitaninu na bo ti bampu na bo na nge, ebuna bo pesaka nge lukumu.
11 Bantu ya Arvadi yina kele na kati ya basoda na nge vandaka kutelama na zulu ya bibaka na nge na bandambu yonso,Mpi bantu ya ngolo vandaka kutala banzo-zulu na nge.
Bo kangisaka bitaninu yina vandaka bonso dimbuma na bandambu yonso ya bi- baka na ngeMpi bo kumisaka kitoko na nge ya kukuka.
12 “‘“Tarsisi+ salaka mumbongo ti nge sambu na kimvwama na nge ya mingi.+ Bo vandaka kupesa arza, kibende, eteni, mpi plomb sambu na kubaka bima na nge.+
13 Yavani, Tubale,+ mpi Mesheki+ salaka mumbongo ti nge, mpi vandaka kupesa bampika+ ti bima ya kwivre sambu na kubaka bima na nge ya kuteka.
14 Nzo ya Togarma+ pesaka bampunda ya bitumba mpi bampunda ya nkaka sambu na kubaka bima na nge.
15 Bantu ya Dedani+ salaka mumbongo ti nge; nge bakaka bantu ya mumbongo na kisalu na bisanga mingi; bo vandaka kupesa nge meno ya banzioko+ mpi mabaya ya ndombe ya ntalu bonso kitadi.
16 Edomi salaka mumbongo ti nge sambu na bima na nge ya mingi. Bo pesaka tirkwazi, lene ya mbwaki-ble, lele ya bifwanisu ya mikubu mingi, bilele ya kitoko, bakorayi, ti barubi sambu na kubaka bima na nge.
17 “‘“Yuda ti insi ya Izraele salaka mumbongo ti nge, bo pesaka ble ya Miniti,+ madia ya kitoko, bwiki,+ mafuta, mpi balsami+ sambu na kubaka bima na nge.+
18 “‘“Damasi+ salaka mumbongo ti nge sambu na bima na nge ya mingi ti kimvwama na nge yonso, mpi yandi vandaka kusala mumbongo ya vinu ya Elboni mpi ya lene ya Zahare.*
19 Vedani mpi Yavani ya Uzale pesaka kibende ya bo me yidika mbote-mbote, kase,* mpi mukuku* sambu na kubaka bima na nge.
20 Dedani+ vandaka kusala mumbongo ti nge na bilele ya bo ke vandilaka* sambu na kunata mpunda.
21 Nge bakaka na kisalu bantu ya Arabia ti bamfumu yonso ya Kedare,+ bayina vandaka kuteka bana-mameme, mameme ya babakala, ti bankombo.+
22 Bantu ya mumbongo ya Sheba ti ya Raama+ salaka mumbongo ti nge; bo pesaka mananasi ya kuluta kitoko ya mitindu yonso, matadi ya ntalu, mpi wolo sambu na kubaka bima na nge.+
23 Arani,+ Kane, Edeni,+ bantu ya mumbongo ya Sheba,+ Ashure,+ ti Kilmadi salaka mumbongo ti nge.
24 Na zandu na nge, bo vandaka kuteka bilele ya kitoko, bakazaka ya bo me sala na bilele ya ble ti badese ya mikubu mingi, mpi batapi ya mikubu mingi, yonso ya kukanga mpi ya kutunga ngolo ti bansinga.
25 Bamaswa ya Tarsisi+ vandaka kutambula sambu na kunata bima na nge ya kuteka,Yo yina nge vandaka ya kufuluka mpi nge vandaka ti kilo mingi* na kati-kati ya nzadi-mungwa.
26 Bantu na nge ya ke lukaka bankayi nataka nge na banzadi-mungwa ya nene;Mupepe ya esti me bebisa nge na kati-kati ya nzadi-mungwa.
27 Kimvwama na nge, bima na nge, bima na nge ya kuteka, bantu na nge ya ke salaka na maswa, ti bamatelo na nge,Bantu yina ke kangaka mabulu na nge, bantu yina ke salaka mumbongo ya bima na nge,+ mpi bantu yonso ya bitumba+—Bantu yonso* yina kele na kati na nge—Bo yonso ta dinda na kati-kati ya nzadi-mungwa na kilumbu yina nge ta bwa.+
28 Ntangu bamatelo na nge ta boka, bansi yina kele na lweka ya nzadi-mungwa ta nikana.
29 Bantu yonso ya ke lukaka bankayi, bantu ya ke salaka na maswa, mpi bantu ya ke salaka na nzadi-mungwaTa tuluka na bamaswa na bo mpi ta telama na ntoto.
30 Bo ta tombula ndinga na bo mpi ta dila nge ngolo+Na ntangu yina, bo ta losa mfututu na zulu ya ba-ntu na bo mpi ta kudibalula- balula na putulu ya tiya.
31 Bo ta kuditula mabandi mpi ta lwata basaki;Bo ta dila nge ngolo* ti milolo ya ngolo.
32 Na bidilu na bo, bo ta yimba nkunga ya mawa mpi ta yimbila nge nde:
‘Nani kele bonso Tire, ya kele ntangu yai pima na kati-kati ya nzadi-mungwa?+
33 Ntangu bima na nge katukaka na nzadi-mungwa mpi kwisaka, nge lungisaka nzala ya bantu mingi.+
Kimvwama na nge ya mingi mpi bima na nge ya kuteka vwamisaka bantotila ya ntoto.+
34 Ntangu yai, nge me dinda na nzadi-mungwa, na bamasa ya mudindu,+Bima na nge yonso ya kuteka mpi bantu na nge me dinda ti nge.+
35 Bantu yonso ya ke zingaka na bisanga ta tala nge ti kuyituka,+Mpi bantotila na bo ta tekita na boma+—baluse na bo ta kuma kisaka-saka.
36 Bantu ya mumbongo yina kele na kati ya makanda ta bula mwita sambu na mambu yina me kumina nge.
Nsuka na nge ta kwisa na kintulumukina mpi yo ta vanda mbi kibeni,Ebuna nge ta zingaka diaka ve ntangu yonso.’”’”+
Banoti na nsi ya lutiti
^ To “nkunga ya mafwa.”
^ Na kisina, “Bambuta ya Gebale.”
^ To “mpi ya lene ya mbwaki-mpembe.”
^ Nti ya dibuta mosi ti nti ya sinamome.
^ Lukengi mosi ya nsudi ya kitoko.
^ To “bilele ya bo me tungaka.”
^ To mbala ya nkaka “ti nkembo.”
^ Na kisina, “Dibundu ya mvimba.”
^ To “ti moyo ya ndudi.”
