Habakuki 1:1-17
1 Nsangu yina bo pesaka mbikudi Habakuki* na mbona-meso:
2 O Yehowa, tii nki ntangu mono fwete dila sambu na kulomba lusadisu, kansi nge ke wa ve?+
Tii nki ntangu mono fwete lomba lusadisu sambu na mubulu, kansi nge ke sala kima* ve?+
3 Sambu na nki nge ke bika nde mono mona mambu ya mbi?
Mpi sambu na nki nge ke pesa nzila nde bo niokula bantu?
Sambu na nki lufwa mpi mubulu kele na ntwala na mono?
Mpi sambu na nki kuswana ti mavwanga kele mingi?
4 Yo yina nsiku kele diaka ngolo ve,Mpi bo ke lungisaka ve lunungu ata fioti.
Sambu muntu ya mbi me ziunga muntu ya lunungu;Yo yina bo ke zenga mambu na mutindu ya mbi.+
5 “Beno tala na kati ya makanda mpi beno tula dikebi!
Beno tala ti kuyituka mpi beno bikala munoko ya kukangula;Sambu diambu mosi ta salama na bilumbu na benoYina beno ta ndima ve ata kana bo zabisa beno yo.+
6 Sambu mono ke tedimisa bantu ya Kaldea,+Dikanda ya nku mpi ya ke salaka mambu kukonda kuyindula.
Bo ke luta na bitamina ya nda ya ntotoSambu na kubotula banzo yina kele ve ya bo.+
7 Bo ke titisa mpi ke pesa boma.
Bo ke tula lunungu mpi kiyeka* na bo mosi.+
8 Bampunda na bo kele ntinu kuluta bankoyi,Mpi bo kele makasi mingi kuluta bibulu na mpimpa.+
Bampunda na bo ya bitumba ke kwenda ntinu kibeni;Bampunda na bo me katuka ntama.
Bo ke kulumuka bonso ngo-zulu yina ke kwisa ntinu sambu na kudia.+
9 Bo yonso kele ti lukanu ya kusala mubulu.+
Baluse na bo ke tala na ntwala kaka bonso mupepe ya esti,+Mpi bo ke lokuta bampika bonso zelo.
10 Bo ke vweza bantotilaMpi bo ke seka bamfumu ya nene.+
Bo ke seka konso kisika ya ngolo;+Bo ke vukisa kita ya mvindu sambu yo sala mwa-ngumba mpi bo ke botula kisika yina.
11 Na nima bo ke kwenda na ntwala bonso mupepe mpi bo ke luta,Kansi bo ta sala mbi,+Sambu bo ke tuba nde ngolo na bo ke katuka na nzambi na bo.”*+
12 O Yehowa, keti nge ke zingaka ve tuka mvula na mvula?+
O Nzambi na mono, Santu na mono, nge ke fwaka ve.*+
O Yehowa, nge tulaka bo sambu na kuzenga mambu;Ditadi na mono,+ nge tulaka bo sambu na kupesa ndola.*+
13 Meso na nge kele bunkete mingi yo yina nge lenda tala ve mambu ya mbi,Mpi nge lenda pesa ve nzila na mambi.+
Ebuna sambu na nki nge ke pesa nzila na bayekudi+Mpi ke vanda pima ntangu muntu ya mbi ke mina muntu yina kele muntu ya lunungu kuluta yandi?+
14 Sambu na nki nge ke kumisa muntu bonso mbisi ya nzadi-mungwa,Bonso bima ya ke tambulaka divumu na ntoto yina kele ve ti mfumu?
15 Yandi* ke nangula bo yonso ti ndobo.
Yandi ke kanga bo na bukondi na yandi,Mpi yandi ke vukisa bo na bukondi na yandi ya kulobila bambisi.
Yo yina yandi ke yangalala mingi.+
16 Yo yina yandi ke pesa bimenga na bukondi na yandiMpi ke tambika bimenga* na bukondi na yandi ya kulobila bambisi;Sambu na nzila na yo dikabu na yandi kele mbote,*Mpi madia na yandi kele ya kitoko.
17 Keti yandi ta landa kukatula bima yina kele na bukondi na yandi?*
Keti yandi ta landa kufwa makanda kukonda mawa?+
Banoti na nsi ya lutiti
^ Ziku yo ke tendula “Kuyambana Ngolo.”
^ To “ke gulusa.”
^ To “lukumu.”
^ To mbala ya nkaka, “ngolo na bo kele nzambi na bo.”
^ To mbala ya nkaka, “beto ta fwa ve.”
^ To “sambu na kunganina.”
^ Disongidila, mbeni yina kele muntu ya Kaldea.
^ To “midinga ya kimenga.”
^ Na kisina, “kele ya kutula mafuta mbote.”
^ To mbala ya nkaka, “ta landa kubasisa mbele na yandi ya bitumba.”
