Habakuki 2:1-20
2 Mono ta landa kutelama na kisika na mono ya kukengila,+Mpi mono ta telama na kibaka ya lutaninu.
Mono ta landa kukengila sambu na kumona mambu yina yandi ta tuba na nzila na monoMpi mambu yina mono ta tuba ntangu yandi ta nganina mono.
2 Ebuna Yehowa pesaka mono mvutu nde:
“Sonika mbona-meso yai, mpi sonika yo mbote-mbote na matadi,+Sambu muntu yina ke tanga yo na ndinga ya ngolo kutanga yo kukonda mpasi.*+
3 Sambu mbona-meso kele ntete sambu na ntangu na yo ya bo me tulaka,Mpi yo ke kwenda ntinu tii na nsuka* na yo, mpi yo ta kusa ve.
Ata kana yo sukinina,* landa kuvingila yo!*+
Sambu yo ta lungana kaka.
Yo ta sukinina ve!
4 Tala muntu yina kele lulendo;*Yandi kele ve muntu ya mbote.
Kansi muntu ya lunungu ta zinga sambu na kwikama* na yandi.+
5 Ya kieleka, sambu vinu kele muyekudi,Muntu ya ke kudisongaka ta lungisa ve lukanu na yandi.
Yandi ke kumisa nzala* na yandi nene bonso Maziamu;*Yandi kele bonso lufwa mpi yandi lenda fuluka ve.
Yandi ke landa kuvukisa makanda yonsoMpi ke vukisa bantu yonso sambu na yandi mosi.+
6 Keti bantu yai yonso ta ta ve kingana, keti bo ta losa ve mbwakila, mpi keti bo ta yula ve bangiufula ya mpasi sambu na yandi?+
Bo ta tuba nde:
‘Mawa na muntu yina ke baka bima yina kele ya yandi ve—Tii nki ntangu?—Mpi yina ke kumisa nkutu mfuka na yandi mingi!
7 Keti bantu yina defisaka nge mbongo ta basika ve na kintulumukina?
Bo ta telama mpi ta nikisa nge ngolo kibeni,Mpi nge ta kuma kima yina bo fwete yiba.+
8 Sambu nge yibaka makanda mingi,Bantu yonso yina me bikala ta yiba nge,Sambu na menga ya bantu yina nge tiamunaka+Mpi nku ya nge salaka na ntoto,Na bambanza mpi na bantu yina ke zingaka kuna.+
9 Mawa na muntu yina ke bakila nzo na yandi luta na nzila ya mbi,Sambu na kutula buyamba na yandi na zulu,Sambu na kutina mpasi!
10 Nge me kana kusala diambu ya nsoni sambu na nzo na nge.
Nge me kudisadila* disumu+ na mutindu nge me fwa bantu mingi.
11 Sambu ditadi ta boka na kibaka,Mpi mutandala ta pesa yo mvutu na ludi.
12 Mawa na muntu yina ke tiamuna menga sambu na kutunga mbanza,Mpi yina ke tedimisa bwala na kukonda lunungu!
13 Keti yo kele ve Yehowa ya makesa muntu ke sala nde bantu kusala ngolo sambu na kukumisa tiya ngolo,Mpi nde makanda ke kudilembisa sambu na mpamba?+
14 Sambu ntoto ta fuluka ti nzayilu ya nkembo ya YehowaMutindu masa ke fulusaka nzadi-mungwa.+
15 Mawa na muntu yina ke pesa banduku na yandi kima ya kunwa,
Yandi ke yika yo nganzi mpi makasi, sambu na kulawusa bo,
Sambu na kutala kinkonga na bo!
16 Nge ta fuluka ti nsoni kansi nkembo ve.
Nge mpi—nwa mpi songa bantu mutindu bo me yotisaka nge ve.*
Dikopa yina kele na diboko ya kitata ya Yehowa ta kwisa na nziunga na nge,+Mpi nsoni ta simba nkembo na nge;
17 Sambu nku yina nge salaka na Libani ta fika nge,Mpi lufwa yina pesaka bambisi boma ta kwisila nge,Sambu na menga ya bantu yina nge tiamunakaMpi nku ya nge salaka na ntoto,Na bambanza mpi na bantu yina ke zingaka kuna.+
18 Inki kele mfunu ya kitekiKana muntu yina salaka yo me yidika yo?
Inki kele mfunu ya kiteki ya kibende* mpi mfunu ya longi ya mambu ya luvunu,Ata kana muntu yina salaka yo ke tudila yo ntima,Yandi ke sala banzambi ya kukonda mfunu yina ke tubaka ve?+
19 Mawa na muntu yina ke tubila kitini ya nti nde, “Sikama!”
To yina ke tubila ditadi yina ke tubaka ve nde, “Telama! Longa beto!”
Tala! Bo me pakula yo wolo mpi arza,+Mpi yo kele ve na mpema ata fioti.+
20 Kansi Yehowa kele na tempelo na yandi ya santu.+
Ntoto ya mvimba, vanda pima na ntwala na yandi!’”+
Banoti na nsi ya lutiti
^ To “kukonda kukangama-kangama.”
^ To “na kulungana.”
^ To “kana yo ke monana nde yo ke sukinina.”
^ To “vingila yo na nzala ya ngolo.”
^ To “Tala! Moyo na yandi me vimba na lulendo.”
^ To mbala ya nkaka, “na lukwikilu.”
^ To “moyo.”
^ To “Sheole,” disongidila, maziamu ya bantu yonso. Tala Bantendula ya Bangogo.
^ To “me sadila moyo na nge.”
^ To mbala ya nkaka, “mpi tambula na lunziungu.”
^ To “kiteki ya kibende ya bo me lamba na tiya.”
