Habakuki 3:1-19
3 Kisambu ya mbikudi Habakuki, na bankunga ya mawa:*
2 O Yehowa, mono me wa nsangu na nge.
O Yehowa, mono kele na boma ya bisalu na nge.
Vutula yo na luzingu na ntangu ya me fwana!*
Zabisa yo na ntangu ya me fwana.*
Kuvila ve na kuwila beto mawa na ntangu ya mavwanga.+
3 Nzambi kwisaka katuka na Temani,Santu kwisaka katuka na Ngumba ya Parani.+ (Sela)*
Bunene na yandi fikaka zulu;+Ntoto fulukaka ti lukumu na yandi.
4 Kungenga na yandi vandaka bonso nsemo.+
Bansemo zole semaka na diboko na yandi,Kisika ngolo na yandi bumbanaka.
5 Kipupa vandaka kukwenda na ntwala na yandi,+Mpi fievre ya ngolo vandaka kulanda na makulu na yandi.
6 Yandi telamaka kisika mosi mpi nikisaka ntoto.+
Ntangu yandi talaka, yandi salaka nde makanda kupumbuka.+
Bangumba ya mvula na mvula pasukaka,Mpi bangumba ya fioti ya ntama fukamaka.+
Banzila ya ntama kele ya yandi.
7 Mono monaka mpasi ya batenta ya Kushani.Bilele ya tenta ya insi ya Madiani tekitaka.+
8 O Yehowa, keti nge me wila banzadi makasi,Keti makasi na nge ya ngolo kele sambu na banzadi?
To keti nganzi na nge kele sambu na nzadi-mungwa?+
Sambu nge mataka na zulu ya bampunda na nge;+Bapusu-pusu na nge nungaka.*+
9 Munduki na nge ya tolo-tolo kele na mpenza mpi ya kuyilama.
Bo me pesa banti* kisalu ti ndefi.* (Sela)
Nge me kabula ntoto ti banzadi.
10 Bangumba baluka-balukaka na mpasi ntangu yo monaka nge.+
Mvula ya ngolo lutaka nswalu.
Kisika ya mudindu nganaka ti ndinga na yo.+
Yo tombulaka maboko na yo na zulu.
11 Ntangu ti ngonda telamaka kisika mosi na bisika na yo ya kunanguka.+
Batolo-tolo na nge basikaka bonso nsemo.+
Nsemo ya dikonga na nge vandaka kungenga.
12 Nge tambulaka na ntoto ti nganzi.
Nge niataka* makanda na makasi.
13 Nge basikaka sambu na kugulusa bantu na nge, sambu na kugulusa mu- ntu yina nge me tulaka mafuta.
Nge bedisaka ntwadisi* ya nzo ya muntu ya mbi.
Bo bikaka yo na mpenza katuka na fondasio tii na ludi.* (Sela)
14 Nge tobulaka ntu ya basoda na yandi ti binwaninu na yandi mosi*Ntangu bo kwisaka bonso mupepe ya ngolo sambu na kupanza mono.
Bo vandaka na kiese mingi na kudia muntu yina ke mona mpasi na ki- nsweki.
15 Nge lutaka na nzadi-mungwa ti bampunda na nge,Nge lutaka na bamasa ya nene ya me dasuka.
16 Mono waka mpi mono tekitaka na kati;*Ntangu mono waka nsangu, bikobo na mono teki- taka.
Mikwa na mono polaka;+Makulu na mono vandaka kunikana.
Kansi mono ke vingila kilumbu ya mpasi+ na pima yonso,Sambu yo ke kwisila bantu yina ke nwanisa beto.
17 Ata kana nti ya bafige kubasisa ve bintuntu,Mpi bambuma kele ve na banti ya vinu;Ata kana banti ya olive kubuta ve,Mpi bilanga* kubuta ve madia;Ata kana bitwisi kuvila na lupangu,Mpi bangombe kele ve na balupangu;
18 Kansi mono, mono ta yangalala sambu na Yehowa;Mono ta vanda na kiese sambu na Nzambi ya luguluku na mono.+
19 Yehowa Mfumu ya Kuluta Nene kele ngolo na mono;+Yandi ta kumisa makulu na mono bonso makulu ya kabulukuMpi ta sala nde mono tambula na bisika ya kunanguka.+
Banoti na nsi ya lutiti
^ To “bankunga ya mafwa.”
^ Na kisina, “na kati-kati ya bamvula.” To mbala ya nkaka, “na ntangu na beto.”
^ Na kisina, “na kati-kati ya bamvula.” To mbala ya nkaka, “na ntangu na beto.”
^ Tala Bantendula ya Bangogo.
^ To “gulukaka.”
^ To mbala ya nkaka, “batolo-tolo.”
^ To mbala ya nkaka, “Bo me tuba bandefi yina makanda diaka.”
^ Na kisina, “tutaka.”
^ Na kisina, “mfumu.”
^ Na kisina, “nkingu.”
^ Na kisina, “banti na yandi.”
^ Na kisina, “mpi divumu na mono tekitaka.”
^ To “mikala ya bilanga.”
