Mika 2:1-13
2 “Mawa na bantu yina ke kanaka mambu ya mbi,Bayina ke yindulaka mambi na bambeto na bo!
Bo ke salaka yo kana ntongo me tana,Sambu yo kele na kiyeka ya maboko na bo.+
2 Bo ke yuma ntima sambu na bilanga mpi bo ke botula yo;+Bo ke yuma ntima sambu na banzo, mpi bo ke baka yo;Bo ke kusa muntu mpi ke baka nzo na yandi,+Bo ke kusa muntu mpi ke baka dikabu na yandi.
3 Yo yina Yehowa ke tuba nde:
‘Mono ke kana kunatila dibuta yai mpasi+ yina beno ta tina ve.*+
Beno ta tambula diaka ve na lulendo,+ sambu yo kele ntangu ya mpasi.+
4 Na kilumbu yina bantu ta tuba kingana sambu na beno,Mpi bo ta dila ngolo sambu na beno.+
Bo ta tuba nde: “Beto me fwa kimakulu!+
Yandi salaka nde dikabu ya bantu na mono kukuma na maboko ya bantu ya nkaka—yandi katulaka yo kibeni na maboko na mono!+
Yandi ke pesa bilanga na beto na muntu ya kukonda kwikama.”
5 Yo yina, nge ta vanda ve ti muntu ya kutandula nsinga ya kutesila,Sambu na kukabudila dibundu ya Yehowa ntoto.
6 “Beno yambula kusamuna!” bo ke samuna,“Bo fwete samuna ve mambu yai;Nsoni ta simba beto ve!”
7 O nzo ya Yakobi, bo ke tuba nde:
“Keti mpeve ya Yehowa lenda kanga diaka ve ntima?
Keti yai bisalu na yandi?”
Keti bangogo na mono ke nataka ve mambote na bantu yina ke tambulaka na masonga?
8 Kansi, ntama ve bantu na mono telamaka bonso mbeni.
Na meso ya bantu yonso, beno ke katula bima ya lukumu ya kukumisa nitu kitoko ti* leleNa bantu yina ke luta ti kutula ntima yonso, bonso bantu yina me katuka na bitumba.
9 Beno ke kula bankento ya bantu na mono na banzo na bo ya kitoko;Beno ke katula kimakulu lukumu na mono na bana na bo.
10 Beno telama mpi beno kwenda, sambu yai kele ve kisika ya kupema.
Sambu na mvindu,+ lufwa kele, lufwa ya mpasi.+
11 Kana muntu ke landa mupepe mpi mambu ya luvunu, ebuna yandi tuba diambu yai ya luvunu:
“Mono ta zabisa beno mambu ya me tala vinu mpi malafu yina ke lawusaka,”
Yandi ta vanda kaka nsamuni sambu na bantu yai!+
12 Ya kieleka mono ta vukisa beno yonso, O Yakobi;Mono ta vukisa kibeni bantu ya Izraele yina me bikala.+
Mono ta tula bo kisika mosi, bonso mameme na kati ya lupangu,Bonso kimvuka ya mameme na nseke na yo;+Yo ta fuluka ti makelele ya bantu.’+
13 Muntu yina ke buka ta kwenda na ntwala na bo;Bo ta buka mpi ta lutila na kielo mpi bo ta basikila na yo.+
Ntotila na bo ta luta na ntwala na bo,Mpi Yehowa ta vanda na ntwala na bo.”+
Banoti na nsi ya lutiti
^ Na kisina, “yina beno ta katula ve bankingu na beno.”
^ To mbala ya nkaka, “na.”
