Nkunga ya Salomo 1:1-17
-
Nkunga ya bankunga (1)
-
Mwana-nkento (2-7)
-
Bana-bankento ya Yeruzalemi (8)
-
Ntotila (9-11)
-
“Beto ta sadila nge bima ya wolo ya kukumisa nitu kitoko” (11)
-
-
Mwana-nkento (12-14)
-
“Bakala ya mono ke zolaka kele bonso saki ya mananasi ya mire” (13)
-
-
Ngungudi (15)
-
“O nkento ya mono ke zolaka mingi, nge kele kitoko”
-
-
Mwana-nkento (16, 17)
-
“O bakala ya mono ke zolaka, nge kele kitoko” (16)
-
1 Nkunga ya bankunga,* yina kele ya Salomo:+
2 “Bika yandi pesa mono beze ti babeze ya munoko na yandi,Sambu mitindu na nge ya kumonisa zola kele mbote kuluta vinu.+
3 Nsudi ya mafuta na nge kele kitoko.+
Zina na nge kele bonso mafuta ya nsudi ya kitoko yina bo me tiamuna.+
Yo yina bana-bankento ke zolaka nge.
4 Nata mono;* beto baka ntinu.
Ntotila me kotisa mono na basuku na yandi ya kati!
Bika beto vanda na kiese mpi beto yangalala.
Bika beto kumisa* mitindu na nge ya kumonisa zola kuluta vinu.
Bo* kele ti bikuma ya mbote ya kuzola nge.
5 Mono kele ndombe, kansi kitoko, O bana-bankento ya Yeruzalemi,Bonso batenta ya Kedare,+ bonso bilele ya tenta+ ya Salomo.
6 Beno tala mono ve sambu mono kele ndombe,Sambu ntangu me yoka mono.
Bampangi na mono ya babakala wilaka mono makasi;Bo pesaka mono kisalu ya kukengila bilanga ya vinu,Kansi mono kengilaka ve kilanga na mono ya vinu.
7 Nge muntu ya mono* ke zolaka mingi, songa mono,Na wapi nge ke disaka bitwisi na nge,+Na wapi nge ke bikaka bo na midi sambu bo pema.
Sambu na nki mono fwete vanda bonso nkento yina me fika luse ti lele*
Na kati ya bitwisi ya banduku na nge?”
8 “O nkento yina me luta bankento yonso na kitoko, kana nge me zaba ve,Kwenda kulanda bitambi ya bitwisiMpi disa bana-bankombo na nge pene-pene ya batenta ya bangungudi.”
9 “Nkento ya mono ke zolaka mingi, mono ke fwanisa nge ti mpunda* ya nkento yina kele na bapusu-pusu ya Farao.+
10 Matama na nge kele kitoko ti bima ya ke kumisaka nitu kitoko,*Nkingu na nge ti mayaka.
11 Beto ta sadila nge bima ya wolo ya kukumisa nitu kitoko*Ti bambuma ya fioti ya arza.”
12 “Ntangu ntotila me vanda na mesa na yandi ya kele bonso dimbuma,Mananasi na mono*+ ke basisa nsudi na yo ya kitoko.
13 Bakala ya mono ke zolaka kele bonso saki ya mananasi ya mire+ sambu na mono,Na mpimpa yandi ke lala na kati-kati ya mabele na mono.
14 Bakala ya mono ke zolaka kele bonso kisuka ya bintuntu ya hena+ sambu na monoNa kati ya bilanga ya vinu ya Ene-gedi.”+
15 “Tala! O nkento ya mono ke zolaka mingi, nge kele kitoko.
Tala! Nge kele kitoko. Meso na nge kele bonso meso ya bapizio.”+
16 “Tala! O bakala ya mono ke zolaka, nge kele kitoko mpi nge ke pesa kiese.+
Mbeto na beto kele na kati ya matiti.
17 Makunzi ya nzo na beto* kele banti ya sedre,Mitandala na beto kele banti ya yenevriye.
Banoti na nsi ya lutiti
^ To “Nkunga ya kuluta kitoko.”
^ Na kisina, “Benda mono na nima na nge.”
^ To “tubila.”
^ Disongidila, baleke ya bankento.
^ To “me fika lele ya bo ke fikaka muntu na ntangu ya mafwa.”
^ To “ya moyo na mono.”
^ To “mpunda na mono.”
^ To mbala ya nkaka, “kana nge me tunga nsuki.”
^ To “bashene ya wolo.”
^ Na kisina, “Mananasi na mono ya nardi.”
^ To “nzo na beto ya nene.”
