Nkunga ya Salomo 8:1-14
-
Mwana-nkento (1-4)
-
“A kana nge vandaka bonso mpangi na mono ya bakala” (1)
-
-
Bampangi-babakala ya mwana-nkento (5a)
-
‘Nani yina me yekamina bakala yina yandi ke zolaka?’
-
-
Mwana-nkento (5b-7)
-
“Zola kele ngolo bonso lufwa” (6)
-
-
Bampangi-babakala ya mwana-nkento (8, 9)
-
“Kana yandi kele kibaka, . . . kansi kana yandi kele kielo, . . .” (9)
-
-
Mwana-nkento (10-12)
-
“Mono kele kibaka” (10)
-
-
Ngungudi (13)
-
‘Bika mono wa ndinga na nge’
-
-
Mwana-nkento (14)
-
“Vanda ntinu bonso mbambi””
-
8 “A kana nge vandaka bonso mpangi na mono ya bakala,Yina nwaka mabele ya mama na mono!
Ebuna kana mono monaka nge na nganda, mono zolaka kupesa nge beze,+Mpi muntu mosi ve zolaka kuvweza mono.
2 Mono zolaka kunata nge;Mono zolaka kukotisa nge na nzo ya mama na mono,+Nkento yina longaka mono.
Mono zolaka kupesa nge vinu ya bo me tula bima ya nsudi ya kitoko sambu nge nwa,Masa ya madidi ya bagrenade.
3 Diboko na yandi ya kimama zolaka kuvanda na nsi ya ntu na mono,Mpi diboko na yandi ya kitata zolaka kusimba mono.+
4 O bana-bankento ya Yeruzalemi, mono ke lomba beno na kudia ndefi:
Beno meka ve kusikimisa to kutedimisa zola na kati na mono tii kuna yo mosi ta zola.”+
5 “Nani kele nkento yina ke kwisa kutombuka na ntoto-makanga,Yandi me yekamina bakala yina yandi ke zolaka?”
“Mono tedimisaka nge na nsi ya nti ya bapome.
Kuna mama na nge vandaka na mpasi sambu na nge.
Kuna nkento yina butaka nge vandaka na mpasi.
6 Tula mono bonso kashe na ntima na nge,Bonso kashe na diboko na nge,Sambu zola kele ngolo bonso lufwa,+Mpi kukangama kaka na muntu kele ngolo bonso Maziamu.*
Tiya na yo kele tiya yina ke pela, tiya ya Yah.*+
7 Bamasa ya me dasuka lenda fwa ve zola,+Mpi banzadi lenda nata yo ve.+
Kana muntu kumeka kupesa kimvwama yonso ya nzo na yandi sambu na zola,Bo ta vweza yo* kibeni.”
8 “Beto kele ti leke mosi ya nkento,+Mpi yandi kele ve na mabele.
Beto ta sala nki sambu na mpangi na beto ya nkentoKilumbu yina bo ta yula yandi na makwela?”
9 “Kana yandi kele kibaka,Beto ta tunga zulu ya ludi ya arza na zulu na yandi,Kansi kana yandi kele kielo,Beto ta kanga yandi ti dibaya ya sedre.”
10 “Mono kele kibaka,Mpi mabele na mono kele bonso banzo-zulu.
Yo yina na meso na yandi mono me kumaBonso muntu yina me kuma na ngemba.
11 Salomo vandaka ti kilanga ya vinu+ na Baale-amoni.
Yandi pesaka kilanga yina na bantu yina ke kebaka yo.
Konso muntu vandaka kunata mbongo ya bibende difunda mosi sambu na bambuma na yo.
12 Mono kele ti kilanga ya vinu yina kele ya mono.
Mbongo ya bibende difunda mosi* kele ya nge, O Salomo,Mpi nkama zole kele ya bantu yina ke kebaka bambuma na yo.”
13 “O nge muntu yina ke zingaka na bilanga,+Banduku ke waka ndinga na nge.
Bika mono wa yo.”+
14 “Muntu ya mono ke zolaka, sala nswalu,Vanda ntinu bonso mbambi+To mwana ya mvudiNa bangumba ya bima ya nsudi ya kitoko.”
Banoti na nsi ya lutiti
^ To “Sheole,” disongidila, maziamu ya bantu yonso. Tala Bantendula ya Bangogo.
^ “Yah” kele zina ya Yehowa na bunkufi.
^ To mbala ya nkaka, “yandi.”
^ Na kisina, “Difunda mosi.”
