Obadia 1:1-21
1 Mbona-meso ya Obadia:*
Yehowa Mfumu ya Kuluta Nene ke tubila Edomi+ nde:
“Beto me wa nsangu ya me katuka na Yehowa,Bo me tinda kinati-nsangu na kati ya makanda:
‘Beno telama, beto yilama sambu na kunwana bitumba ti yandi.’”+
2 “Tala! Mono me kumisa nge kima ya kukonda mfunu na kati ya makanda;Bo ke vweza nge mingi kibeni.+
3 Lulendo ya ntima na nge me kusa nge,+Nge muntu yina ke zingaka na mabulu ya matadi,Nge ke zingaka na kisika ya kunanguka, mpi nge ke tuba na ntima na nge nde,‘Nani ta kulumusa mono tii na ntoto?’
4 Ata kana nge tula kisika na nge ya kuzinga na zulu* bonso ngo-zulu,To kana nge tula buyamba na nge na kati ya bambwetete,Mono ta kulumusa nge kuna,” Yehowa muntu me tuba.
5 “Kana miyibi, bantu ya ke botulaka bantu bima, kwisilaka nge na mpimpa,(Bo zolaka kubebisa nge kibeni!)*
Keti bo zolaka kuyiba ve kaka bima yina bo vandaka na yo mfunu?
To kana yo vandaka bantu ya ke katulaka bambuma ya vinu bantu kwisilaka nge,Keti bo zolaka kubikisa ve bambuma ya nkaka sambu bantu kulokuta?+
6 O bo me sosa kibeni Ezau!
Bo me sosa kibeni bimvwama na yandi yina me bumbanaka!
7 Bo me kula nge tii na ndilu.
Banduku na nge yonso* me kusa nge.
Bantu yina vandaka na ngemba ti nge me nunga nge.
Bantu yina vandaka kudia dimpa ti nge ta tudila nge bukondi,Kansi nge ta zaba yo ve.
8 Na kilumbu yina,” Yehowa muntu me tuba,“Keti mono ta fwa ve bantu ya mayele na Edomi+Mpi bantu ya luswasukusu na ntoto ya bangumba ya Ezau?
9 Matekita+ ta simba basoda na nge, O Temani,+Sambu ntangu bo ta fwa bantu, bo ta fwa konso muntu na ntoto ya bangumba ya Ezau.+
10 Sambu na mubulu yina bo sadilaka mpangi na nge Yakobi,+Nge ta wa nsoni kibeni,+Mpi nge ta fwa kimakulu.+
11 Na kilumbu yina nge telamaka na lweka,Na kilumbu yina banzenza nataka basoda na yandi na kimpika,+Ntangu banzenza kotaka na kielo na yandi mpi bulaka zeke+ sambu na Yeruzalemi,Nge salaka mambu bonso bo.
12 Nge fwete yangalala ve na kilumbu ya mpangi na nge, kilumbu yandi ke mona mpasi,+Nge fwete wa ve kiese sambu na bantu ya Yuda kilumbu ya bo ke fwa bo,+Mpi nge fwete tuba ve na lulendo yonso kilumbu ya bo ke mona mpasi.
13 Nge fwete kota ve na kielo ya bantu na mono na kilumbu ya mpasi na bo,+Nge fwete wa ve kiese sambu na mpasi na yandi kilumbu ya yandi ke mona mpasi,Mpi nge fwete tula ve maboko na nge na kimvwama na yandi kilumbu yandi ke mona mpasi.+
14 Nge fwete telama ve na bampambu ya banzila sambu na kufwa bantu na yandi yina ke tina,+Mpi bantu na yandi yina me guluka na kilumbu ya mpasi, nge fwete pesa bo ve na maboko ya bambeni.+
15 Sambu kilumbu ya Yehowa yina yandi ta nwanisa makanda yonso me finama.+
Bo ta sala nge mutindu nge salaka.+
Mutindu nge sadilaka bantu ya nkaka mambu, bo ta vutula yo na ntu na nge.
16 Sambu mutindu beno nwaka na ngumba na mono ya santu,Makanda yonso ta landa kunwa ntangu yonso.+
Bo ta nwa mpi ta mina,Mpi bo ta vanda bonso nde bo me vandaka ntete ve na luzingu.
17 Kansi bantu yina ke tina+ ta vanda na Ngumba ya Sioni,Mpi yo ta vanda santu;+Mpi nzo ya Yakobi ta baka bima yina kele ya bo.+
18 Nzo ya Yakobi ta kuma tiya,Nzo ya Yozefi ta kuma ludimi ya tiya,Mpi nzo ya Ezau ta kuma bonso nianga;Bo ta tula yo tiya mpi bo ta zikisa yo,Ebuna muntu mosi ve ya nzo ya Ezau ta guluka,+Sambu Yehowa yandi mosi muntu me tuba.
19 Bo ta baka Negebi mpi ntoto ya bangumba ya Ezau,+Shefela mpi insi ya bantu ya Filistia.+
Bo ta baka nseke ya Efrayimi mpi nseke ya Samaria,+Mpi Benyamini ta baka Gileadi.
20 Bantu ya kibaka yai ya lutaninu*+ yina bo nataka na insi ya nkaka,Disongidila, bantu ya Izraele ta baka ntoto ya bantu ya Kanana tii na Sare- fati,+
Mpi bantu ya Yeruzalemi yina bo nataka na Sefaradi, ta baka bambanza ya Negebi.+
21 Bantu ya ke gulusaka bantu ta tombuka na Ngumba ya SioniSambu na kusambisa ntoto ya bangumba ya Ezau,+Mpi kimfumu ta kuma ya Yehowa.”+
Banoti na nsi ya lutiti
^ Yo ke tendula “Nsadi ya Yehowa.”
^ To mbala ya nkaka, “kana nge ke pumbuka na zulu.”
^ To mbala ya nkaka, “Keti bo zolaka ve kubebisa bima mingi?”
^ To “Bantu yonso yina me salaka kuwakana ti nge.”
^ To “ya lupangu yai ya ngolo.”
