Ozea 12:1-14
12 “Efrayimi ke dia mupepe.
Yandi ke landa mupepe ya esti kilumbu ya mvimba.
Yandi ke sala nde luvunu mpi mubulu kukuma mingi.
Bo ke sala kuwakana ti Asiria+ mpi ke nata mafuta na Ezipte.+
2 Yehowa kele ti diambu ti Yuda;+Yandi ta sambisa Yakobi na kutadila banzila na yandi,Mpi yandi ta futa yandi na kutadila bisalu na yandi.+
3 Na divumu, yandi simbaka mpangi na yandi na dikulu,*+Mpi ti ngolo na yandi, yandi nwanaka ti Nzambi.+
4 Yandi landaka kunwana ti wanzio mpi nungaka.
Yandi dilaka mpi bondilaka sambu yandi monisila yandi ntima ya mbote.”+
Nzambi monaka yandi na Betele, mpi kuna yandi solulaka ti beto,+
5 Yehowa Nzambi ya makesa,+Yehowa kele zina yina bo ke yibukaka yandi.*+
6 “Yo yina, vutukila Nzambi na nge,+Tanina zola ya kwikama mpi lunungu,+Mpi tudila Nzambi na nge kivuvu ntangu yonso.
7 Kansi bakilo ya luvunu kele na diboko ya muntu ya mumbongo;*Yandi ke zolaka kukusa.+
8 Efrayimi ke landa kutuba nde: ‘Ya kieleka, mono me kuma mvwama;+Mono me mona bimvwama.+
Mpi na kisalu na mono yonso ya ngolo, bo ta mona ve ata kima mosi ya mbi to disumu.’
9 Kansi mono kele Yehowa Nzambi na nge katuka* na insi ya Ezipte.+
Mono ta sala nde nge zinga diaka na batentaBonso na bilumbu ya ntangu yina bo me tulaka.*
10 Mono tubilaka bambikudi,+Mono kumisaka bambona-meso na bo mingi,Mpi mono tubaka bingana na nzila ya bambikudi.
11 Luvunu*+ mpi kukonda kieleka kele na Gileadi.
Bo me tambika bangombe ya babakala na Gilgale,+Mpi bamesa-kimenga na bo kele bonso bita ya matadi na banzila ya mikala ya kilanga.+
12 Yakobi tinaka na teritware* ya Arami;*+Izraele+ salaka kisalu kuna sambu na nkento,+Mpi yandi kebaka mameme sambu na nkento.+
13 Yehowa basisaka Izraele na Ezipte na nzila ya mbikudi mosi,+Mpi yandi taninaka yandi na nzila ya mbikudi mosi.+
14 Efrayimi me vweza Nzambi mingi kibeni;+Mfuka na yandi ya menga kele kaka na zulu na yandi;Mfumu na yandi ta pesa yandi ndola sambu na nsoni yina yandi pesaka yandi.”+
Banoti na nsi ya lutiti
^ Na kisina, “kisingini.”
^ Na kisina, “kele zina na yandi ya kuyibuka.”
^ To “muntu ya ke tekaka bima.”
^ To “yantika.”
^ To mbala ya nkaka, “ya nkinsi.”
^ To “Mambu ya bampeve ya mbi; Mambu yina ke yitukisa.”
^ To “Siria.”
^ Na kisina, “nseke.”
