Sefania 1:1-18
1 Ndinga ya Yehowa yina kwisilaka Sefania* mwana ya Kushi mwana ya Gedalia mwana ya Amaria mwana ya Ezekiasi na bilumbu ya Yoziasi+ mwana ya Amone+ ntotila ya Yuda:
2 “Mono ta fwa kimakulu bima yonso na ntoto,” Yehowa muntu me tuba.+
3 “Mono ta fwa muntu mpi mbisi.
Mono ta fwa bandeke ya zulu mpi bambisi ya nzadi-mungwa,+Mpi bima ya ke budisaka sakuba*+ kumosi ti bantu ya mbi;Mpi mono ta katula bantu na ntoto,” Yehowa muntu me tuba.
4 “Mono ta tandula diboko na mono sambu na kupesa Yuda ndolaMpi sambu na kupesa bantu yonso ya Yeruzalemi ndola,Mpi mono ta katula na kisika yai konso kima* ya Baale yina ta bikala,+Zina ya banganga-nzambi ya nzambi ya nzenza kumosi ti banganga-nzambi,+
5 Mpi bantu yina ke fukiminaka makesa ya zulu na baludi ya banzo,+Mpi bayina ke fukama mpi ke sila na kuvanda kwikama na Yehowa+Ntangu bo ke sila na kuvanda kwikama na Malkami;+
6 Mpi bayina ke yambula kulanda Yehowa+Mpi ke sosa ve Yehowa to ke yula yandi ve.”+
7 Beno vanda pima na ntwala ya Yehowa Mfumu ya Kuluta Nene, sambu kilumbu ya Yehowa me finama.+
Yehowa me yidika kimenga; yandi me santisa bantu yina yandi bingaka.
8 “Na kilumbu ya kimenga ya Yehowa, mono ta sambisa bamfumu,Bana ya ntotila,+ mpi bantu yonso yina ke lwataka bilele ya banzenza.
9 Mono ta sambisa konso muntu yina ke mata na estrade* na kilumbu yina,Bantu yina ke fulusa nzo ya mfumu na bo ti mubulu mpi luvunu.
10 Na kilumbu yina,” Yehowa muntu me tuba,“Bidilu ta wakana katuka na Kielo ya Bambisi ya Masa,+Kudila katuka na ndambu ya mpa ya mbanza,+Mpi makelele ya ngolo katuka na bangumba ya fioti.
11 Beno dila, beno bantu ya Makteshe,*Sambu bantu yonso ya mu- mbongo,* bo me fwa bo;*Bo me fwa bantu yonso yina ke tesaka arza.
12 Na ntangu yina mono ta sosa Yeruzalemi mbote-mbote ti minda,Mpi mono ta sambisa bantu yina ke yindulaka nde bo me lungaka,* bayina ke tubaka na ntima na bo nde,‘Yehowa ta sala ve diambu ya mbote, mpi yandi ta sala ve diambu ya mbi.’+
13 Bo ta yiba kimvwama na bo mpi banzo na bo ta bikala mpamba.+
Bo ta tunga banzo, kansi bo ta zinga muna ve;Mpi bo ta kuna bilanga ya vinu, kansi bo ta nwa ve vinu na yo.+
14 Kilumbu ya nene ya Yehowa kele pene-pene!+
Yo kele pene-pene mpi yo ke finama nswalu kibeni!*+
Makelele ya kilumbu ya Yehowa kele bululu.+
Na kilumbu yina soda ta boka.+
15 Kilumbu yina kele kilumbu ya makasi,Kilumbu ya mawa+ mpi ya mpasi,+Kilumbu ya mupepe ya ngolo mpi ya lufwa,Kilumbu ya mpimpa mpi ya mudidi,+Kilumbu ya matuti mpi ya mudidi ya ngolo,+
16 Kilumbu ya makelele ya kibongo mpi kilumbu ya milolo ya bitumba,+Sambu na bambanza ya ngolo mpi sambu na banzo-zulu ya nda ya kele na kinkonko ya kibaka.+
17 Mono ta pesa bantu mpasi,Mpi bo ta tambula bonso bifwa-meso,+Sambu bo me sala masumu na ntwala ya Yehowa.+
Bo ta tiamuna menga na bo bonso mfututu,Mpi nsuni* na bo bonso tufi.+
18 Yo vanda arza na bo to wolo na bo, yo ta kuka ve kugulusa bo na kilumbu ya makasi ya Yehowa;+Sambu ntoto ya mvimba ta zika na kikesa na yandi ya ngolo,+Sambu yandi ta manisa bantu yonso ya ke zingaka na ntoto, ee na mutindu ya mbi kibeni.”+
Banoti na nsi ya lutiti
^ Yo ke tendula “Yehowa Me Bumba.”
^ Yo ke monana nde yo kele bima to bisalu yina kele na kuwakana ti lusambu ya biteki.
^ To “kidimbu.”
^ To “munoko ya nzo.” Ziku estrade ya kiti ya kimfumu ya ntotila.
^ Na kisina, “bo me kumisa bo pima.”
^ Yo ke monana nde yo kele kitini ya Yeruzalemi yina kele pene-pene ya Kielo ya Bambisi.
^ To “bantu yonso ya ke tekaka bima.”
^ Na kisina, “bantu yina me kangama na zulu ya mvindu na bo,” bonso na mvindu ya ke bikalaka na nsi ya dibungu ya kubumbila vinu.
^ To “ke sasuka!”
^ Na kisina, “misopo.”
