Yeremia 45:1-5
-
Nsangu ya Yehowa na Baruki (1-5)
45 Yai mambu yina mbikudi Yeremia tubilaka Baruki+ mwana ya Neria ntangu yandi sonikaka na mukanda mosi mambu yai ya Yeremia+ songaka yandi na mvula ya iya ya Yehoyakimi+ mwana ya Yoziasi, ntotila ya Yuda:
2 “Baruki, Yehowa Nzambi ya Izraele ke tubila nge nde,
3 ‘Nge me tuba nde: “Mawa na mono, sambu Yehowa me yika mawa na mpasi na mono! Kudila na mono me lembisa mono, mpi mono me mona ve kisika ya kupema.”’
4 “Nge fwete tubila yandi nde, ‘Yehowa ke tuba nde: “Tala! Mono ke bwisa bima yina mono tungaka, mpi mono ke tumuna bima yina mono kunaka—insi ya mvimba.+
5 Kansi nge ke sosa* bima ya nene sambu na nge mosi. Bika kusosa bima ya mutindu yai.”’
“‘Sambu mono ke zola kunata mpasi na bantu* yonso,’+ Yehowa muntu me tuba, ‘mpi konso kisika yina nge ta kwenda, mono ta pesa nge luzingu* na nge bonso kima ya nge me botula na bitumba.’”*+
Banoti na nsi ya lutiti
^ To “ke vingila.”
^ Na kisina, “nsuni.”
^ To “moyo.”
^ To “ta pesa nge nzila ya kuguluka ti luzingu na nge.”
