Yezaya 13:1-22
13 Nsangu sambu na Babilone,+ yina Yezaya+ mwana ya Amozi monaka na mbona-meso:
2 “Beno tedimisa kidimbu*+ na zulu ya ngumba ya kukonda banti.
Beno binga bo, beno nikisa diboko na beno na zulu sambu na kubinga bo,Sambu bo kwisa kukota na bakielo ya bantu ya lukumu.
3 Mono me pesa nsiku na bantu yina mono me solaka.*+
Mono me binga basoda na mono sambu na kumonisa makasi na mono,Bantu na mono yina ke wa kiese na lulendo yonso.
4 Beno wa! Kimvuka ya bantu na ngumba,Yo ke wakana bonso nde bo kele bantu mingi!
Beno wa! Kungana ya bimfumu,Ya makanda yina me vukana kisika mosi!+
Yehowa ya makesa ke vukisa basoda sambu na bitumba.+
5 Bo ke katuka na insi mosi ya ntama,Na nsuka ya ntoto,+Yehowa ti binwaninu ya makasi na yandi,Sambu na kufwa ntoto ya mvimba.+
6 Beno dila, sambu kilumbu ya Yehowa me kuma pene-pene!
Yo ta kwisa bonso lufwa ya me katuka na Nkwa-Ngolo Yonso.+
7 Yo yina maboko yonso ta lemba,Mpi ntima ya konso muntu ta lemba sambu na boma.+
8 Bantu me kuma kisaka-saka.+
Bo ke kudibaluka-baluka mpi ke wa mpasiBonso nkento yina kele na misongo.
Bo ke talana na boma,Baluse me kuma mbwaki sambu na mpasi.
9 Tala! Kilumbu ya Yehowa ke kwisa,Yo kele ya nku ti nganzi mpi makasi ya ngolo,Sambu na kukumisa insi kima ya ke pesa boma,+Mpi sambu na kumanisa bansumuki ya insi yina kele na kati na yo.
10 Sambu bambwetete ya zulu ti bimvuka na yo ya bambwetete*+Ta pesa ve nsemo na yo;Ntangu ta vanda mpimpa ntangu yo ta basika,Mpi ngonda ta pesa ve nsemo na yo.
11 Mono ta sambisa nsi-ntoto ya mvimba sambu na mbi na yo,+Mpi bantu ya mbi sambu na kifu na bo.
Mono ta sukisa lulendo ya bantu ya lulendo,Mpi mono ta kulumusa lulendo ya bantu ya nku.+
12 Mono ta sala nde yo kuma mpasi na kumona muntu kuluta kumona wolo ya bunkete,+Mpi na kumona bantu kuluta kumona wolo ya Ofire.+
13 Yo yina mono ta sala nde zulu kutekita,Mpi ntoto ta nikana na kisika na yo+Sambu na makasi ya Yehowa ya makesa na kilumbu ya makasi na yandi ya ngolo.
14 Bonso mbambi ya bo ke zomba mpi bonso bitwisi yina me konda muntu ya kuvukisa yo,Konso muntu ta vutuka na bantu na yandi mosi,Konso muntu ta tina na insi na yandi mosi.+
15 Konso muntu yina bo ta mona bo ta tobula yandi,Mpi konso muntu yina bo ta kanga ta fwa na mbele ya bitumba.+
16 Bo ta zenga bana na bo bitini-bitini na meso na bo,+Bo ta yiba na banzo na bo,Mpi bankento na bo, bo ta ladisa bo na kingolo-ngolo.
17 Sambu na kunwanisa bo, mono ke tedimisa bantu ya Media,+Yina ke monaka arza bonso kima ya mpambaMpi yina ke sepelaka ve ti wolo.
18 Minduki na bo ya batolo-tolo ta panza baleke;+Bo ta wila ve mbuma ya divumu mawa,Bo ta wila mpi ve bana mawa.
19 Ebuna Babilone, kimfumu ya me luta bimfumu+ yonso na nkembo,*Kitoko mpi lulendo ya bantu ya Kaldea,+Ta vanda bonso Sodome ti Gomore ntangu Nzambi fwaka yo.+
20 Bantu ta zingaka diaka ve na kati na yandi,Yandi ta vanda mpi ve kisika yina bantu ta kwisaka kuzinga na bandonga yonso ya bantu.+
Ata muntu ya Arabi mosi ve ta tedimisa tenta na yandi kuna,Mpi bangungudi ta pemisa ve bitwisi na bo kuna.
21 Bigangwa ya ke zingaka na ntoto ya zelo na zelo ta lalaka kuna,Banzo na bo ta fuluka ti bikungulu,
Ba-otrishi ta zinga kuna,+Mpi bankombo ya mfinda* ta pumbuka kuna.
22 Bigangwa yina ke nganaka ta ngana ngolo na banzo-zulu na yandiMpi bambwa ya nseke ta boka ngolo na banzo na yandi ya kitoko.
Ntangu na yandi me kuma pene-pene, mpi bo ta kumisa ve bilumbu na yandi nda.”+
Banoti na nsi ya lutiti
^ To “nti yina kele kidimbu.”
^ Na kisina, “na bantu yina mono me santisaka.”
^ Na kisina, “ti Bakesile na yo,” ziku yo ke tubila Orioni mpi bimvuka ya bambwetete yina kele na nziunga.
^ To “kitoko.”
^ To mbala ya nkaka, “Mpi bademo yina kele bonso bankombo.”
