Yezaya 15:1-9
-
Nsangu sambu na Moabi (1-9)
15 Nsangu sambu na Moabi:+
Sambu bo me bebisa yo na mpimpa mosi,Are+ ya Moabi me kuma pima.
Sambu bo me bebisa yo na mpimpa mosi,Kire+ ya Moabi me kuma pima.
2 Yandi me tombuka na Nzo* mpi na Diboni,+Na bisika ya kunanguka sambu na kudila.
Moabi ke dila sambu na Nebo+ mpi sambu na Medeba.+
Nsuki yonso kele ya kukulu- la,+ mpi mandefo yonso kele ya kuzenga.+
3 Na babala-bala na yo bo me lwata basaki.
Na baludi na bo mpi na babala-bala na bo ya nene, konso muntu ke dila;Bo ke kulumuka mpi ke dila.+
4 Eshboni mpi Eleale+ ke boka;Ndinga na bo ke wakana tii na Yahasi.+
Yo yina bantu ya Moabi yina kele ti binwaninu ke landa kutula makelele.
Yandi* ke tekita.
5 Ntima na mono ke tula milolo sambu na Moabi.
Bantu na yo yina me tinaka me tina tii na Soare+ mpi tii na Eglati-shelishiya.+
Na ntangu ya kutombuka na ngumba ya Luhiti, bo ke dila ntangu bo ke tombuka;Ntangu bo ke kwenda na nzila ya Oronayimi, bo ke tula milolo sambu na mpasi.+
6 Sambu bamasa ya Nimrimi me kawuka;Matiti ya mubisu me yuma,Matiti kele diaka ve, mpi ata dititi mosi ve ya mubisu me bikala.
7 Yo yina bo ke nata bima yina me bikala na kati ya bima na bo yina bo bumbaka mpi bimvwama na bo;Bo ke sabuka muwanda ya banti ya pepliye.
8 Sambu milolo me wakana na teritware ya mvimba ya Moabi.+
Bidilu me kuma tii na Eglayimi;Bidilu me kuma tii na Beere-elimi.
9 Sambu bamasa ya Dimoni me fuluka ti menga,Mpi mono me bumba mambu mingi sambu na Dimoni:
Ntambu mosi sambu na bantu ya Moabi yina ke tinaMpi sambu na bantu yina ke bikala na insi.+
