Yezaya 16:1-14
-
Nsangu sambu na Moabi ke landa (1-14)
16 Beno tinda dimeme ya bakala na mfumu ya insi,Katuka na Sela, luta na ntoto-makangaTii na ngumba ya mwana- nkento ya Sioni.
2 Bonso ndeke mosi ya bo me kula na buyamba na yo,+Bana-bankento ya Moabi ta vanda mutindu yina na bisika ya Arnoni+ ya bo lenda sabuka na makulu.
3 “Beno pesa ndongisila, beno lungisa lukanu.
Sala nde na kati-kati ya ntangu kivudi na nge kuvanda bonso mpimpa.
Bumba bantu yina me panzanaka mpi kuteka ve bantu yina ke tina.
4 O Moabi, bika nde bantu na mono yina me panzanaka kuzinga na kati na nge.
Kuma kisika na bo ya kubumbana, sambu na muntu yina ke bebisaka.+
Muntu ya ke niokulaka ta suka,Kubeba ta suka,Mpi bantu yina vandaka kuniata bantu ya nkaka ta fwa na ntoto.
5 Ebuna bo ta tula kiti ya kimfumu ngolo na zola ya kwikama.
Muntu yina ta vanda na zulu na yo na tenta ya Davidi ta vanda ya kwikama;+Yandi ta sambisa na mutindu ya mbote mpi ta zenga mambu nswalu na lunungu.”+
6 Beto me wa mambu ya me tala lulendo ya Moa- bi—yandi kele kibeni lulendo+—Kudikumisa na yandi, lulendo na yandi, mpi makasi na yandi;+Kansi kutuba na yandi ya mpamba-mpamba ta sala kima ve.
7 Yo yina, Moabi ta dila Moabi;Bo yonso ta dila.+
Bantu yina bo me bula ta dila sambu na bagato ya Kire-hareseti+ ya bo me sala na mbuma ya vinu,
8 Sambu bilanga ya vinu ya Eshboni+ me yuma,Nti ya vinu ya Sibma,+Bamfumu ya makanda me niata-niata balutangu na yo ya mbwaki ya ngolo;*Yo me kuma tii na Yazere;+Yo me yalumuka tii na ntoto-makanga.
Balutangu na yo me yalumuka mpi me kwenda tii na nzadi-mungwa.
9 Yo yina, mono ta dila nti ya vinu ya Sibma mutindu mono ke dila Yazere.
Mono ta podisa nge ti mansanga na mono, O Eshboni mpi Eleale,+Mpamba ve milolo sambu na bambuma na nge ya nsungi ya mvula mpi sambu na nsungi na nge ya kukatula bima na bilanga me mana.*
10 Kiese mpi kuyangalala kele diaka ve na kisika ya bo me kunaka banti yina ke butaka bambuma,Mpi bankunga ya kiese to milolo ke wakana ve na bilanga ya vinu.+
Muntu ya ke kamunaka bambuma ya vinu na makulu ke kamuna yo diaka ve na bikamuninu ya vinu,Sambu mono me sala nde milolo kumana.+
11 Yo yina na kati na mono kibeni mono ke tekita sambu na Moabi,+Bonso bansinga ya kidare,Mpi kati na mono kibeni ke tekita sambu na Kire-hareseti.+
12 Ata ntangu Moabi ta lemba yandi mosi na kisika ya kunanguka mpi ta kwenda kusamba na kisika na yandi ya santu, yandi ta sala ve ata kima mosi.+
13 Yai kele ndinga yina Yehowa tubaka ntete sambu na Moabi.
14 Mpi ntangu yai Yehowa ke tuba nde: “Na kati-kati ya bamvula tatu, bonso bamvula ya muntu ya kisalu yina ke bakaka lufutu,* nkembo ya Moabi ta wa nsoni na mavwanga mingi ya mutindu na mutindu, mpi bantu yina ta bikala ta vanda fioti kibeni mpi bo ta vanda bantu ya mfunu ve.”+
Banoti na nsi ya lutiti
^ To “balutangu ya kufuluka ti bambuma ya vinu ya mbwaki.”
^ To mbala ya nkaka, “Sambu milolo ya bitumba me kulumuka na zulu ya bambuma na nge ya nsungi ya mvula mpi ya bima na nge ya bilanga.”
^ To “ya bo me tanga mbote-mbote mutindu muntu ya kisalu yina ke bakaka lufutu ke tangaka”; disongidila, na nsungi ya bamvula tatu kibeni.
