Yezaya 17:1-14
17 Nsangu sambu na Damasi:+
“Tala! Damasi ta vanda diaka ve mbanza,Mpi yo ta kuma mayumbu.+
2 Bo ta yambula bambanza ya Aroere,+Yo ta kuma bisika yina bitwisi ta lalaka,Ata muntu mosi ve ta pesa bo boma.
3 Bambanza ya ngolo ta vanda diaka ve na Efrayimi,+Mpi kimfumu ta vanda diaka ve na Damasi;+Ebuna bantu yina ta bikala na SiriaTa vanda bonso nkembo ya bantu ya Izraele,”* Yehowa ya makesa muntu me tuba.
4 “Na kilumbu yina, nkembo ya Yakobi ta kulumuka,Mpi nitu na yandi ya mbote* ta konda.
5 Yo ta vanda bonso ntangu muntu ya ke katulaka bima na bilanga ke vukisa bambuma ya bilanga,Mpi diboko na yandi ke katula misusu,Bonso ntangu muntu ke lokuta bambuma na Muwanda* ya Refayimi.+
6 Kaka bima ya ke bikalaka na bilanga ta bikala,Bonso ntangu bo ke bulaka nti ya olive:
Kaka bambuma ya olive zole to tatu ya kuyela ta bikala na lutangu ya kuluta nda,Kaka iya to tanu ta bikala na balutangu na yo ya ke butaka bambuma,”+ Yehowa Nzambi ya Izraele muntu me tuba.
7 Na kilumbu yina, muntu ta tala Muntu yina salaka yandi, mpi meso na yandi ta landa kutala Santu ya Izraele.
8 Yandi ta tala ve bamesa-kimenga,+ kisalu ya maboko na yandi,+ mpi yandi ta landa ve kutala bima yina misapi na yandi salaka, yo vanda banti ya santu* to bamesa-kimenga ya ndumbu.
9 Na kilumbu yina, bambanza ya kele ti bibaka ya ngolo ta kuma bonso kisika mosi ya bo me yambulaka na kati ya mfinda,+Bonso lutangu mosi ya bo me yambula na ntwala ya bantu ya Izraele;Yo ta kuma ntoto mosi ya mpamba.
10 Sambu nge me vila Nzambi+ yina gulusaka nge,Nge me yibuka ve Ditadi+ ya nzo na nge ya ngolo.
Yo yina nge me kuna banti mingi ya kitokoMpi me tula na kati na yo lutangu mosi ya nzenza* ya ke mena.
11 Na mwini, nge ke ziunga banti na nge mbote-mbote,Na suka nge ta sala nde nkeni na nge kumena,Kansi nsungi ya kukatula bima na bilanga ta suka na kilumbu ya maladi mpi ya mpasi yina ke manaka ve.+
12 Wa! Makelele ya bantu mingi ke wakana,Bayina ke tula makelele bonso makelele ya ngolo ya banzadi-mungwa!
Makelele ya makanda ke wakana,Makelele na yo kele bonso kungana ya bamasa ya ngolo!
13 Makanda ta basisa ndinga mosi bonso kungana ya bamasa mingi.
Yandi ta nganina bo, mpi bo ta tina ntama,Bo ta landa bo bonso bampusu na bangumba yina mupepe ke nata,Bonso tu-banti* ya bansende yina mupepe mosi ya ngolo ke balula-balula.
14 Na nkokila, boma ya ngolo ta vanda.
Na ntwala nde ntongo kutana, bo to vanda diaka ve.
Yai kele dikabu ya bantu yina ke baka bima na beto na kingolo-ngoloMpi dikabu ya bantu yina ke botula bima na beto.
Banoti na nsi ya lutiti
^ Na kisina, “bana ya Izraele.”
^ Na kisina, “mafuta ya nsuni na yandi.”
^ To “Ntoto ya Kukonda Ngumba.”
^ Tala Bantendula ya Bangogo.
^ To “nzambi mosi ya nzenza.”
^ To “Bonso matiti.”
