Yezaya 18:1-7
-
Nsangu sambu na Etiopia (1-7)
18 Mawa na insi yina me fuluka ti makelele ya mansala ya baniama yina kele ti mansalaNa ntoto yina kele pene-pene ya banzadi ya Etiopia!+
2 Yo ke tinda mimonisi na nzila ya nzadi-mungwa,Na simu ya masa na bamaswa ya papirusi, mpi ke tuba nde:
“Beno binati-nsangu ya ke kwendaka nswalu, beno kwendaNa dikanda mosi ya bantu ya nda mpi yina kele ti mpusu ya nitu ya butesi,Na bantu yina bo ke waka boma bisika yonso,+Na dikanda mosi ya ngolo, ya ke nungaka,*Dikanda yina banzadi me nataka insi na yo.”
3 Beno bantu yonso ya insi yai mpi beno bantu ya ke zingaka na ntoto,Mambu ya beno ke mona ta vanda bonso kidimbu* ya bo me tedimisa na zulu ya bangumba,Mpi beno ta wa makelele mosi bonso makelele ya kibongo.
4 Sambu Yehowa me tubila mono nde:
“Mono ta bikala pima mpi ta tala na zulu ya* kisika na mono ya ngolo,Bonso ntangu ya ke sema ve ngolo na mwini,Bonso malulu ya ke bwa na mwini na nsungi ya kukatula bima na bilanga.
5 Na ntwala ya nsungi ya kukatula bima na bilanga,Ntangu bintuntu me bwa mpi bintuntu me kuma bambuma ya vinu ya kutela,Bo ta zenga tu-balutangu yina ke mena ti bakupu- kupuEbuna bo ta zenga mpi ta katula balutangu ya kukonama-konama.
6 Bo ta bikisa yo yonso sambu na bandeke ya bangumba ya ke diaka misuniMpi sambu na bambisi ya ntoto.
Bandeke ya ke diaka misuni ta lutisa nsungi ya mvula na zulu na yo,Mpi bambisi yonso ya ntoto ta lutisa ntangu ya kukatula bima na bilanga na zulu na yo.
7 Na ntangu yina, bo ta natila Yehowa ya makesa dikabu mosi,Yina ta katuka na dikanda mosi ya bantu ya nda mpi yina kele ti mpusu ya nitu ya butesi,Yina ta katuka na bantu yina bo ke waka boma bisika yonso,Yina ta katuka na dikanda mosi ya ngolo, ya ke nungaka,*Dikanda yina banzadi me nataka insi na yo,Na kisika yina kele ti zina ya Yehowa ya makesa, Ngumba ya Sioni.”+
Banoti na nsi ya lutiti
^ To “Na dikanda mosi ya ngolo kibeni yina ke niata-niataka.”
^ To “nti yina kele kidimbu.”
^ To mbala ya nkaka, “ta tala tuka.”
^ To “dikanda mosi ya ngolo kibeni yina ke niata-niataka.”
