Yezaya 2:1-22
2 Yai mambu yina Yezaya mwana ya Amozi monaka sambu na Yuda mpi Yeruzalemi:+
2 Na kitini ya nsuka ya bilumbu,*Ngumba ya nzo ya YehowaTa tulama ngolo na zulu ya nsongi ya bangumba ya nene,+Yo ta tombuka na zulu ya bangumba ya fioti,Mpi makanda yonso ta kwisa kufuluka+ kuna.
3 Ebuna bantu mingi ta kwenda mpi ta tuba nde:
“Beno kwisa, beto tombuka na ngumba ya Yehowa,Na nzo ya Nzambi ya Yakobi.+
Yandi ta longa beto banzila na yandi,Mpi beto ta tambula na banzila na yandi.”+
Sambu nsiku* ta basika na Sioni,Mpi ndinga ya Yehowa ta basika na Yeruzalemi.+
4 Yandi ta zenga makambu na kati ya makandaMpi ta tula mambu na ndonga* sambu na bantu mingi.
Bo ta kumisa bambele na bo ya bitumba bima ya kubundudila ntotoMpi bo ta kumisa makonga na bo bakupu-kupu.+
Dikanda mosi ta nangula ve mbele ya bitumba sambu na kunwanisa dikanda ya nkaka,Bo ta longuka mpi diaka ve bitumba.+
5 O nzo ya Yakobi, kwisa,Bika beto tambula na nsemo ya Yehowa.+
6 Sambu nge me vila bantu na nge, nzo ya Yakobi,+Sambu bo me kuma ti bima mingi yina me katuka na ndambu ya Esti;Bo ke sala mazi+ bonso bantu ya Filistia,Mpi bo kele ti bana mingi ya banzenza.
7 Insi na bo me fuluka ti arza mpi wolo,Mpi bimvwama na bo kele na nsuka ve.
Insi na bo me fuluka ti bampunda,Mpi bapusu-pusu na bo kele na nsuka ve.+
8 Insi na bo me fuluka ti banzambi ya kukonda mfunu.+
Bo ke fukimina kisalu ya maboko na bo mosi,Bima yina misapi na bo mosi me salaka.
9 Yo yina muntu ke fumbama, bo ke pesa yandi nsoni,Mpi nge lenda lolula bo ve.
10 Kota na kati ya ditadi mpi bumbana na mfututuSambu na makasi ya ngolo ya YehowaMpi nkembo na yandi ya nene.+
11 Bo ta kulumusa meso ya lulendo ya muntu,Mpi lulendo ya bantu ta kulumuka.*
Yehowa mpamba muntu ta baka nkembo ya mingi na kilumbu yina.
12 Sambu yo kele kilumbu ya Yehowa ya makesa.+
Yo ke kwisila konso muntu yina kele lulendo mpi yina ke kudinangulaka,Konso muntu, yo vanda muntu ya mfunu to ya kukonda mfunu,+
13 Yo ke kwisila banti yonso ya sedre ya Libani yina kele ya nda mpi ya kunangukaMpi banti yonso ya shene ya Bashani,
14 Yo ke kwisila bangumba yonso ya ndaMpi bangumba yonso ya fioti ya kunanguka,
15 Yo ke kwisila konso nzo-zulu ya nda mpi konso kibaka ya ngolo,
16 Yo ke kwisila bamaswa yonso ya Tarsisi+Mpi bamaswa yonso ya kitoko.
17 Bo ta kulumusa lulendo ya muntu,Mpi lulendo ya bantu ta kulumuka.*
Yehowa mpamba muntu ta baka nkembo ya mingi na kilumbu yina.
18 Banzambi ya kukonda mfunu ta vila kimakulu.+
19 Mpi bantu ta kota na mabulu ya matadi ya neneMpi na mabulu yina kele na ntoto,+Sambu na makasi ya ngolo ya YehowaMpi nkembo na yandi ya nene,+Ntangu yandi ta telama sambu na kunikisa ntoto na boma ya ngolo.
20 Na kilumbu yina, bantu ta baka banzambi na bo ya kukonda mfunu ya arza mpi ya woloYina bo me kudisadilaka sambu na kufukimina yoMpi ta losila yo minungi* ti bakapakala-ngonzu,+
21 Sambu na kukota na mabulu yina kele na matadi ya neneMpi na bampwasa ya matadi,Sambu na makasi ya ngolo ya YehowaMpi nkembo na yandi ya nene,Ntangu yandi ta telama sambu na kunikisa ntoto na boma ya ngolo.
22 Sambu na mambote na nge mosi, yambula kutula ntima na muntu,Yina kele kaka mpema na mbombo na yandi.*
Sambu na nki bo fwete yibuka yandi?
Banoti na nsi ya lutiti
^ To “Na bilumbu ya nsuka.”
^ To “malongi.”
^ To “ta sungika mambu.”
^ Na kisina, “ta kuma na ntoto.”
^ Na kisina, “ta kuma na ntoto.”
^ Bampuku ya ke diaka na lukasi.
^ To “Yina mpema na yandi kele na mbombo na yandi.”
