Yezaya 21:1-17
21 Nsangu sambu na ntoto-makanga ya nzadi-mungwa:*+
Yo ke kwisa bonso mipepe ya ngolo ya ke luta ntinu na ndambu ya sudi,Katuka na ntoto-makanga, na insi+ mosi yina ke pesa boma.
2 Bo songaka mono mbona-meso mosi ya nku:
Muyekudi mosi ke sala mambu na kuyekula yonso,Mpi muntu ya ke bebisaka ke bebisa.
Tombuka, O Elami! Ziunga, O Media!+
Mono ta sukisa kudila yonso yina yandi basisaka.+
3 Yo yina mono kele na mpasi ya ngolo.*+
Mpasi me simba mono,Bonso mpasi ya nkento yina ke buta.
Yo ke pesa mono mpasi mingi na mpila nde mono ke wa ve;Yo ke yangisa mono mingi na mpila nde mono ke mona ve.
4 Ntima na mono me lemba; mono ke tekita na boma.
Nkokila* yina mono vandaka na nzala na yo ya ngolo me kuma kusala nde mono tekita.
5 Tula mesa mpi yidika bakiti!
Dia mpi nwa!+
Beno bamfumu, beno telama, beno tula* kitaninu mafuta!
6 Sambu Yehowa me tubila mono nde:
“Kwenda, tula nkengidi mosi mpi lomba yandi na kutuba mambu yina yandi ke mona.”
7 Ebuna yandi monaka pusu-pusu ya bitumba ti kimvuka ya bampunda ya bitumba,Pusu-pusu ya bitumba yina bampunda ya fioti ke benda,Pusu-pusu ya bitumba yina bashamo ke benda.
Yandi talaka mbote-mbote, ti dikebi kibeni.
8 Ebuna yandi nganaka bonso ntambu nde:
“O Yehowa, na mwini mono ke telama konso ntangu na zulu ya nzo- zulu ya nkengi,Mpi konso mpimpa+ mono kele na kisika na mono ya kukengila.
9 Tala kima yina ke kwisa:
Bantu na pusu-pusu ya bitumba, ti kimvuka ya bampunda!”+
Ebuna yandi bokaka mpi tubaka nde:
“Yandi me bwa! Babilone me bwa!+
Biteki yonso ya banzambi ya Babilone, yandi me buka-buka yo mpi me losa yo na ntoto!”+
10 O bantu na mono yina bo me niata-niata bonso bambuma,Bima* ya kisika na mono ya bo ke tutaka bambuma sambu na kukatula yo bampusu,+Mono me zabisa beno mambu yina mono me wa na Yehowa ya makesa, Nzambi ya Izraele.
11 Nsangu sambu na Duma:*
Muntu mosi ke binga mono na ndinga ya ngolo tuka Seire+ nde:
“Nkengidi, mpimpa ta mana nki ntangu?
Nkengidi, mpimpa ta mana nki ntangu?”
12 Nkengidi tubaka nde:
“Suka ke kwisa, mpimpa mpi ke kwisa.
Kana beno ke zola kuyula, beno yula.
Beno kwisa diaka!”
13 Nsangu sambu na ntoto ya zelo na zelo:
Beno ta lala na mfinda na ntoto ya zelo na zelo,O ndonga ya bantu ya Dedani+ ya ke salaka nzietelo ti bashamo na bo.
14 Beno nata masa sambu na kukutana ti muntu yina kele na nzala ya masa,Beno bantu ya insi ya Tema,+Mpi beno nata mampa sambu na muntu yina ke tina.
15 Sambu bo me tina bambele ya bitumba, mbele ya bitumba yina bo me basisa,Munduki ya tolo-tolo yina me konama, mpi bitumba ya ngolo.
16 Sambu Yehowa me tubila mono nde: “Na nsungi ya mvula mosi, bonso bamvula ya muntu ya kisalu* yina ke bakaka lufutu, nkembo yonso ya Kedare+ ta suka.
17 Bantu yina bikalaka na kati ya basoda ya Kedare ya ke sadilaka munduki ya tolo-tolo ta kuma fioti, sambu Yehowa Nzambi ya Izraele muntu me tuba.”
Banoti na nsi ya lutiti
^ Yo ke monana bonso nde yo ke tubila ntoto ya bangumba ya Babilonia ya ntama.
^ Na kisina, “luketo na mono me fuluka na mpasi.”
^ Na kisina, “Kati-kati ya bankokila zole.”
^ To “pakula.”
^ Na kisina, “Mwana.”
^ Yo ke tendula “Pima.”
^ To “ya bo me tanga mbote-mbote mutindu muntu ya kisalu yina ke bakaka lufutu ke tangaka”; disongidila, na nsungi ya bamvula tatu kibeni.
