Yezaya 22:1-25
22 Nsangu sambu na Muwanda ya Mbona-Meso:*+
Inki mambu me bwa sambu beno tombuka beno yonso na baludi?
2 Nge vandaka ya kufuluka ti mavwanga,Mbanza mosi ya makelele mingi, bwala mosi ya kiese.
Bantu na nge yina bo fwaka, bo fwaka bo ve na mbele ya bitumba,Bo fwaka mpi ve na bitumba.+
3 Bamfumu na nge yonso ya nku me tina kumosi.+
Bo nataka bo na boloko, mfunu ya munduki ya tolo-tolo vandaka ve.
Bantu yonso yina bo monaka bo nataka bo na boloko,+Ata bo tinaka ntama kibeni.
4 Yo yina mono tubaka nde: “Beno tala mono ve,Ebuna mono ta dila ngolo kibeni.+
Beno landa ve kulembika monoSambu na lufwa ya mwana-nkento* ya bantu na mono.+
5 Sambu yo kele kilumbu ya kisaka-saka, ya kubela, mpi ya boma,+Ya me katuka na Mfumu ya Kuluta Nene, Yehowa ya makesa,Na Muwanda ya Mbona-Meso.
Bo ke bwisa kibaka,+Mpi milolo ke wakana tii na ngumba.
6 Elami+ me baka lupayaTi bapusu-pusu yina ke na- taka bantu mpi bampunda,*Mpi Kire+ me katula kima ya ke fikaka* kitaninu.
7 Miwanda na nge* ya kuluta kitokoTa fuluka ti bapusu-pusu ya bitumba,Mpi bampunda* ta telama na kielo,
8 Ebuna bo ta katula rido* ya Yuda.
“Na kilumbu yina, nge ta tala na ndambu ya binwaninu ya Nzo ya Mfinda,+
9 ebuna beno ta mona mabulu mingi na kibaka ya Mbanza ya Davidi.+ Mpi beno ta vukisa bamasa ya kiziba ya nsi.+
10 Beno ta tanga banzo ya Yeruzalemi, mpi beno ta bwisa banzo sambu na kukumisa kibaka ngolo.
11 Ebuna beno ta sala dibulu mosi ya nene na kati-kati ya bibaka zole sambu na masa ya kiziba ya ntama, kansi beno ta tala ve Muntu ya Nene yina salaka yo, mpi beno ta mona ve Muntu yina salaka yo tuka ntama.
12 Na kilumbu yina, Mfumu ya Kuluta Nene, Yehowa ya makesa,Ta lomba beno na kudila mpi kuwa mawa,+Na kukulula ntu mpi kulwata saki.
13 Kansi na kisika ya kusala yo, bo ke sala nkinsi mpi bo ke sepela,Bo ke fwa bangombe ti mameme,Bo ke dia misuni mpi bo ke nwa vinu.+
Beno ta tuba nde: ‘Beto dia mpi beto nwa, sambu mbasi beto ta fwa.’”+
14 Ebuna Yehowa ya makesa tubaka diambu yai na makutu na mono: “‘Bo ta fika ve kifu na beno yai tii kuna beno ta fwa,’+ Mfumu ya Kuluta Nene, Yehowa ya makesa, muntu me tuba.”
15 Mfumu ya Kuluta Nene, Yehowa ya makesa, me tuba nde: “Kota kisika ya kapita yai, Shebna,+ yina kele mfumu ya nzo,* mpi tuba nde,
16 ‘Inki kima na nge kele awa, mpi nani kele muntu na nge awa, yo yina nge me kuditimunina maziamu awa?’ Yandi ke timuna maziamu na yandi na kisika mosi ya kunanguka; yandi ke kuditimunina kisika ya kupema* na kati ya ditadi mosi.
17 ‘Tala! Yehowa ta losa nge na nku yonso, O muntu, mpi yandi ta kanga nge na ngolo.
18 Yandi ta kanga nge ngolo kibeni mpi ta losa nge bonso nkweso na insi mosi ya nene. Nge ta fwa kuna, mpi bapusu-pusu na nge ya nkembo ta vanda kuna, nsoni sambu na nzo ya mfumu na nge.
19 Ebuna mono ta katula nge na kiyeka na nge, mpi ta katula nge na kisalu na nge.
20 “‘Na kilumbu yina, mono ta binga nsadi na mono Eliakimi,+ mwana ya Hilkia,
21 mpi mono ta lwatisa yandi mvwela na nge, mono ta kangisa yandi+ ngolo lele na nge ya kukanga na luketo, mpi mono ta pesa kiyeka* na nge na diboko na yandi. Ebuna yandi ta vanda tata sambu na bantu ya Yeruzalemi mpi sambu na nzo ya Yuda.
22 Mono ta tula nsabi ya nzo ya Davidi+ na dipeka na yandi. Yandi ta kangula, kansi ata muntu mosi ve ta kanga; mpi yandi ta kanga, kansi ata muntu mosi ve ta kangula.
23 Mono ta kotisa yandi bonso pike na kisika ya ke zingaka mingi, mpi yandi ta kuma bonso kiti ya kimfumu ya nkembo sambu na nzo ya tata na yandi.
24 Mpi bo ta tula na zulu na yandi nkembo* yonso ya nzo ya tata na yandi, bana ti bantekolo,* malonga yonso ya fioti, babolo yina kele bonso malonga, mpi mabungu yonso ya nene.
25 “‘Na kilumbu yina,’ Yehowa ya makesa muntu me tuba ‘bo ta katula pike yina bo kotisaka na kisika ya ke zingaka mingi, ebuna bo ta zenga+ yo, yo ta bwa, mpi kizitu yina yo vandaka kunata ta bwa mpi ta beba, sambu Yehowa yandi mosi muntu me tuba.’”
Banoti na nsi ya lutiti
^ Yo ke monana bonso nde yo ke tubila Yeruzalemi.
^ Kutuba ya kifwani, ziku yo ke monisa mawa mpi kuditula na kisika ya muntu.
^ To “bantu yina ke tambusaka bampunda.”
^ To “me yidika.”
^ To “Bantoto na nge ya kukonda ngumba.”
^ To “bantu yina ke tambusaka bampunda.”
^ To “lutaninu.”
^ To “nzo ya ntotila.”
^ Na kisina, “kisika ya kuzinga.”
^ To “luyalu.”
^ Na kisina, “kizitu.”
^ To “nkuna.”
