Yezaya 31:1-9
31 Mawa na bantu yina ke kulumuka na Ezipte sambu na kusosa lusadisu,+Bayina ke tula ntima na bampunda,+Bayina ke tula ntima na bapusu-pusu ya bitumba sambu yo kele mingi,Mpi na bampunda ya bitumba* sambu yo kele ngolo.
Kansi bo ke tula ve ntima na Santu ya Izraele,Mpi bo ke sosa ve Yehowa.
2 Kansi yandi kele mpi mayele, yandi ta nata mpasi,Mpi yandi ta lungisa mambu yina yandi tubaka.
Yandi ta telama sambu na kunwanisa nzo ya bantu yina ke salaka mambu ya mbiTi bantu yina ke sadisaka bantu ya ke salaka mambu ya mbi.+
3 Kansi bantu ya Ezipte kele kaka bantu, bo kele Nzambi ve;Bampunda na bo kele nsuni kansi mpeve ve.+
Ntangu Yehowa ta tandula diboko na yandi,Konso muntu yina ke pesa lusadisu ta bula sakubaMpi konso muntu yina bo ke sadisa ta bwa;Bo yonso ta mana nzila mosi.
4 Sambu Yehowa me tubila mono nde:
“Kaka mutindu ntambu, mwana-ntambu mosi ya ngolo,* ke nganaka sambu na mbisi yina yo me kanga,Ntangu bo ke bingaka kimvuka ya mvimba ya bangungudi na kuvukana kumosi sambu na kunwanisa yo,Mpi yo ke tekitaka ve kana yo wa ndinga na boTo ke waka boma ve sambu na makelele na bo,Mutindu mosi mpi Yehowa ya makesa ta kwisa kukulumuka sambu na kunwaninaNgumba ya Sioni mpi ngumba na yo ya fioti.
5 Bonso bandeke ya ke kulumuka ntinu, mutindu yina mpi Yehowa ta nwanina Yeruzalemi.+
Yandi ta nwanina yandi mpi ta gulusa yandi.
Yandi ta sala yandi mbi ve mpi ta tanina yandi.”
6 “O bantu ya Izraele,+ beno vutuka na Muntu yina beno kolamaka ngolo na ntwala na yandi.
7 Na kilumbu yina, konso muntu ta losa banzambi na yandi ya arza ya kukonda mfunu mpi banzambi na yandi ya wolo ya kukonda mfunu, yina maboko na beno sumukaka na kusala yo.
8 Ebuna muntu ya Asiria ta fwa na mbele ya bitumba, kansi ya muntu ve;Mpi mbele mosi ya bitumba, kansi ya muntu ve, ta fwa yandi.+
Yandi ta tina sambu na mbele ya bitumba,Mpi bo ta pesa baleke na yandi ya babakala bisalu ya ngolo.
9 Ditadi na yandi ta waluka sambu na boma ya ngolo,Mpi bamfumu na yandi ta tekita sambu na nti ya kidimbu,” Yehowa muntu me tuba,Yina nsemo* na yandi kele na Sioni mpi yina fulu na yandi ya tiya kele na Yeruzalemi.
Banoti na nsi ya lutiti
^ To “na bantu yina ke tambusaka bampunda.”
^ To “mwana-ntambu yina kele ti mika mingi na nkingu.”
^ To “tiya.”
