Yezaya 4:1-6
4 Mpi bankento nsambwadi ta kanga bakala mosi na kilumbu yina+ mpi ta tuba nde:
“Beto ta dia dimpa na beto mosiMpi ta lwata bilele na beto mosi;Kansi bika kaka nde bo binga beto na zina na ngeSambu na kukatula nsoni na beto.”*+
2 Na kilumbu yina, kima yina Yehowa ta sala nde yo mena ta vanda ya kitoko mpi ya nkembo, mpi mbuma ya ntoto ta vanda lulendo mpi kitoko ya bantu ya Izraele yina ta guluka.+
3 Konso muntu yina ta bikala na Sioni mpi na Yeruzalemi, bo ta binga yandi santu, bantu yonso ya kele na Yeruzalemi yina bo me sonikaka bazina na bo sambu na kuzinga+ muna.
4 Ntangu Yehowa ta katula mvindu* ya bana-bankento ya Sioni+ mpi ta dipa menga ya Yeruzalemi yina me tiamukaka na kati na yandi na nzila ya mpeve ya ke sambisaka mpi ya mpeve ya ke yokaka,*+
5 Yehowa ta ganga mpi dituti ti midinga na mwini mpi tiya ya ke pela ngolo na mpimpa+ na zulu ya Ngumba ya Sioni ya mvimba mpi na zulu ya kisika na yo ya balukutakanu; sambu kisika ya lutaninu ta vanda na zulu ya nkembo yonso.
6 Yo ta vanda ti kisasa mosi sambu na kubumbana ntangu ya ngolo na mwini,+ mpi sambu na kutina kuna mpi kuditanina na mipepe ya ngolo mpi na mvula.+
Banoti na nsi ya lutiti
^ Disongidila, nsoni ya kukonda kukwela mpi ya kukonda bana.
^ Na kisina, “tufi.”
^ To “ke katulaka.”
