Yezaya 41:1-29
41 “Beno bisanga, beno wa mono, beno vanda pima;*Bika makanda kubaka diaka ngolo na bo.
Bika bo, bo pusana; ebuna bika bo tuba.+
Bika beto kwisa kumosi sambu na lusambisu.
2 Nani me tedimisaka muntu katuka na ndambu yina ntangu ke basikaka,*+Mpi ke bingaka yandi na lunungu na makulu na yandi,*Sambu na kupesa makanda na maboko na yandiMpi kusala nde yandi yala bantotila?+
Nani ke kumisaka bo mfututu na ntwala ya mbele na yandi ya bitumba,Bonso nianga ya ke pumbuka na mupepe na ntwala ya munduki na yandi ya tolo-tolo?
3 Yandi ke landa bo, mpi ke luta kukonda kima mosi ya ke kanga yandi nzilaNa banzila yina makulu na yandi me lutaka ve.
4 Nani me salaka mpi me lungisaka diambu yai,Nani ke bingaka bimvuka ya bantu katuka luyantiku?
Mono, Yehowa, mono kele Muntu ya Ntete;+Mpi sambu na bantu ya nsuka, mono kele kaka kiteso mosi.”+
5 Bisanga me mona yo mpi me wa boma.
Nsuka ya ntoto me yantika kutekita.
Bo me pusana pene-pene mpi me kwisa na ntwala.
6 Konso muntu ke sadisa nduku na yandiMpi ke tubila mpangi na yandi nde: “Vanda ngolo.”
7 Mutindu mosi mpi muntu yina ke salaka bisalu ya maboko ke pesa kikesa na muntu yina ke salaka bima ya bibende;+Muntu yina ke kumisaka bima kipala-pala ti martoKe pesa kikesa na muntu yina ke bula marto na kima ya kubudila bibende.
Yandi ke tuba sambu na kisika yina yandi vukisaka bibende yina nde: “Yo kele mbote.”
Ebuna bo ke kangisa yo ti minsonso sambu yo nikana ve.
8 “Kansi nge, O Izraele, nge kele nsadi+ na mono,O Yakobi, nge muntu yina mono me solaka,+Bana* ya Abrahami nduku na mono,+
9 Nge ya mono bakaka na nsuka ya ntoto,+Mpi nge ya mono bingaka tuka bisika na yo ya kuluta ntama.
Mono tubilaka nge nde, ‘Nge kele nsadi na mono;+Mono me solaka nge; mono me buyaka nge ve.+
10 Kuwa boma ve, sambu mono kele ti nge.+
Kudiyangisa ve, sambu mono kele Nzambi na nge.+
Mono ta pesa nge kikesa, ee, mono ta sadisa nge,+Mono ta simba nge mpenza ngolo na diboko na mono ya kitata ya lunungu.’
11 Tala! Bantu yonso yina ke wila nge makasi ya ngolo, bo ta pesa bo nsoni mpi bo ta kulumusa bo.+
Bantu yina ke nwana ti nge ta kuma bima ya mpamba mpi ta fwa.+
12 Nge ta sosa bantu yina ke nwana ti nge, kansi nge ta mona bo ve;Bantu yina ke nwanisa nge ta kuma bonso kima mosi ya kele ve, bonso bima ya mpamba.+
13 Sambu mono Yehowa Nzambi na nge, mono ke simba ngolo diboko na nge ya kitata,Mono Muntu ke tubila nge nde, ‘Kuwa boma ve. Mono ta sadisa nge.’+
14 Kuwa boma ve, nge Yakobi+ musobi,*Beno bantu ya Izraele, mono ta sadisa beno,” Yehowa muntu me tuba, Muntu ya ke sumba nge diaka,+ Santu ya Izraele.
15 “Tala! Mono me kumisa nge kima ya bo ke tutaka bambuma sambu na kukatula yo bampusu,+Kima ya mpa ya makasi zole ya bo ke tutaka bambuma sambu na kukatula yo bampusu.
Nge ta niata bangumba mpi ta panza yoMpi ta sala nde bangumba ya fioti kukuma bonso bampusu.
16 Nge ta katula yo bampusu,Mpi mupepe ta nata yo ntama;Mupepe ya ngolo ta panza yo.
Nge ta vanda na kiese na Yehowa,+Mpi nge ta kudikumisa na Santu ya Izraele.”+
17 “Bantu ya mpasi mpi bansukami ke sosa masa, kansi yo kele ve.
Ludimi na bo me yuma sambu na nzala ya masa.+
Mono, Yehowa, mono ta pesa bo mvutu.+
Mono, Nzambi ya Izraele, mono ta yambula bo ve.+
18 Mono ta sala nde banzadi kukulumuka na bangumba ya fioti ya me konda banti+Mpi banto ya masa na miwanda.+
Mono ta sala nde ntoto-makanga kukuma kiziba ya masa ya me fuluka ti balukengiMpi insi ya me konda masa kukuma banto ya masa.+
19 Na ntoto ya zelo na zelo mono ta kuna nti ya sedre,Nti ya akasia, nti ya mirte, ti nti ya mafuta.+
Na ntoto ya zelo na zelo mono ta kuna nti ya yenevriye,Kumosi ti nti ya frene mpi nti ya sipre,+
20 Sambu bantu yonso kumona mpi kuzabaKutula dikebi mpi kubakisaNde diboko ya Yehowa me sala yo,Mpi Santu ya Izraele me ganga yo.”+
21 “Beno monisa dikambu na beno,” Yehowa muntu me tuba.
“Beno songa banzikisa na beno,” Ntotila ya Yakobi muntu me tuba.
22 “Beno songa nzikisa mpi beno songa beto mambu yina ta salama.
Beno tela beto mambu ya ntama,*Sambu beto yindulula yo* mpi beto zaba nsuka na yo.
To beno zabisa beto mambu yina ke kwisa.+
23 Beno songa beto mambu yina ta salama na bilumbu ke kwisa,Sambu beto zaba nde beno kele banzambi.+
Ee, beno sala kima mosi, ya mbote to ya mbi,Sambu beto yituka ntangu beto ta mona yo.+
24 Tala! Beno kele kima mosi ya ke zingaka ve,Mpi kima ya beno me sala kele mpamba.+
Konso muntu yina ke sola beno kele muntu ya nzanzi.+
25 Mono me tedimisa muntu mosi katuka na ndambu ya nordi, mpi yandi ta kwisa,+Muntu mosi katuka na ndambu yina ntangu ke basikaka,*+ yina ta binga zina na mono.
Yandi ta niata bamfumu* bonso nde bo vandaka ntoto ya tuma,+Bonso muwumbi yina ke niata-niata ntoto ya tuma ya poto-poto.
26 Nani tubilaka mambu yai katuka luyantiku, sambu beto zaba yo,To tuka bantangu ya me luta sambu beto tuba nde, ‘Keti yandi ke tuba masonga’?+
Ya kieleka, ata muntu mosi ve tubaka yo!
Ata muntu mosi ve zabisaka yo!
Ata muntu mosi ve waka kima mosi ya me katuka na beno!”+
27 Mono vandaka muntu ya ntete ya kutubila Sioni nde: “Tala! Bo yai!”+
Mpi mono ta tinda na Yeruzalemi muntu mosi ya ke nataka nsangu ya mbote.+
28 Kansi mono landaka kutala, mpi ata muntu mosi vandaka ve;Ata muntu mosi vandaka ve na kati na bo sambu na kupesa ndongisila.
Mpi mono landaka kulomba bo na kupesa mvutu.
29 Tala! Bo yonso kele luvunu.*
Bisalu na bo kele mpamba.
Biteki na bo ya bibende* kele mupepe mpi bima ya ke vandaka ve.+
Banoti na nsi ya lutiti
^ To “beno vanda pima na ntwala na mono.”
^ To “na ndambu ya esti.”
^ Disongidila, sambu na kusadila yandi.
^ Na kisina, “Nkuna.”
^ Disongidila, yina lenda kuditanina ve mpi kele ya kukonda mfunu.
^ Na kisina, “ya ntete.”
^ To “tula ntima na beto na yo.”
^ To “ndambu ya esti.”
^ To “bilandi ya bamfumu.”
^ To “kima yina ke vandaka ve.”
^ To “Biteki ya bibende ya bo me lamba na tiya.”
