Yezaya 43:1-28
43 Yai mambu yina Yehowa me tuba,Ngangi na nge, O Yakobi, Muntu yina salaka nge, O Izraele:+
“Kuwa boma ve, sambu mono me sumba nge diaka.+
Mono me binga nge na zina na nge.
Nge kele muntu na mono.
2 Ntangu nge ta luta na kati ya bamasa, mono ta vanda ti nge,+Mpi ntangu nge ta luta na kati ya banzadi, yo ta dindisa nge ve.+
Ntangu nge ta tambula na kati ya tiya, nge ta zika ve,Ludimi ya tiya ta yoka nge mpi ve.
3 Sambu mono kele Yehowa Nzambi na nge,Santu ya Izraele, Ngulusi na nge.
Mono me pesa Ezipte bonso nkudulu sambu na nge,Etiopia mpi Seba na kisika na nge.
4 Sambu nge kumaka na mfunu mingi na meso na mono,+Mono pesaka nge lukumu mpi mono zolaka nge.+
Yo yina mono ta pesa bantu na kisika na ngeMpi makanda na kisika ya luzingu* na nge.
5 Kuwa boma ve, sambu mono kele ti nge.+
Mono ta nata bana* na nge katuka na ndambu ya estiMpi ta vukisa beno kumosi katuka na ndambu ya westi.+
6 Mono ta tuba na nordi nde, ‘Vutula bo!’+
Mpi na sudi nde, ‘Kukanga bo ve nzila.
Nata bana na mono ya babakala katuka na kisika ya ntama, mpi bana na mono ya bankento katuka na nsuka ya ntoto,+
7 Konso muntu yina bo ke binga na zina na mono+Mpi yina mono gangaka sambu na nkembo na mono mosi,Yina mono yidikaka mpi salaka.’+
8 Basisa bantu yina kele bifwa-meso, ata bo kele na meso,Mpi bantu yina kele bifwa-makutu, ata bo kele na makutu.+
9 Bika makanda yonso kuvukana kisika mosi,Mpi bika bantu kuvukana kisika mosi.+
Nani na kati na bo* lenda zabisa mambu yai?
To keti bo lenda sala nde beto wa mambu ya ntete?*+
Bika bo nata bambangi na bo sambu bo monisa nde bo ke tuba kieleka,To bika bo wa mpi bo tuba nde, ‘Yo kele ya kieleka!’”+
10 “Beno kele bambangi+ na mono,” Yehowa muntu me tuba,“Ee, nsadi na mono ya mono me solaka,+Sambu beno zaba mpi beno kwikila na mono*Mpi beno bakisa nde mono kele mutindu Mosi.+
Na ntwala na mono ata Nzambi mosi salamaka ve,Mpi na nima na mono, ata mosi ve vandaka.+
11 Mono—mono kele Yehowa,+ mpi katula mono ngulusi+ ya nkaka kele ve.”
12 “Mono Muntu tubaka, gulusaka, mpi zabisakaNtangu nzambi ata mosi ve ya nzenza vandaka na kati na beno.+
Yo yina beno kele bambangi na mono,” Yehowa muntu me tuba, “mpi mono kele Nzambi.+
13 Mono ke vandaka ntangu yonso mutindu Mosi;+Mpi ata muntu mosi ve lenda botula kima na diboko na mono.+
Kana mono sala mambu, nani lenda kanga yo nzila?”+
14 Yehowa, Muntu ya ke sumba nge diaka,+ Santu ya Izraele,+ me tuba nde:
“Sambu na beno, mono ta tinda bo na Babilone mpi ta bwisa banti yonso ya bakielo,+Ebuna bantu ya Kaldea, na kati ya bamaswa na bo, ta tula milolo ya mpasi.+
15 Mono kele Yehowa, Santu na beno,+ Ngangi ya Izraele,+ Ntotila na beno.”+
16 Yai kele mambu yina Yehowa me tuba,Muntu yina ke sala nzila na kati ya nzadi-mungwaMpi yina ke sala nzila ata na kati ya bamasa+ yina ke nikanaka ngolo,
17 Muntu yina ke basisaka pusu-pusu ya bitumba mpi mpunda,+Makesa kumosi ti basoda ya ngolo:
“Bo ta lala na ntoto mpi ta telama ve.+
Bo ta fwa bo, mutindu bo ke fwaka nsinga ya mwinda ya ke pela.”
18 “Beno yibuka ve mambu ya ntama,Mpi beno yindula ve mambu ya ntama.
19 Tala! Mono ke sala kima mosi ya mpa;+Nkutu ntangu yai yo me yantika.
Keti beno ke zaba yo ve?
Mono ta sala nzila na kati ya ntoto-makanga+Mpi banzadi na kati ya ntoto ya zelo na zelo.+
20 Mbisi ya mfinda ya makasi ta pesa mono lukumu,Bambwa ya nseke ti ba-otrishi,Sambu mono ke pesa masa na ntoto-makanga,+Banzadi na ntoto ya zelo na zelo,Sambu bantu na mono, yina mono solaka,+ kunwa,
21 Bantu yina mono salaka sambu na mono mosiMpidina bo ta zabisa lukumu na mono.+
22 Kansi nge bingaka mono ve, O Yakobi,+Sambu nge lembaka mono, O Izraele.+
23 Nge natilaka mono ve dimeme sambu na makabu na nge ya mvimba ya kuyokaMpi nge pesaka mono ve nkembo ti bimenga na nge.
Mono pusaka nge ve na kingolo-ngolo na kunatila mono dikabu,Mono lembisaka nge mpi ve na kulombaka nge ndumbu ya mpembe.+
24 Nge sumbilaka mono ve mukuku ya sukadi* na mbongo na nge,Mpi nge sepedisaka mono ve+ ti mafuta ya bimenga na nge.
Kansi, nge tulaka mono kizitu ya masumu na ngeMpi nge lembisaka mono ti bifu na nge.+
25 Mono, mono kele Muntu yina ke dipa mambu na nge ya mbi*+ sambu na mono mosi,+Mpi mono ta yibuka ve masumu na nge.+
26 Yibusa mono; bika beto fundana;Tuba diambu na nge sambu na kumonisa nde nge ke tuba kieleka.
27 Nkaka na nge ya ntete salaka disumu,Mpi binati-nsangu* na nge mosi kolamaka na ntwala na mono.+
28 Yo yina mono ta vweza bamfumu ya kisika ya santu,Mono ta pesa Yakobi sambu bo fwa yandiMpi mono ta sala nde bo finga+ Izraele.
Banoti na nsi ya lutiti
^ To “moyo.”
^ Na kisina, “nkuna.”
^ Ziku yo ke tubila mambu ya ntete yina ta salama na bilumbu ke kwisa.
^ Ntembe kele ve nde yo ke tubila banzambi ya luvunu.
^ To “mpi beno tula ntima na mono.”
^ Lukengi mosi ya nsudi ya kitoko.
^ To “mambu na nge ya kukolama.”
^ Ziku yo ke tubila balongi ya Nsiku.
