Yezaya 47:1-15
47 O mwana-nkento ya mwense ya Babilone,+Kwisa kukulumuka mpi vanda na mfututu.
O mwana-nkento ya bantu ya Kaldea,Vanda na ntoto, kisika kiti ya kimfumu+ kele ve,Sambu bantu ta bingaka nge diaka ve muntu ya me konda ngolo mpi muntu yina bo ke bondilaka.
2 Baka kima ya kunikila bambuma na maboko mpi nika fufu.
Katula lele na nge ya ke fika luse.
Katula lele na nge, katula lele ya me fika makulu na nge.
Sabuka banzadi.
3 Bantu ta mona kinkonga na nge.
Nsoni na nge ta monana pwelele.
Mono ta vutula mbi+ mpi ata muntu mosi ve ta telama na nzila na mono.*
4 “Muntu yina ke sumba beto diaka—Zina na yandi kele Yehowa ya makesa—Kele Santu ya Izraele.”+
5 O mwana-nkento ya bantu ya Kaldea,+Vanda pana na pima mpi kota na mpimpa;Bo ta bingaka nge diaka ve Mfumu-Nkento* ya Bimfumu.+
6 Mono wilaka bantu+ na mono makasi.
Mono vwezaka dikabu+ na mono,Mpi mono pesaka bo na maboko+ na nge.
Kansi nge wilaka bo ve mawa.+
Nge tulaka vangu+ ya kizitu ata na zulu ya minunu.
7 Nge tubaka nde: “Mono ta vanda ntangu yonso Mfumu-Nkento,* kimakulu.”+
Nge tulaka ve mambu yai na ntima;Nge yindulaka ve mutindu mambu ta suka.
8 Ntangu yai, wa mambu yai, O nge muntu ya ke zolaka biese,+Yina me vanda na ngemba, yina ke tuba na ntima na yandi nde:
“Mono kele kaka mono mosi, mpi ya nkaka kele ve.+
Mono ta kuma ve mufwidi ya nkento.
Mono ta zaba mpi ve ata fioti lufwa ya bana.”+
9 Kansi mambu yai zole ta ku- mina nge na kintulumu- kina, na kilumbu mosi:+
Lufwa ya bana mpi kimufwidi.
Yo ta kumina nge+ na kiteso ya mingi kibeniSambu na kindoki na nge* ya mingi mpi bangogo na nge yonso ya ngolo ya kuloka.+
10 Nge tulaka ntima na mambu na nge ya mbi.
Nge tubaka nde: “Ata muntu mosi ve ke mona mono.”
Mayele na nge ti nzayilu na nge me vidisa nge nzila,Mpi nge ke tuba na ntima na nge nde: “Mono kele kaka mono mosi, mpi ya nkaka kele ve.”
11 Kansi diambu ya mbi ta bwila nge,Mpi ata kisalu na nge mosi ve ya mazi ta kanga yo nzila.*
Mpasi ta bwila nge; nge ta kuka ve kukanga yo nzila.
Nge ta beba na kintulumu- kina na mutindu yina nge me zabaka+ ntete ve.
12 Ebuna kwenda ti kuloka na nge mpi kindoki+ na nge ya mingi,Yina nge me salaka kisalu ya ngolo ti yo katuka kileke na nge.
Ziku nge ta baka mambote;Ziku bantu ta wa nge boma.
13 Nge me lemba bandongisi na nge ya mingi.
Bika bo telama ntangu yai mpi bo gulusa nge,Bantu yina ke sambilaka zulu,* yina ke talaka bambwetete,+Bantu yina ke zabisaka nza- yilu na bangonda ya mpaSambu na mambu yina ta bwila nge.
14 Tala! Bo kele bonso nianga.
Tiya ta yoka bo.
Bo lenda kudigulusa ve* na ngolo ya tiya.
Yo kele ve makala ya tiya sambu na kuyotila,Mpi yo kele ve tiya ya kuvanda na ntwala na yo.
15 Bantu na nge ya ke salaka kindoki ta kuma mutindu yai sambu na nge,Bayina nge salaka ti bo kisalu ya ngolo katuka kileke na nge.
Bo ta yungana-yungana, konso muntu na ndambu na yandi mosi.*
Ata muntu mosi ve ta gulusa nge.+
Banoti na nsi ya lutiti
^ To mbala ya nkaka, “mpi mono ta kutana ve ti konso muntu yina na mawete yonso.”
^ To “Ntotila-Nkento.”
^ To “Ntotila-Nkento.”
^ To mbala ya nkaka, “Ata nge kele ti kindoki.”
^ To “Mpi nge ta zaba ve mutindu ya kusadila mazi sambu na kukatula yo.”
^ To mbala ya nkaka, “Bantu yina ke kabulaka zulu; Bantu yina ke zabisaka makwisa na nsadisa ya bambwetete.”
^ To “lenda gulusa ve mioyo na bo.”
^ Na kisina, “na ntoto na yandi mosi.”
