Yezaya 55:1-13
55 Beno kwisa, beno yonso ya kele ti nzala ya masa,+ beno kwisa kubaka masa!+
Beno bantu ya kele na mbongo ve, beno kwisa, beno sumba mpi beno dia!
Ee, beno kwisa, beno sumba vinu ti miliki*+ kukonda mbongo mpi ya ofele.+
2 Sambu na nki beno ke landa kubasisa mbongo sambu na kima yina kele ve dimpa,Mpi sambu na nki beno ke bebisa lufutu na beno* sambu na kima yina ke pesaka ve kiese?
Beno wa mono na dikebi yonso, mpi beno dia bima ya mbote,+Ebuna beno* ta vanda na kiese ya mingi sambu na bima yina kele ya mbote kibeni.*+
3 Beno tula dikutu mpi beno kwisa na mono.+
Beno wa, ebuna beno* ta bikala na luzingu,Mpi mono ta sala kuwakana ya mvula na mvula+ ti beno na luzolo yonsoNa kuwakana ti mambu ya ke monisa zola ya kwikama na Davidi, mambu yina kele ya kwikama.*+
4 Tala! Mono me tula yandi mbangi+ sambu na makanda,Ntwadisi+ mpi komanda+ sambu na makanda.
5 Tala! Nge ta binga dikanda mosi ya nge me zaba ve,Mpi bantu ya dikanda yina zabaka nge ve ta kwisa ntinu na ngeSambu na Yehowa Nzambi na nge,+ Santu ya Izraele,Sambu yandi ta pesa nge nkembo.+
6 Beno sosa Yehowa na ntangu beno lenda mona yandi.+
Beno binga yandi na ntangu yandi kele pene-pene.+
7 Bika nde muntu ya nku kuyambula nzila na yandi+Mpi muntu ya mbi kuyambu- la bangindu na yandi;Bika nde yandi vutuka na Yehowa, yina ta wila yandi mawa,+Na Nzambi na beto, sambu yandi ta lolula na luzolo yonso.*+
8 “Sambu bangindu na mono kele ve bangindu na beno,+Mpi banzila na beno kele ve banzila na mono,” Yehowa muntu me tuba.
9 “Mutindu zulu kele ya kunanguka kuluta ntoto,Mutindu mosi mpi banzila na mono kele ya kunanguka kuluta banzila na benoMpi bangindu na mono kele ya kunanguka kuluta bangindu na beno.+
10 Kaka mutindu mvula ti mvula ya mpembe* ke nokaka katuka na zuluMpi ke vutukaka ve tii kuna yo podisa ntoto, yo basisa bima mpi yo yedisa yo,Yo pesa nkeni na muntu ya ke kunaka mpi dimpa na muntu ya ke diaka,
11 Mutindu mosi mpi, mambu ya ke basika na munoko na mono ta vanda mutindu yina.+
Yo ta vutuka ve na mono kana yo buta ve mbuma,+Kansi yo ta lungisa kibeni konso kima yina kele kiese*+ na mono,Mpi yo ta nunga kibeni na mambu yina mono me tinda yo na kusala.
12 Sambu beno ta basika na kiese,+Mpi bo ta vutula beno na ngemba.+
Bangumba ya nene ti bangumba ya fioti ta kuma na kiese na ntwala na beno ti milolo ya kiese,+Mpi banti yonso ya mfinda ta bula maboko na yo.+
13 Nti ya yenevriye ta mena na kisika ya banti ya bansende,+Mpi nti ya mirte ta mena na kisika ya nti ya bansende.
Ebuna yo ta nata lukumu na* Yehowa,+Kidimbu ya mvula na mvula yina ta bebaka ve.”
Banoti na nsi ya lutiti
^ To “mabele.”
^ To “mbongo ya beno me baka na mpasi.”
^ To “moyo na beno.”
^ Na kisina, “yina kele mafuta-mafuta.”
^ To “moyo na beno.”
^ To “yina bo lenda tudila ntima.”
^ To “ta lolula na ntima ya mvimba.”
^ To “neige.”
^ To “luzolo.”
^ To “ta sala zina sambu na.”
