Yezaya 56:1-12
56 Yehowa me tuba nde:
“Beno simba lunungu ngolo,+ mpi beno sala mambu yina kele mbote,Sambu luguluku na mono ta kwisa ntama mingi veMpi lunungu na mono ta monana.+
2 Kiese na muntu yina ke sala mambu yaiMpi na mwana ya muntu yina ke kangama na yo ngolo,Yina ke zitisa Kisabatu mpi ke vweza yo ve+Mpi yina ke buyisa diboko na yandi na kusala mambu yonso ya mbi.
3 Munzenza yina ke sambilaka Yehowa+ fwete tuba ve nde,‘Yehowa ta kabula mono kibeni na bantu na yandi.’
Mpi tongu fwete tuba ve nde, ‘Tala! Mono kele nti ya kuyuma.’”
4 Sambu Yehowa me tuba nde: “Na batongu yina ke zitisa bisabatu na mono, yina ke sola mambu yina ke sepedisaka mono mpi yina ke kangama ngolo na kuwakana na mono
5 Mono ta pesa bo monima mpi zina na nzo na mono mpi na kati ya bibaka na mono,Kima mosi ya mbote kuluta bana-babakala mpi bana-bankento.
Mono ta pesa bo zina ya mvula na mvula,Yina ta vila ve.
6 Na yina me tala banzenza yina ke kwisa na Yehowa sambu na kusadila yandi,Sambu na kuzola zina ya Yehowa+Mpi sambu na kuvanda bansadi na yandi,Bantu yonso yina ke zitisa Kisabatu mpi ke vweza yo veMpi yina ke kangama ngolo na kuwakana na mono,
7 Mono ta nata bo mpi na ngumba na mono ya santu+Mpi ta sala nde bo wa kiese na kati ya nzo na mono ya kisambu.
Makabu na bo ya mvimba ya kuyoka ti bimenga na bo ta ndimama na mesa-kimenga na mono.
Sambu bo ta binga nzo na mono nzo ya bisambu sambu na bantu yonso.”+
8 Yehowa Mfumu ya Kuluta Nene, muntu yina ke vukisa bantu ya Izraele+ yina me panzanaka, me tuba nde:
“Katula bantu yina mono vukisaka dezia,+ mono ta vukisa bantu ya nkaka kisika mosi ti yandi.”
9 Beno bambisi yonso ya mfinda, beno kwisa kudia,Beno bambisi yonso ya mfinda ya kele na mfinda.+
10 Bankengidi na yandi kele bifwa-meso,+ ata mosi ve na kati na bo me tula dikebi.+
Bo yonso kele bambwa yina ke nganaka ve,+ yina ke kukaka ve kungana.
Bo ke pema ntinu-ntinu mpi ke lala-lala na ntoto; bo ke zolaka kulala.
11 Bo kele bambwa ya ke diaka ti lukasi;*Bo ke fulukaka ve.
Bo kele bangungudi yina me konda mayele ya kubakisa mambu.+
Bo yonso me kwenda na nzila na bo mosi;Konso muntu ya nsuka na kati na bo ke sosa luta na yandi mosi na banzila ya luvunu mpi ke tuba nde:
12 “Beno kwisa, beno bika mono nwa mwa vinu,Mpi beto nwa malafu mingi.+
Mpi mbasi ta vanda bonso bubu, yo ta vanda mbote kuluta!”
Banoti na nsi ya lutiti
^ To “ya kele ti moyo ya ngolo.”
