Yezaya 57:1-21
57 Muntu ya lunungu me fwa,Kansi ata muntu mosi ve ke tula yo na ntima.
Bo me katula*+ bantu ya kwikama,Kansi ata muntu mosi ve ke bakisa nde bo me katula muntu ya lununguSambu na* mpasi.
2 Yandi ke kota na ngemba.
Bantu yonso yina ke tambu- laka na masonga ke pema na bambeto na bo.*
3 “Kansi beno, beno kwisa pene-pene,Beno bana ya ndoki ya nkento,Beno bana ya bakala ya bizumba mpi ya nkento ya ndumba:
4 Nani beno ke seka?
Nani beno ke kangudila munoko na beno nene mpi ke basisila ludimi na beno?
Keti beno kele ve bana ya mambi,Bana ya luvunu,+
5 Bayina kele ti nzala ya ngolo ya kuvukisa nitu na nsi ya banti ya nene,+Na nsi ya konso nti yina kele ti matiti mingi,+Bayina ke fwa bana na miwanda,+Na nsi ya bampwasa ya matadi?
6 Dikabu na beno+ kele ti matadi ya butesi ya muwanda.
Ee, yai kele dikabu na beno.
Nkutu beno ke tiamunina yo makabu ya malafu mpi ke pesa yo makabu.+
Keti mono fwete sepela* na mambu yai?
7 Nge yidikaka mbeto+ na nge na zulu ya ngumba mosi ya nda,Mpi nge tombukaka kuna sambu na kupesa kimenga.+
8 Na nima ya kielo mpi ya dikunzi ya kielo, nge tulaka kidimbu ya kuyibuka.
Nge bikisaka mono mpi katulaka bilele na nge;Nge tombukaka mpi kumisa- ka mbeto na nge nene.
Mpi nge salaka kuwakana ti bo.
Nge vandaka kuzola kulala ti bo na mbeto na bo,+Mpi nge talaka kibakala.*
9 Nge kulumukaka na Meleki* ti mafutaMpi ti mananasi mingi.
Nge tindaka mimonisi na nge ntama,Mpidina nge kulumukaka na Maziamu.*
10 Nge salaka ngolo sambu na kulanda banzila na nge ya mingi,Kansi nge tubaka ve nde, ‘Kivuvu kele ve!’
Nge bakaka diaka ngolo ya mpa.
Yo yina nge ke yambula* ve.
11 Nge tekitaka na ntwala ya nani mpi nani nge waka bomaYo yina nge yantikaka kukusa?+
Nge yibukaka mono ve.+
Nge tulaka ve ata diambu mosi na ntima.+
Keti mono bikalaka ve pima mpi kudibendaka ve?*+
Yo yina nge waka mono boma ve.
12 Mono ta zabisa ‘lunungu’+ na nge mpi bisalu na nge,+Ebuna yo ta natila nge ve mambote.+
13 Ntangu nge ta dila sambu na kulomba lusadisu,Kimvuka ya biteki na nge ta sadisa nge ve.+
Mupepe ta nata yo yonso,Mpema ya mpamba ta nata yo,Kansi muntu yina ke tina na mono ta baka insi bonso dikabuMpi ta baka ngumba na mono ya santu.+
14 Bo ta tuba nde, ‘Beno sala, beno sala nzila ya nene! Beno yidika nzila!+
Beno katula konso sakuba na nzila ya bantu na mono.’”
15 Yai mambu yina Muntu ya Zulu me tuba,Muntu yina ke zingaka kimakulu+ mpi yina zina na yandi kele ya santu:+
“Mono ke zingaka na kisika mosi ya kunanguka mpi ya santu,+Kansi mpi ti bantu yina ke niokwama mpi yina kele ti mabanza ya kudikulumusa,Sambu na kupesa diaka kikesa na mabanza ya bantu ya kukonda mfunuMpi sambu na kupesa diaka ngolo na ntima ya bantu yina ke niokwama.+
16 Sambu mono ta telamina bo ve kimakuluTo kuvanda ntangu yonso na makasi;+Sambu mpeve ya muntu ta lemba sambu na mono,+Ata bigangwa ya ke pemaka yina mono me salaka.
17 Mono waka makasi sambu na disumu na yandi ya kusosa luta na banzila ya luvunu,+Yo yina mono bulaka yandi, mono bumbaka luse na mono, mpi mono waka makasi.
Kansi yandi landaka kuta- mbula bonso nkolami,+ yandi vandaka kulanda nzila ya ntima na yandi.
18 Mono me mona banzila na yandi,Kansi mono ta belula yandi+ mpi ta twadisa yandi+Mpi ta lembika yandi diaka*+ ti bantu na yandi yina ke dila.”+
19 “Mono ke ganga mbuma ya bikobo.
Muntu yina kele ntama mpi muntu yina kele pene-pene+ ta landa kubaka ngemba ya kukonda nsuka,” Yehowa muntu me tuba,“Mpi mono ta belula yandi.”
20 “Kansi bantu ya mbi kele bonso nzadi-mungwa ya ke nikana-nikanaka, ya lenda vanda pima ve,Mpi bamasa na yo ke landa kulosa-losa matiti ya ke vandaka na nzadi-mungwa mpi poto-poto.
21 Ngemba kele ve sambu na bantu ya mbi,”+ Nzambi na mono muntu me tuba.
Banoti na nsi ya lutiti
^ To mbala ya nkaka, “Na.”
^ Disongidila, na lufwa.
^ Disongidila, na maziamu.
^ To “Keti mono fwete kudilembika.”
^ Ziku yo ke tubila lusambu ya biteki.
^ To mbala ya nkaka, “ntotila.”
^ To “Sheole,” disongidila, maziamu ya bantu yonso. Tala Bantendula ya Bangogo.
^ Na kisina, “ke lemba.”
^ To “mpi bumbaka mambu.”
^ To “ta pesa yandi kikesa sambu na kufuta yandi.”
