Yezaya 6:1-13
6 Na mvula yina ntotila Uziya fwaka,+ mono monaka Yehowa me vanda na kiti mosi ya kimfumu ya nda mpi ya kunanguka,+ mpi bansongi ya mvwela na yandi fulusaka tempelo.
2 Baserafe vandaka me telama na zulu na yandi; konso serafe vandaka ti mapapu sambanu. Konso serafe* fikaka luse na yandi ti mapapu zole, mpi fikaka makulu na yandi ti mapapu zole, mpi konso serafe vandaka kupumbuka-pumbuka ti mapapu zole.
3 Mosi vandaka kubinga ya nkaka nde:
“Yehowa ya makesa+ kele santu, santu, santu.
Ntoto ya mvimba me fuluka ti nkembo na yandi.”
4 Makelele yina* nikisaka bakielo, mpi nzo fulukaka ti midinga.+
5 Ebuna mono tubaka nde: “Mawa na mono!
Imene sambu na mono,*Sambu mono kele muntu yina kele ti bikobo ya mvindu,Mpi mono ke zinga na kati ya bantu ya kele ti bikobo ya mvindu;+Sambu meso na mono me mona Ntotila, Yehowa ya makesa yandi mosi!”
6 Ebuna, serafe mosi pumbukaka mpi kwisaka na mono, mpi na diboko na yandi, yandi vandaka ti dikala ya tiya+ yina yandi bakaka na mesa-kimenga+ ti bapense.
7 Yandi simbaka munoko na mono mpi tubaka nde:
“Tala! Yo me simba bikobo na nge.
Kifu na nge me katukaMpi bo me fika disumu na nge.”
8 Ebuna mono waka ndinga ya Yehowa ke tuba nde: “Nani mono ta tinda, mpi nani ta kwenda sambu na beto?”+ Mpi mono tubaka nde: “Mono yandi yai! Tinda mono!”+
9 Yandi vutulaka nde, “Kwenda, mpi tubila bantu yina nde:
‘Beno ta wa mbala na mbala,Kansi beno ta bakisa ve;Beno ta mona mbala na mbala,Kansi beno ta baka ve nzayilu.’+
10 Sala nde ntima ya bantu yai kukuma ngolo,+Sala nde makutu na bo kuwa ve,+Mpi kanga meso na bo,Sambu bo mona ve ti meso na boMpi bo wa ve ti makutu na bo,Sambu ntima na bo kubakisa veMpi bo vutuka ve ebuna bo beluka.”
11 Ebuna mono tubaka nde: “O Yehowa, tii nki ntangu?” Yandi tubaka nde:
“Tii kuna bambanza ta bikala mayumbu kukonda bantu ya ke zinga kuna,Banzo ta konda bantu,Mpi insi ta bikala mayumbu mpi mpamba;+
12 Tii kuna Yehowa ta katula bantu mpi ta nata bo ntama,+Mpi mayumbu ya insi ta yalumuka kibeni.
13 “Kansi na kati na yo, yo ta vanda kaka ti ndambu mosi na kati ya bandambu kumi, mpi bo ta yoka yo diaka, bonso nti mosi ya nene mpi bonso nti ya bo ke bingaka shene, yina kisina na yo ke bikalaka kana bo zenga yo; nkuna* ya santu ta vanda kisina na yo.”
Banoti na nsi ya lutiti
^ Na kisina, “Yandi.”
^ Na kisina, “Ndinga ya muntu yina ke binga.”
^ Na kisina, “Bo me kumisa mono pima.”
^ To “bana.”
