Yezaya 62:1-12
-
Zina ya mpa ya Sioni (1-12)
62 Sambu na Sioni, mono ta vanda ve pima,+Mpi sambu na Yeruzalemi, mono ta konda ve kutubaTii kuna lunungu na yandi ta sema bonso nsemo ya ngolo+Mpi luguluku na yandi ta pela bonso mwinda.+
2 “O nkento,+ makanda ta mona lunungu na nge,Mpi bantotila yonso ta mona nkembo na nge.+
Ebuna bo ta binga nge na zina mosi ya mpa,+Yina munoko ya Yehowa yo mosi ta pesa.
3 Nge ta kuma mpu ya kimfumu ya kitoko na diboko ya Yehowa,Tirbani ya kimfumu na kipala-pala ya diboko ya Nzambi na nge.
4 Bo ta binga nge diaka ve nkento ya bo me yambulaka,+Mpi bo ta binga diaka ve insi na nge nde insi ya me bikalaka mpamba.+
Kansi bo ta binga nge nde Kiese na Mono Kele na Yandi,+Mpi bo ta binga insi na nge nde Yina Me Kwela.
Sambu Yehowa ta sepela na nge,Mpi insi na nge ta vanda bonso muntu ya me kwelaka.
5 Kaka mutindu leke mosi ya bakala ke kwelaka mwana-nkento ya mwense,Bana na nge ya babakala mpi ta kwela nge.
Mutindu bakala ya ke kwela ke waka kiese sambu na nkento yina yandi ke kwela,Nzambi na nge mpi ta wa kiese sambu na nge.+
6 O Yeruzalemi, na zulu ya bibaka na nge, mono me tula bankengidi.
Konso ntangu, kilumbu ya mvimba mpi mpimpa ya mvimba, bo fwete vanda ve pima.
Beno bantu ya ke tubaka sambu na Yehowa,Beno pema ve,
7 Beno pemisa yandi ve tii kuna yandi ta tedimisa Yeruzalemi ngolo,Ee, tii kuna yandi ta kumisa Yeruzalemi lukumu ya ntoto.”+
8 Yehowa me zenga kieleka ti diboko na yandi ya kitata mpi ti diboko na yandi ya ngolo nde:
“Mono ta pesa diaka ve bambeni na nge mbuma na nge sambu bo dia,Banzenza mpi ta nwa diaka ve vinu na nge ya mpa, yina nge moninaka mpasi.+
9 Kansi bantu yina ke vukisa yo ta dia yo mpi bo ta kumisa Yehowa;Mpi bantu yina ke vukisa yo ta nwa yo na bibansala na mono ya santu.”+
10 Beno luta, beno luta na bakielo.
Beno yidika nzila sambu na bantu.+
Beno sala, beno sala nzila ya nene.
Beno katula yo matadi.+
Beno tedimisa kidimbu* sambu na bantu.+
11 Tala! Yehowa me samuna tii na nsuka ya ntoto:
“Beno tuba na mwana-nkento ya Sioni,‘Tala! Luguluku na nge ke kwisa.+
Tala! Matabisi na yandi kele ti yandi,Mpi lufutu yina yandi ke pesa kele na ntwala na yandi.’”+
12 Bo ta binga bo bantu ya santu, bayina Yehowa me sumba diaka,+Mpi bo ta binga nge nde Yina ya Bo Me Sosa, Mbanza ya Bo Me Yambulaka Ve.+
Banoti na nsi ya lutiti
^ To “nti yina kele kidimbu.”
