Yobi 35:1-16
35 Elihu landaka kupesa mvutu nde:
2 “Keti nge ke ndima kibeni nde nge me sala kima ve yo yina nge ke tuba nde,‘Mono kele muntu ya lunungu kuluta Nzambi’?+
3 Sambu nge ke tuba nde, ‘Yo ke tadila nge na inki?*
Keti mono kele mbote kuluta kana mono salaka disumu?’+
4 Mono ta pesa nge mvutuMpi na banduku na nge+ yina kele ti nge.
5 Tala na zulu mpi mona,Tala mbote-mbote matuti,+ yina kele na zulu na nge kibeni.
6 Kana nge sala disumu, nki mutindu nge ke pesa yandi mpasi?+
Kana masumu na nge kuku- ma mingi, inki nge ke sala yandi?+
7 Kana nge kele muntu ya lunungu, inki nge ke pesa yandi?Inki yandi ke baka na nge?+
8 Mbi na nge kele na bupusi kaka na muntu bonso nge,Mpi lunungu na nge, na mwana ya muntu.
9 Bantu ke bokaka ntangu bo ke niokulaka bo ngolo;Bo ke bokaka sambu na kulomba nde bo katula bo na nsi ya luyalu* ya bantu ya ngolo.+
10 Kansi ata muntu mosi ve ke tuba nde, ‘Wapi Nzambi, Muntu ya Nene yina salaka mono,+Muntu yina ke salaka nde bo yimba bankunga na mpimpa?’+
11 Yandi ke longaka beto+ mambu mingi kuluta bambisi ya ntoto,+Mpi yandi ke salaka nde beto vanda mayele kuluta bandeke ya zulu.
12 Bantu ke boka, kansi yandi ke pesa ve mvutu,+Sambu na lulendo ya bantu ya mbi.+
13 Ya kieleka Nzambi ke waka ve kuboka ya mpamba-mpamba;*+Nkwa-Ngolo Yonso ke tudilaka yo ve dikebi.
14 Ebuna yo ta vanda inki mutindu kana nge ke bokuta nde nge ke mona yandi ve!+
Diambu na nge kele na ntwala na yandi, yo yina nge fwete vingila yandi ti kukanga-ntima yonso.+
15 Sambu yandi me pesa ve ndola na makasi yonso;Yandi me tula mpi ve dikebi na mutindu nge salaka mambu kukonda kuyindula kibeni.+
16 Yobi ke kangula munoko na yandi nene sambu na mpamba;Yandi ke kumisa bangogo mingi kukonda kuzaba.”+
