Yobi 36:1-33
-
Elihu ke kumisa bunene ya Nzambi yina muntu lenda bakisa ve (1-33)
36 Elihu landaka kutuba nde:
2 “Kanga ntima mwa fioti na ntangu mono ke tendula,Sambu mono kele kaka ti mambu ya kutuba sambu na Nzambi.
3 Mambu yina mono me zaba, mono ta tuba yo na mutindu yina bantu lenda bakisa,Mpi mono ta zabisa nde lunungu kele ya Muntu yina salaka mono.+
4 Ya kieleka, mambu ya mono ke tuba kele ve ya luvunu;Muntu yina kele ya kukuka na nzayilu+ kele awa na ntwala na nge.
5 Ya kieleka, Nzambi kele ngolo+ mpi ke buyaka ve ata muntu mosi;Yandi kele nene na ngolo na yandi ya kubakisa mambu.*
6 Yandi ta tanina ve luzingu ya muntu ya mbi,+Kansi yandi ke zengaka mambu ya muntu yina bo ke monisa mpasi na lunungu.+
7 Yandi ke katulaka ve meso na yandi na muntu ya lunungu;+Yandi ke tulaka bo na kiti ya kimfumu sambu bo vanda bantotila,*+ ebuna bo ke bakaka lukumu kimakulu.
8 Kansi kana bo me kangisa bo miniololoMpi me kanga bo bansinga ya mpasi,
9 Yandi ke monisaka bo mambu ya bo me sala,Mambu na bo ya mbi yina me katuka na lulendo na bo.
10 Yandi ke kangulaka makutu na bo sambu na kusungika boMpi ke songaka bo na kuyambula mambi.+
11 Kana bo lemfuka mpi bo sadila yandi,Bo ta zinga bilumbu na bo na kimvwama,Mpi bamvula na bo ta vanda ya mbote.+
12 Kansi kana bo lemfuka ve, bo ta fwa na mbele ya bitumba*+Mpi bo ta fwa kukonda nzayilu.
13 Bantu yina ke kwikilaka ve na Nzambi na ntima na bo* ta bumba kimbeni.
Bo ke dilaka ve sambu na kulomba lusadisu ata kana yandi kanga bo bansinga.
14 Bo ke fwa* na ntangu bo kele kaka baleke,+Mpi ke lutisa* luzingu na bo na kati ya babakala yina vandaka bandumba ya tempelo.+
15 Kansi Nzambi* ke gulusaka bantu ya bo ke monisa mpasi na ntangu ya bampasi na bo;Yandi ke kangulaka makutu na bo na ntangu bo ke niokulaka bo.
16 Yandi ke katula nge na mpasi+Sambu na kunata nge na kisika mosi ya nene, ya kukonda kinkakama,+Ti madia ya mbote na mesa na nge sambu yo lembika nge.+
17 Ebuna nge ta vanda na kiese na mutindu bo ta sambisa muntu ya mbi,+Ntangu bo ta zenga makambu mpi ta pesa maboko na lunungu.
18 Kansi keba nde makasi kunata nge ve na kusala mbi,*+Mpi kubika ve nde kundima avoka mingi kuvidisa nge nzila.
19 Keti kudila na nge sambu na kulomba lusadisuTo bikesa na nge yonso ta tanina nge na mpasi?+
20 Kuvanda ve ti nzala ya ngolo ya mpimpa,Ntangu bantu ke katukaka na bisika ya bo ke vandaka.
21 Keba na mpila nde nge sala ve mambu ya mbi,Mpi nge sola yo na kisika ya mpasi.+
22 Tala! Nzambi kele ya kunanguka na ngolo na yandi;Inki longi kele bonso yandi?
23 Nani me twadisaka* nzila na yandi+To tubilaka yandi nde, ‘Mambu ya nge me sala kele mbi’?+
24 Yibuka na kukumisa kisalu na yandi,+Yina bantu me yimbilaka.+
25 Bantu yonso me monaka yo,Muntu ke talaka yo na kintama.
26 Ee, Nzambi kele nene mingi kuluta yina beto lenda zaba;+Muntu lenda bakisa ve+ ntalu ya bamvula na yandi.
27 Yandi ke bendaka matonsi ya masa;+Yo ke kangamaka mpi ke kumaka mvula yina ke katukaka na lubungi na yandi;
28 Na nima matuti ke nokisaka yo na ntoto,+Yo ke nokilaka bantu.
29 Keti muntu lenda bakisa mutindu matuti ke yalumukaka,Mpi mutindu makelele ya nzasi ke katukaka na tenta*+ na yandi?
30 Tala mutindu yandi ke yalumunaka nsemo na yandi ya nzasi*+ na zulu na yoMpi ke fikaka bisika ya mudindu* ya nzadi-mungwa.
31 Yandi ke sadisaka* bantu na nzila na yo;Yandi ke pesaka bo madia mingi.+
32 Yandi ke fikaka nsemo ya nzasi ti maboko na yandi,Mpi yandi ke twadisaka yo sambu na kubula kima yina yandi ke kana kuta.+
33 Makelele na yandi ya nzasi ke songaka mambu na yandi,Nkutu bitwisi ke songaka nani* ke kwisa.
Banoti na nsi ya lutiti
^ Na kisina, “ya ntima.”
^ To mbala ya nkaka, “Yandi ke tulaka bantotila na bakiti ya kimfumu.”
^ To “na munduki.”
^ To “Bantu yina kele bankolami na ntima.”
^ To “Moyo na bo ke fwa.”
^ To mbala ya nkaka, “Mpi ke sukisa.”
^ Na kisina, “Yandi.”
^ To “na kubula maboko sambu na kuvweza.”
^ To mbala ya nkaka, “me vwezaka; me sambisaka yandi sambu na.”
^ Na kisina, “kisasa.”
^ Na kisina, “nsemo na yandi.”
^ Na kisina, “bansimbulu.”
^ To mbala ya nkaka, “ke sambisaka mambu ya.”
^ To mbala ya nkaka, “mambu yina.”
