Yobi 37:1-24
37 “Yo yina ntima na mono ke bula ngoloMpi ke bula ntinu-ntinu.
2 Wa mbote-mbote kunguna-nguna ya ndinga na yandiMpi makelele ya nzasi yina ke katuka na munoko na yandi.
3 Yandi ke tindaka yo na zulu ya ntoto ya mvimbaMpi ke tindaka nsemo na yandi ya nzasi+ tii na nsuka ya ntoto.
4 Na nima makelele ya ngolo ke basikaka;Yandi ke nganaka bonso nzasi ti ndinga ya kuyituka,+Mpi yandi ke kangaka yo ve nzila ntangu ndinga na yandi ke wakanaka.
5 Nzambi ke nganaka bonso nzasi ti ndinga na yandi+ na mutindu mosi ya kuyituka;Yandi ke salaka mambu ya nene yina me luta mayele na beto ya kubakisa mambu.+
6 Sambu yandi ke tubaka na mvula ya mpembe* nde, ‘Bwa na ntoto,’+
Mpi na mvula ya ngolo nde, ‘Noka ngolo.’+
7 Nzambi ke tulaka nsuka na bisalu yonso ya bantu*Mpidina konso muntu ta zaba kisalu ya Nzambi.
8 Bambisi ya mfinda ke kotaka na mabulu na boMpi ke bikalaka na bisika ya bo ke lalaka.
9 Mupepe ya ngolo ke bulaka katuka na suku na yo,+Mpi madidi ke katukaka na mipepe ya nordi.+
10 Na mpema ya Nzambi, glase ke salamaka,+Mpi bamasa ya nene ke kangamaka bonso ditadi.+
11 Ee, yandi ke fulusaka matuti ti matanga ya masa,Yandi ke yalumunaka nsemo na yandi ya nzasi+ na matuti,
12 Yo ke baluka-balukaka kisika yina yandi ke twadisaka yo;Yo ke zitisaka mambu yonso yina yandi ke songaka+ ntoto.*
13 Yo vanda sambu na kupesa ndola*+ to sambu na insiTo sambu na zola ya kwikama, yandi ke salaka nde yo salama.+
14 Yobi, widikila mambu yai;Telama mpi yindula mbote-mbote bisalu ya kuyituka ya Nzambi.+
15 Keti nge ke zaba mutindu Nzambi ke yalaka* matutiMpi mutindu yandi ke salaka nde nsemo ya nzasi kusema kuna na dituti na yandi?
16 Keti nge ke zaba mutindu matuti ke lelaka?+
Bima yai kele bisalu ya kuyituka ya Muntu yina kele ya kukuka na nzayilu.+
17 Sambu na nki bilele na nge ke kumaka tiyaNtangu ntoto ke vandaka pima sambu na mupepe ya sudi?+
18 Keti kumosi ti yandi, nge lenda tandula* zulu+Yina kele ngolo bonso tala-tala ya kibende?
19 Songa beto mambu yina beto fwete tubila yandi;Beto lenda pesa ve mvutu sambu beto kele na mpimpa.
20 Keti bo fwete songa yandi nde mono ke zola kutuba?
To keti muntu mosi tubaka diambu yina bo fwete zabisa yandi?+
21 Bo lenda mona nkutu nsemo ve,*Ata yo ke sema na zulu,Tii kuna mupepe ta luta mpi ta komba matuti.
22 Nsemo ya ke sema bonso wolo ke katukaka na nordi;Bunene ya Nzambi+ ke pesaka boma.
23 Beto lenda bakisa ve Nkwa-Ngolo Yonso;+Yandi kele ti ngolo mingi,+Mpi yandi ke fwaka ve ata fioti lunungu na yandi+ mpi kusungama na yandi ya mingi.+
24 Yo yina, bantu fwete wa yandi boma.+
Sambu yandi ke ndimaka ve bantu yonso yina ke yindulaka nde bo kele mayele.”*+
Banoti na nsi ya lutiti
^ To “neige.”
^ Na kisina, “ke tulaka kidimbu na diboko ya konso muntu.”
^ To “kitini ya ntoto yina ke butaka.”
^ Na kisina, “na nti.”
^ To “ke pesaka bantuma na.”
^ To “bula.”
^ Disongidila, nsemo ya ntangu.
^ Na kisina, “yina kele na mayele ya ntima.”
