Yozue 12:1-24
12 Yai bantotila ya insi yina bantu ya Izraele bedisaka, yina bo bakaka insi na bo na ndambu ya esti ya Yordani, yantika na Muwanda ya Arnoni+ tii na Ngumba ya Ermoni+ mpi ntoto ya Araba ya mvimba na ndambu ya esti:+
2 Sihoni+ ntotila ya bantu ya Amore, yina vandaka kuzinga na Eshboni mpi vandaka kuyala yantika na Aroere,+ yina vandaka na ndilu ya Muwanda ya Arnoni,+ mpi yantika na kati-kati ya muwanda yina, mpi ndambu ya Gileadi tii na Muwanda ya Yaboki, ndilu ya bantu ya Amoni.
3 Yandi vandaka kuyala mpi na Araba tii na Nzadi-Mungwa ya Kinereti*+ na ndambu ya esti mpi tii na Nzadi-Mungwa ya Araba, Nzadi ya Mungwa,* na esti na ndambu ya Bete-yeshimoti, mpi na ndambu ya sudi na nsi ya bangumba ya Pisga.+
4 Bo bakaka mpi teritware ya Ogi+ ntotila ya Bashani, yina vandaka na kati ya bantu ya nsuka ya Refayimi+ mpi yina vandaka kuzinga na Ashtaroti mpi na Edrei,
5 mpi vandaka kuyala na Ngumba ya Ermoni, na Saleka, mpi na Bashani ya mvimba,+ tii na ndilu ya bantu ya Geshure mpi ya bantu ya Maakati,+ mpi ndambu ya Gileadi, tii na teritware ya Sihoni ntotila ya Eshboni.+
6 Moize nsadi ya Yehowa mpi bantu ya Izraele bedisaka bo,+ na nima Moize nsadi ya Yehowa pesaka insi na bo bonso dikabu na bana ya Rubeni, na bana ya Gadi, mpi na ndambu ya dikanda ya Manase.+
7 Yai bantotila ya insi yina Yozue mpi bantu ya Izraele bedisaka na ndambu ya westi ya Yordani, yantika na Baale-gadi+ yina kele na Muwanda ya Libani+ mpi tii na Ngumba ya Alaki,+ yina ke tombuka tii na Seire,+ na nima Yozue pesaka insi na bo na makanda ya Izraele sambu yo vanda ya bo na kutadila makabu na bo,+
8 na ntoto ya bangumba, na Shefela, na Araba, na bisika ya bangumba, na ntoto-makanga, mpi na Negebi,+ disongidila insi ya bantu ya Heti, ya bantu ya Amore,+ ya bantu ya Kanana, ya bantu ya Perizi, ya bantu ya Hivi, mpi ya bantu ya Yebusi:+
9 Ntotila ya Yeriko,+ mosi; ntotila ya Ai,+ yina vandaka pene-pene ya Betele, mosi;
10 ntotila ya Yeruzalemi, mosi; ntotila ya Ebroni,+ mosi;
11 ntotila ya Yarmuti, mosi; ntotila ya Lakishi, mosi;
12 ntotila ya Egloni, mosi; ntotila ya Gezere,+ mosi;
13 ntotila ya Debire,+ mosi; ntotila ya Gedere, mosi;
14 ntotila ya Orma, mosi; ntotila ya Aradi, mosi;
15 ntotila ya Libna,+ mosi; ntotila ya Adulami, mosi;
16 ntotila ya Makeda,+ mosi; ntotila ya Betele,+ mosi;
17 ntotila ya Tapua, mosi; ntotila ya Hefere, mosi;
18 ntotila ya Afeki, mosi; ntotila ya Lasharoni, mosi;
19 ntotila ya Madoni, mosi; ntotila ya Asore,+ mosi;
20 ntotila ya Shimroni-meroni, mosi; ntotila ya Akshafi, mosi;
21 ntotila ya Tanaki, mosi; ntotila ya Megido, mosi;
22 ntotila ya Kedeshi, mosi; ntotila ya Yokneami+ na Karmele, mosi;
23 ntotila ya Dore na bangumba ya Dore,+ mosi; ntotila ya Goyimi na Gilgale, mosi;
24 ntotila ya Tirsa, mosi; na kimvuka bantotila 31.
Banoti na nsi ya lutiti
^ Disongidila, Nzadi-Mungwa ya Kufwa.
^ Disongidila, dizanga ya Genezareti, to Nzadi-Mungwa ya Galilea.