Yozue 15:1-63
15 Ntoto yina bo pesaka*+ dikanda ya Yuda sambu na mabuta na bo yantikaka na ndilu ya Edomi,+ na ntoto-makanga ya Zini, tii na Negebi, na nsongi na yo ya sudi.
2 Ndilu na bo ya sudi yantikaka na nsuka ya Nzadi ya Mungwa,*+ yantika na lweka ya nzadi yina ke tala na sudi.
3 Mpi yo kwendaka na sudi tii na ngumba ya Akrabimi,+ yo lutaka na Zini, ebuna yo tombukaka na sudi na Kadeshi-barnea,+ yo lutaka na Esroni, yo tombukaka na Adare, mpi yo balukaka na ndambu ya Karka.
4 Ebuna yo lutaka na Asmoni+ mpi kwendaka tii na Muwanda* ya Ezipte,+ mpi ndilu yina sukaka na Nzadi-Mungwa.* Yai ndilu na bo na ndambu ya sudi.
5 Ndilu na yo ya esti vandaka Nzadi ya Mungwa* tii na nsuka ya Yordani, mpi ndilu na yo na kinkonko ya nordi vandaka na lweka ya nzadi-mungwa, na nsuka ya Yordani.+
6 Ndilu yina tombukaka na Bete-ogla+ mpi yo lutaka na nordi ya Bete-araba,+ mpi yo tombukaka na ditadi ya Bohani+ mwana ya Rubeni.
7 Ndilu yina tombukaka na Debire na Muwanda* ya Akore+ mpi yo balukaka na ndambu ya nordi na Gilgale,+ yina kele na ntwala ya ngumba ya Adumimi, yina kele na sudi ya muwanda; yo lutaka na masa ya Ene-shemeshi+ mpi yo sukaka na Ene-rogele.+
8 Ndilu yina tombukaka na Muwanda ya Mwana ya Inomi,+ na ngumba ya Yebusi+ na sudi, disongidila, Yeruzalemi,+ mpi yo tombukaka na nsongi ya ngumba yina ke talana ti Muwanda ya Inomi na westi, yina kele na nsuka ya Muwanda* ya Refayimi na nordi.
9 Mpi bo tendaka ndilu yina yantika na nsongi ya ngumba tii na nto ya bamasa ya Neftoa,+ mpi yo kwendaka tii na bambanza ya Ngumba ya Efroni; mpi bo tendaka ndilu yina na Baala, disongidila, Kiriati-yearimi.+
10 Ndilu yina balukaka yantika na Baala na ndambu ya westi tii na Ngumba ya Seire mpi yo lutaka na simu ya nordi ya Ngumba ya Yearimi, disongidila, Kesaloni; mpi yo kulumukaka na Bete-shemeshi+ mpi yo lutaka na Timna.+
11 Mpi ndilu yina kwendaka na ngumba ya Ekroni+ na nordi, mpi bo tendaka yo na Shikeroni mpi yo lutaka na Ngumba ya Baala mpi yo kwendaka tii na Yabneele, mpi ndilu yina sukaka na nzadi-mungwa.
12 Ndilu ya westi vandaka na Nzadi-Mungwa ya Nene*+ mpi dibungu na yo. Yai vandaka ndilu ya bana ya Yuda na kutadila mabuta na bo na bandambu yonso.
13 Yandi pesaka Kalebi,+ mwana ya Yefune, dikabu na kati ya bana ya Yuda na kuwakana ti mambu yina Yehowa songaka Yozue, disongidila, Kiriati-arba (Arba vandaka tata ya Anaki), disongidila, Ebroni.+
14 Ebuna Kalebi kulaka bana tatu ya Anaki+ na bwala yina: Sheshai, Ahimani, mpi Talmai,+ bana ya Anaki.
15 Na nima, yandi katukaka kuna mpi kwendaka kunwanisa bantu ya Debire.+ (Ntete zina ya Debire vandaka Kiriati-sefere.)
16 Ebuna Kalebi tubaka nde: “Muntu yina ta nwanisa Kiriati-sefere mpi ta botula yo, mono ta pesa yandi mwana na mono ya nkento Aksa sambu yandi kuma nkento na yandi.”
17 Otniele+ mwana ya Kenazi,+ mpangi ya Kalebi, botulaka yo. Yo yina Kalebi pesaka yandi mwana na yandi ya nkento Aksa+ sambu yandi kuma nkento na yandi.
18 Ntangu Aksa vandaka kukwenda na nzo ya bakala na yandi, Aksa siamisaka Otniele na kulomba tata na yandi kilanga. Ebuna Aksa tulukaka na mpunda na yandi.* Kalebi yulaka yandi nde: “Nge ke zola inki?”+
19 Aksa tubaka nde: “Pardo, sakumuna mono, sambu nge me pesa mono kitini ya ntoto na sudi;* pesa mono mpi Guloti-mayimi.”* Yo yina Kalebi pesaka yandi Guloti ya Zulu mpi Guloti ya Nsi.
20 Yai dikabu ya dikanda ya Yuda na kutadila mabuta na bo.
21 Bambanza yina vandaka na nsuka ya dikanda ya Yuda na ndambu ya ndilu ya Edomi,+ na sudi, vandaka: Kabseele, Edere, Yagure,
22 Kina, Dimona, Adada,
23 Kedeshi, Asore, Itnani,
24 Zifi, Telemi, Bealoti,
25 Asore-adata, mpi Kerioti-esroni, disongidila, Asore,
26 Amami, Shema, Molada,+
27 Azare-gada, Eshmoni, Bete-peleti,+
28 Azare-shuale, Bere-sheba,+ Bizioteya,
29 Baala, Yimi, Esemi,
30 Eltoladi, Kesile, Orma,+
31 Siklagi,+ Madmana, Sansana,
32 Lebaoti, Shilimi, Ayini, mpi Rimoni,+ na kimvuka bambanza 29 kumosi ti babwala na yo.
33 Bambanza ya bo bakaka na Shefela+ vandaka: Eshetaole, Sora,+ Ashna,
34 Zanoa, Ene-ganimi, Tapua, Enami,
35 Yarmuti, Adulami,+ Soko, Azeka,+
36 Shaarayimi,+ Aditayimi, mpi Gedera ti Gederotayimi,*—bambanza 14 mpi babwala na yo.
37 Senani, Adasha, Migdale-gadi,
38 Dileani, Mispe, Yokteele,
39 Lakishi,+ Boskati, Egloni,
40 Kaboni, Lahemami, Kitlishi,
41 Gederoti, Bete-dagoni, Naama, mpi Makeda,+ bambanza 16 mpi babwala na yo.
42 Libna,+ Etere, Ashani,+
43 Yifta, Ashna, Nesibi,
44 Keila, Akzibi, mpi Maresha, bambanza uvwa mpi babwala na yo.
45 Ekroni mpi babwala ya nene yina kele na nziunga na yo ti babwala na yo;
46 yantika na Ekroni na westi, bisika yonso yina kele na lweka ya Ashdodi mpi babwala na yo.
47 Ashdodi,+ babwala ya nene yina kele na nziunga na yo ti babwala na yo; Gaza,+ babwala ya nene yina kele na nziunga na yo ti babwala na yo, tii na Muwanda ya Ezipte, Nzadi-Mungwa ya Nene,* mpi ntoto yina kele pene-pene ti yo.+
48 Mpi na ntoto ya bangumba, bambanza yai: Shamire, Yatire,+ Soko,
49 Dana, Kiriati-sana, disongidila, Debire,
50 Anabi, Eshetemo,+ Animi,
51 Goshene,+ Oloni, mpi Gilo,+ bambanza 11 mpi babwala na yo.
52 Arabi, Duma, Eshani,
53 Yanumi, Bete-tapua, Afeka,
54 Umta, Kiriati-arba, disongidila, Ebroni,+ mpi Siore, bambanza uvwa mpi babwala na yo.
55 Maoni,+ Karmele, Zifi,+ Yuta,
56 Yizreele, Yokdeami, Zanoa,
57 Kayini, Gibea, mpi Timna,+ bambanza kumi mpi babwala na yo.
58 Alule, Bete-sure, Gedore,
59 Maarati, Bete-anoti, mpi Eltekoni, bambanza sambanu mpi babwala na yo.
60 Kiriati-baale, disongidila, Kiriati-yearimi,+ mpi Raba, bambanza zole mpi babwala na yo.
61 Na ntoto-makanga, bambanza yai: Bete-araba,+ Midini, Sekaka,
62 Nibshani, Mbanza ya Mungwa, mpi Ene-gedi,+ bambanza sambanu mpi babwala na yo.
63 Kansi bantu ya Yebusi+ yina vandaka kuzinga na Yeruzalemi,+ bantu ya Yuda kukaka ve kukula bo,+ yo yina bantu ya Yebusi ke landaka kuzinga ti bantu ya Yuda na Yeruzalemi tii bubu yai.
Banoti na nsi ya lutiti
^ To “yina bo pesaka na nima ya kubula zeke na.”
^ Disongidila, Nzadi-Mungwa ya Kufwa.
^ Tala Bantendula ya Bangogo.
^ Disongidila, Nzadi-Mungwa ya Nene, Nzadi-Mungwa ya Mediterane.
^ Disongidila, Nzadi-Mungwa ya Kufwa.
^ To “Ntoto ya Kukonda Ngumba.”
^ To “Ntoto ya Kukonda Ngumba.”
^ Disongidila, Nzadi-Mungwa ya Mediterane.
^ To mbala ya nkaka, “Aksa bulaka maboko ntangu yandi vandaka na zulu ya mpunda.”
^ To “na Negebi.”
^ Yo ke tendula “Malonga (Babolo) ya Masa.”
^ To mbala ya nkaka, “Gedera mpi balupangu na yo ya mameme.”
^ Disongidila, Nzadi-Mungwa ya Mediterane.
